Khmer herbal ជាប្រភេទម៉ាស្សា ដែលល្អបំផុតសំរាប់អតិថិជនដែលមានការឈឺចុកចាប់តាមសន្លាក់រ៉ាំរ៉ៃ សម្ពាធសរសៃឈាមឡើងចុះ មានជាតិខ្លាញ់ច្រើន ជាពិសេសសម្រាប់ស្ត្រីក្រោយមករដូវ និងសម្រាលកូនរួច។ ការមករដូវសំរាប់នារីៗ វាជារឿងធម្មតាមួយ…
Khmer herbal ជាប្រភេទម៉ាស្សា ដែលល្អបំផុតសំរាប់អតិថិជនដែលមានការឈឺចុកចាប់តាមសន្លាក់រ៉ាំរ៉ៃ សម្ពាធសរសៃឈាមឡើងចុះ មានជាតិខ្លាញ់ច្រើន ជាពិសេសសម្រាប់ស្ត្រីក្រោយមករដូវ និងសម្រាលកូនរួច។
ការមករដូវសំរាប់នារីៗ វាជារឿងធម្មតាមួយ ដែលជារៀងរាល់ខែត្រូវមកម្តង ។ នៅពេលមានរដូវ គឺពេលវេលាមួយដែលធ្វើឱ្យរាងកាយស្ត្រីមានភាពទ្រុឌទ្រោម និងអរម៉ូនមានការប្រែប្រួល។ ជាធម្មតាស្ត្រីស្ទើតែពី៥០% ទៅ៧០% ទទួលនូវការឈឺចាប់ពេលមករដូវម្តងៗ។
ការឈឺចាប់ព្រោះមករដូវ ភាគច្រើនតែងផ្តុំនៅភាគខាងក្រោមនៃពោះ ។ ប៉ុន្តែការឈឺនេះ ជួនអាចរាលដាលដល់ខ្នង ចង្កេះ និងភ្លៅ។ មិនត្រឹមតែ ឈឺពោះ ចុកខ្នងចុកចង្កេះ ស្រយ៉ង់ដៃស្រយ៉ង់ជើង ស្ត្រីខ្លះទៀត មានអារម្មណ៍ និងអាការៈមិនស្រួលខ្លួន នឿយហត់ អស់កម្លាំង ចង់ក្អួត ចង់ចង្អោរ រាគ ងងឹតមុខ ឈឺក្បាល ព្រមទាំងឆាប់ខឹង ម៉ួរម៉ៅថែមទៀតផង។
លោក វ៉ាត ណាឡុំ អ្នកជំនាញម៉ាស្សានៅហាងចំប៉ីស្ប៉ា បានប្រាប់ថា ការម៉ាស្សាប្រភេទ Khmer herbal គឺជាជម្រើសល្អបំផុតសម្រាប់អតិថិជនដែលមានការឈឺចុកចាប់តាមសន្លាក់រ៉ាំរ៉ៃខ្លាំង សម្ពាធសរសៃឈាមឡើងចុះ មានជាតិខ្លាញ់ច្រើន ជាពិសេសសម្រាប់ស្ត្រីក្រោយមករដូវ និងសម្រាលកូនរួចដោយសារតែស្ត្រី ត្រូវការផ្លាស់ប្តូរឈាមប្រចាំខែ។
Khmer herbal គឺជាប្រភេទនៃការម៉ាស្សាបែបបុរាណ ដោយមានស្អំថ្នាំបុរាណខ្មែរ ដើម្បីបំបាត់បញ្ហាចុក រោយ និងភាពឈឺចាប់ផ្សេង។ Khmer herbal គឺផ្នែកមួយដែលត្រូវបានបំបែកពីខ្មែរម៉ាស្សា ប៉ុន្តែ Khmer herbal មានលក្ខណៈពិសេសជាង ដោយសារការម៉ាស្សាប្រភេទនេះ ក្រៅពីការប្រើក្បាច់ចុចសង្កត់ គេមានកញ្ចប់ដែលជាការផ្សំបញ្ចូលគ្នានៃថ្នាំបុរាណខ្មែរ មានដូចជា ពន្លៃ ស្លឹកក្រូចសើច ខ្ចី ជាដើម ដើម្បីស្អំទៅលើចំណុចដែលឈឺចុកចាប់។
