ការញ័រទ្រូង គឺជាអារម្មណ៍នៃការលោតញាប់ញ័រ និងដើរលឿនរបស់ចង្វាក់បេះដូង ។ ការញ័រទ្រូងអាចត្រូវបានបណ្តាលមកពីភាពតានតឹងអារម្មណ៍ (stress), លំហាត់ប្រាណ, ថ្នាំ ឬលក្ខខណ្ឌនៃជំងឺមួយចំនួន ។…
ការញ័រទ្រូង គឺជាអារម្មណ៍នៃការលោតញាប់ញ័រ និងដើរលឿនរបស់ចង្វាក់បេះដូង ។ ការញ័រទ្រូងអាចត្រូវបានបណ្តាលមកពីភាពតានតឹងអារម្មណ៍ (stress), លំហាត់ប្រាណ, ថ្នាំ ឬលក្ខខណ្ឌនៃជំងឺមួយចំនួន ។
ទោះបីជាការញ័រទ្រូងអាចនាំឲ្យមានជាទុក្ខព្រួយក៏ដោយ, ជាធម្មតាពួកវាមិនមានការខូចខាតអ្វីទេ ពីព្រោះបេះដូងរបស់អ្នកនៅតែបញ្ជូនឈាមចេញយ៉ាងមានប្រសិទ្ធភាព ។ ក្នុងករណីកម្រ, ការញ័រទ្រូងអាចជារោគសញ្ញានៃជំងឺបេះដូងធ្ងន់មួយចំនួន ដូចជា ការមានចង្វាក់បេះដូងមិនប្រក្រតី ដែលអាចតម្រូវឲ្យមានការព្យាបាល ។
ញ័រទ្រូងមានលេចជារោគសញ្ញាបែបណា?
រោគសញ្ញានៃការញ័រទ្រូងអាចមានអារម្មណ៍ដូចជា៖
-ចង្វាក់បេះដូង លោតបាត់ៗ
-ចង្វាក់បេះដូងលោតញាប់
-ចង្វាក់បេះដូងលោតលឿនខ្លាំងពេក
-បេះដូងប្រឹងច្របាច់ខ្លាំងពេក
អ្នកអាចមានអារម្មណ៍ថាញ័រនោះនៅបំពង់ក ឬ ក ព្រមទាំងនៅក្នុងទ្រូង ។ ការញ័រទ្រូងអាចកើតឡើងមិនថាអ្នកមានសកម្មភាព ឬសម្រាក និងមិនថាអ្នកឈរ, អង្គុយ ឬគេងស្ងៀមនោះទេ ។
នៅពេលណាដែលអ្នកទៅជួបនឹងគ្រូពេទ្យ
ការញ័រទ្រូងដែលមិនសូវកើតជាញឹកញាប់ និងមានរយ:ពេលតែពីរ ឬបីវិនាទី, ជាធម្មតាមិនតម្រូវឲ្យមានការពិនិត្យអ្វីនោះទេ ។ ប្រសិនបើអ្នកធ្លាប់មានប្រវត្តិនៃជំងឺបេះដូង ឬញ័រទ្រូងជាញឹកញាប់, សូមជួបជាមួយគ្រូពេទ្យ ។ គាត់អាចស្នើសុំការធ្វើតេស្តនៃការវាស់ចង្វាក់បេះដូងដើម្បីមើលថា តើការញ័រទ្រូងរបស់អ្នកត្រូវបានបណ្តាលដោយបញ្ហាបេះដូងធ្ងន់ ឬយ៉ាងណា ។ សូមស្វែងរកការសង្គ្រោះជាបន្ទាន់ដោយប្រុងប្រយ័ត្ន
ប្រសិនបើការញ័រទ្រូងត្រូវបានអមទៅដោយ ៖
-ឈឺទ្រូង
-ខ្យល់គរ
-ដកដង្ហើម ខ្លីៗ និង ញាប់ៗ
-វិលមុខខ្លាំង
មូលហេតុនាំអោយញ័រទ្រូង
ជា រឿយៗ, មូលហេតុនៃការញ័រទ្រូងមិនអាចត្រូវបានគេរកឃើញនោះទេ ។ មូលហេតុជាទូទៅនៃការញ័រទ្រូងនោះរួមមាន៖
-ការឆ្លើយតផ្នែកអារម្មណ៍ដូចជា ភាពតានតឹងអារម្មណ៍ ឬការថប់បារម្ភ
-លំហាត់ប្រាណដ៏ខ្លាំងក្លា
-ការទទួលទានជាតិកាហ្វេ
-ទទួលទានពពួកនីកូទីន
-គ្រុនក្តៅ
-ការផ្លាស់ប្តូរនៃអរម៉ូនដែលផ្សារភ្ជាប់ទៅនឹងការមករដូវ, ការមានផ្ទៃពោះ ឬការអស់រដូវ
-លេបថ្នាំផ្តាសាយ ឬថ្នាំក្អកដែលផ្សំឡើងដោយ pseudoephedrine
-ប្រើប្រាស់ថ្នាំហិតចំពោះអ្នកមានជំងឺហឺត
ទោះជាយ៉ាងណាក៏ដោយ, ការញ័រទ្រូងអាចជាសញ្ញានៃជំងឺធ្ងន់មួយចំនួនដោយចៃដន្យដូចជា ការកើនឡើងនៃអ៊័រម៉ូនទីរ៉ូអ៊ីត ឬការមានចង្វាក់បេះដូងមិនប្រក្រតី ។
ចង្វាក់បេះដូងមិនប្រក្រតីអាចរួមមានបេះដូងលោតញាប់ខ្លាំង ឬបេះដូងលោតយឺតពេកដែលជាករណីមិនធម្មតា ឬចង្វាក់បេះដូងមិនស្មើគ្នា ។
កត្តាហានិភ័យអាចនាំអោយញ័រទ្រូង
អ្នកអាចញ័រទ្រូងប្រសិនបើអ្នក ៖
-មានភាពតានតឹងអារម្មណ៍ ឬស្ត្រេសខ្លាំង
-មានការថប់បារម្ភ ឬចេះតែមានការភ័យខ្លាចជាទៀងទាត់
-មានផ្ទៃពោះ
-លេបថ្នាំណាដូចជាថ្នាំផ្តាសាយ ឬថ្នាំសម្រាប់អ្នកជំងឺហឺត
-មានការកើនឡើងនៃអ៊័រម៉ូនទីរ៉ូអ៊ីត
-មានជំងឺបេះដូងផ្សេងទៀតដូចជា ការមានចង្វាក់បេះដូងមិនប្រក្រតី,
ជំងឺខ្សោយបេះដូង ឬមានជំងឺគាំងបេះដូង
ញ័រទ្រូងអាចនាំឲ្យមានផលវិបាកយ៉ាងណា?