លោកពន្យល់បន្តថា«ការវិវត្តន៍នៃអាយុកាលរបស់មនុស្ស ការគិតច្រើន គេងមិនលក់ ធ្វើការងារធ្ងន់ៗ បរិភោគសាច់ និងគ្រឿងស្រវឹង បានធ្វើអោយមនុស្សយើងមានសុខភាពចុះទ្រុតទ្រោម សារពាង្គកាយមានសភាពឈឺចុកចាប់ មានអារម្មណ៍ធឹងធោង កើតមានជំងឺឈឺសន្លាក់រ៉ាំរ៉ៃ សម្ពាធឈាមដើរមិនបានល្អ ស្ពឹកស្រពន់ដៃជើង ជាតិអាសិតឡើងខ្ពស់ ខ្លាញ់កកកស្ទះក្នុងសរសៃឈាម សំរាប់ស្ត្រីដែលទើបសម្រាលកូនរួចរាល់ ផ្តាសាយ ស្រវឹងស្រា……។ រាល់បញ្ហាដែលកើតមានទាំងអស់នេះ សំរាប់សេវាកម្ម ខ្មែរហើរបល (Khmer Herbal Massage) គឺល្អប្រសើដោយសារតែវាមាននាទីសំខាន់ណាស់ក្នុងការជួយបំបែកជាតិអាស៊ីត និងការជួយបើករន្ធញើស ដើម្បីឱយសារធាតុដែលមាននៅក្នុងមើមថ្នាំខ្មែរចូលទៅព្យាបាលរាល់បញ្ហាដែលកើតមាននៅក្នុងសារពាង្គកាយ ហើយផ្លាស់ប្តូរកោសិកាចាស់បង្កើតកោសិកាថ្មីដែលធ្វើអោយសុខភាពសារពាង្គកាយទាំងមូលមានសភាពធូរស្រាល»។
សម្រាប់នៅហាងចំប៉ីស្ប៉ា សេវាកម្មម៉ាស្សា Khmer herbal ភ្ញៀវពេញនិយមធ្វើ មិនចាញ់ ការម៉ាស្សាបែបខ្មែរបុរាណ និងបែបម៉ាស្សាប្រេងនោះទេ ។ លោក ណាឡុំ និយាយថា សំរាប់សេវាកម្មការម៉ាស្សាបែបនេះ វាពេញនិយម និងទទួលកាចាប់អារម្មណ៍យ៉ាងខ្លាំងពីសំណាក់អតិថិជនទាំងក្នុងស្រុក និងក្រៅស្រុក ដោយសារតែការប្រើប្រាស់ផលិតផល គឺផ្សំឡើងពីប្រភេទមើមថ្នាំខ្មែរធម្មជាតិពិតៗ។
បន្ថែមពីលើអត្ថប្រយោជន៍ នៃការធ្វើម៉ាស្សា Khmer herbal លោកណាឡុំ បានប្រាប់បន្ថែមពីប្រសិទ្ធភាពដែលធ្វើឱ្យវាអាចព្យាបាលការឈឺចុកចាប់បាន ៖ «សម្រាប់សេវា Khmer herbal យើងមានបុគ្គលិកដែលមានជំនាញច្បាស់លាស់ក្នុងការផ្តល់សេវាកម្មម៉ាស្សាជូនអតិថិជន។
របៀបនៃការធ្វើម៉ាស្សា គឺវាមានលក្ខណៈខុសប្លែកពីសេវាកម្មដទៃទៀតត្រង់ថា យើងប្រើបុគ្គលិកចំនួនពីរនាក់ មូលហេតុគឺម្នាក់គាត់ធ្វើម៉ាស្សាជាលក្ខណៈសម្រួលសរសៃ និងម្នាក់ទៀតប្រើថ្នាំខ្មែរសំរាប់ស្អំ និងព្យាបាលនៅលើកន្លែងដែលមានការឈឺចុកចាប់ ហើយរយៈពេលនៃការព្យាបាលម្តងៗ គឺមានរយៈពេលមួយម៉ោងកន្លះ ទៅពីរម៉ោង» ។
ចែករំលែកព័តមាននេះ