ប្រសិនបើការញ័រទ្រូងមិនមែនជារោគសញ្ញានៃជំងឺបេះដូង, វាអាចឲ្យមាននូវផលលំបាកនូវថ្ងៃក្រោយតិចតួចប៉ុណ្ណោះ ។
ប្រសិនបើការញ័រទ្រូងរបស់អ្នកជាសញ្ញានៃជំងឺបេះដូង, ផលលំបាកដែលអាចទៅរួចរួមមាន៖
-អស់កម្លាំង៖ ប្រសិនបើបេះដូងរបស់អ្នកលោតញាប់ពេក, សម្ពាធឈាមរបស់អ្នកអាច ធ្លាក់ចុះ ដែលបណ្តាលឲ្យអ្នកអស់កម្លាំង ។ នេះអាចមានប្រសិនបើអ្នកមានបញ្ហាបេះដូងដូចជា ជំងឺបេះដូងពីកំណើត ឬជំងឺលើប្រឹះបេះដូងមួយចំនួន ។
-ការឈប់លោតរបស់បេះដូង (cardiac arrest) ជាករណីកម្រ, ការញ័រទ្រូងអាច ត្រូវបានបណ្តាលមកពីចង្វាក់បេះដូងមិនប្រក្រតីដែលគំរាមកំហែងដល់ជីវិត និងអាចបណ្តាលឲ្យបេះដូងរបស់អ្នកឈប់លោត ភ្លាមៗ ។
-ការដាច់សរសៃឈាមខួរក្បាល៖ ប្រសិនបើការញ័រទ្រូងត្រូវបានបណ្តាលមកពីការមានចង្វាក់បេះដូងមិនស្មើ(atrial fibrillation)ដែលជាលក្ខខ័ណ្ឌមួយដែលថតខាងលើនៃបេះដូងញ័រហើយមិនច្របាច់ដូចធម្មតា, ឈាមអាចប្រមូលផ្តុំ និងបង្កើតឲ្យមានជាកំណកឈាម ។ ប្រសិនបើកំណកឈាមនោះបែក, វាអាចធ្វើដំនើរ និងទៅបិទលើសរសៃឈាមអារទែដែលទៅខួរក្បាល, ដែលនេះបណ្តាលអោយមានជាការដាច់សរសៃឈាមខួរក្បាល ។
-ជំងឺខ្សោយបេះដូង៖ នេះអាចជាលទ្ធផលមួយប្រសិនបើបេះដូងរបស់អ្នកច្របាច់ដោយមិនមានប្រសិទ្ធភាពក្នុងរយ:ពេលមួយយូរដែលបណ្តាលមកពីការមានចង្វាក់បេះដូងមិនប្រក្រតីដែលជាមូលហេតុអោយជាការញ័រទ្រូង ដូចជាការមានចង្វាក់បេះដូងមិនស្មើគ្នា ។ ជួនកាល, ការគ្រប់គ្រងចង្វាក់បេះដូងអោយបានល្អអាចអោយមានភាពល្អប្រសើរឡើងនូវមុខងារបេះដូងរបស់អ្នក ។
គួរត្រៀមណាត់ជួបគ្រូពេទ្យ យ៉ាងដូចម្តេច?
ប្រសិនបើអ្នកមានការញ័រទ្រូងគួបផ្សំនឹងមានការដកដង្ហើម ខ្លីៗ និងញាប់, ឈឺទ្រូង ឬខ្យល់គរ, អ្នកគួរតែស្វែងរកនូវការព្យាបាលបន្ទាន់ដោយប្រុងប្រយ័ត្ន ។ ប្រសិនបើការញ័រទ្រូងមានរយ:ពេលតែមួយភ្លែត និងគ្មានរោគសញ្ញាដែលគួរឲ្យបារម្ភទេនោះ, សូមណាត់ជួបនឹងគ្រូពេទ្យ ។ គ្រូពេទ្យអាចជួយអ្នកឲ្យរកឃើញថាតើការញ័រទ្រូងមិនមានការប៉ះពាល់ ឬជារោគសញ្ញានៃជំងឺបេះដូងធ្ងន់មួយចំនួន ។
ដោយសារតែការជួបគ្រូពេទ្យមានរយ:ពេលខ្លី, វាជារឿងល្អក្នុងការរៀបចំនូវសំនួរក្នុងការសួរទៅគ្រូពេទ្យ ។ ទាំងនេះគឺជាព័ត៌មានមួយចំនួនដើម្បីជួយអ្នកត្រៀមខ្លួនជួបគ្រូពេទ្យ។
តើអ្នកអាចធ្វើអ្វីបានខ្លះ?
-ក្នុងពេលដែលអ្នកធ្វើការណាត់ជួប, សូមប្រាកដក្នុងការសួរនូវអ្វីដែលអ្នកចង់ដឹងដូចជាការហាមប្រាណក្នុងការញ៉ាំចំណីអាហារ ។
-សរសេរនូវរោគសញ្ញានានាដែលអ្នកធ្លាប់មាន រួមទាំងអ្វីដែលមិនទាក់ទង ទៅនឹងការញ័រ ទ្រូងផងដែរ ។
-សរសេរព័ត៌មានផ្ទាល់ខ្លួនដែលសំខាន់ ដូចជាប្រវត្តិគ្រួសារនៃជំងឺបេះដូង, មានចង្វាក់បេះដូងមិនប្រក្រតី, មានដាច់សរសៃឈាមខួរក្បាល, មានលើសឈាម ឬទឹកនោមផ្អែម និងមានស្ត្រេសធ្ងន់ ឬមានការផ្លាស់ប្តូរនៃរបៀបរស់នៅ ថ្មីៗ ។
-ធ្វើតារាងគ្រប់ថ្នាំទាំងអស់, មានផងដែរនូវថ្នាំវីតាមីន ឬថ្នាំប៉ូវដែលអ្នកបានលេប ។
-នាំសមាជិកគ្រួសារ ឬមិត្តភិក្តទៅជាមួយ ប្រសិនបើអាច ។ ជួនកាលវាអាចមានការលំបាកក្នុងការស្រង់ព័ត៌មានដែលអ្នកបានផ្តល់ឲ្យអំឡុងពេលជួបគ្នា ។ អ្នកដែលទៅជាមួយអ្នកអាចចាំអ្វីមួយដែលអ្នកភ្លេច ។
-ត្រូវរៀបចំក្នុងការពិភាក្សាទៅនឹងចំណីអាហារ និងទម្លាប់នៃការហាត់ប្រាណ ។
ប្រសិនបើអ្នកមិនធ្វើតាមនៃការតម ឬលំហាត់ប្រាណប្រចាំថ្ងៃនោះទេ, គួរតែនិយាយទៅកាន់គ្រូពេទ្យអំពីការជំរុញអ្នកឲ្យមានការចាប់ផ្តើម ។
-សរសេរសំនួរដែលត្រូវសួរគ្រូពេទ្យរបស់អ្នក ។
ពេលវេលារបស់អ្នកជាមួយនឹងគ្រូពេទ្យគឺមានកំណត់, ដូចនេះចូររៀបចំតារាងនៃសំនួរ ដើម្បីជួយអ្នកឲ្យចំណេញពេលជាមួយនឹងគ្រូពេទ្យ ។ តារាងសំនួរគឺចាប់ផ្តើមពីអ្វីដែលសំខាន់ ។ សំរាប់ការញ័រទ្រូង, សំនួរមួយចំនួនដែលត្រូវសួរទៅគ្រូពេទ្យរួមមាន៖
-តើអ្វីដែលបង្កអោយមានរោគសញ្ញានេះ?
-តើមានមូលហេតុអ្វីទៀតសម្រាប់រោគសញ្ញានេះ?
-តើខ្ញុំគួរធ្វើអ្វីប្រសិនបើរោគសញ្ញានេះមានត្រឡប់មកវិញ?
-តើប្រភេទនៃតេស្តអ្វីដែលខ្ញុំនឹងត្រូវធ្វើ?
-តើខ្ញុំត្រូវការព្យាបាលដែរឬទេ?
-តើកម្រិតតនៃសកម្មភាពរាងកាយអ្វីដែលសក្តិសម?
-ខ្ញុំមានជំងឺដទៃទៀត ។ តើខ្ញុំគួរធ្វើដូចម្តេច?
-តើមានការហាមប្រាណដែលខ្ញុំត្រូវតែធ្វើតាមដែរឬទេ?
-តើខ្ញុំគួរទៅជួបអ្នកឯកទេសដែរឬទេ?
-តើខ្ញុំគួរប្រើថ្នាំអ្វី? និងមានអ្វីអាចជំនួសការប្រើថ្នាំដែរឬទេ?
-គេហទំព័រអ្វីដែលអ្នកណែនាំឲ្យខ្ញុំមើល?
– បន្ថែមលើសំនួរអ្វីដែលអ្នកបានរៀបចំសួរទៅគ្រូពេទ្យ, សូមកុំស្ទាក់ស្ទើរក្នុងការសួរនូវសំនួរណាដែលមិនយល់អំឡុងពេលណាត់ជួប ។
តើអ្នករំពឹងអ្វីពីគ្រូពេទ្យរបស់អ្នក
គ្រូពេទ្យអាចសួរនូវសំនួរមួយចំនួន ។ រៀបចំអោយរួចរាល់ដើម្បីឆ្លើយនូវសំនួររបស់គាត់។ គ្រូពេទ្យអាចសួរ៖
-នៅពេលណាដែលអ្នកចាប់ផ្តើមមានការញ័រទ្រូងដំបូង?
-រោគសញ្ញានេះកើតឡើងជាប់រហូត ឬម្តងម្កាល?
-តើការញ័រទ្រូងនេះចាប់ផ្តើម ភ្លាមៗ និងឈប់ ភ្លាមៗទេ?
-តើការញ័រទ្រូងនេះមានគំរូដែរ ឬទេ ដូចជាកើតឡើងក្នុងពេល ដដែលៗជារៀងរាល់ថ្ងៃ ឬគ្រប់ពេលដែលអ្នកមានសកម្មភាពមួយចំនួន?
-តើបេះដូងរបស់អ្នកនៅតែលោតជាទៀងទាត់ ឬទេ អំឡុងពេលមានការញ័រទ្រូង?
-ប្រសិនបើមាន, តើអ្វីដែលធ្វើអោយរោគ សញ្ញា របស់អ្នកមាន ការប្រសើរ ឡើង?
-ប្រសិនបើមាន, តើអ្វីដែលធ្វើឲ្យរោគសញ្ញារបស់អ្នក អាក្រក់ទៅៗ?
-តើអ្នកមានរោគសញ្ញាគួបផ្សំដទៃទៀតដែរឬទេដូចជាដកដង្ហើម ខ្លីៗ, ឈឺទ្រូង, ខ្យល់គរឬវិលមុខនៅពេលដែលអ្នកញ័រទ្រូង?
-តើអ្នកមានធ្លាប់មានបញ្ហានៃចង្វាក់បេះដូងពីមុនមកដែរឬទេ ដូចជាការមានចង្វាក់បេះ ដូងមិនស្មើគ្នា?
តើអ្នកអាចធ្វើអ្វីមុននឹងទៅជួបគ្រូពេទ្យ?
មុននឹងមានការណាត់ជួបជាមួយគ្រូពេទ្យ,អ្នកអាចព្យាយាមធ្វើឲ្យមានភាពប្រសើរ ឡើងនៃរោគសញ្ញារបស់អ្នកដោយចៀសវាងនៃសកម្មភាពមួយចំនួន ឬស្ត្រេសដែលអាច បណ្តាលឲ្យមានការញ័រទ្រូង ។ មូលហេតុមួយចំនួនដូចជាការថប់បារម្ភ ឬការភ័យខ្លាច,ការទទួលទានច្រើនពេកនៃជាតិកាហ្វេអ៊ីន ឬស្រា,លេបថ្នាំមួយចំនួន ឬសារធាតុបន្ថែមដែលផ្សំឡើងដោយការភ្ញោចដូចជាភេសជ្ជះប៉ូវកម្លាំង និងថ្នាំផ្តាសាយមួយចំនួន ។
ការព្យាបាល និងថ្នាំ
ប្រសិនបើគ្រូពេទ្យមិនបានរកឃើញថាអ្នកមានជំងឺបេះដូង, ការញ័រទ្រូងកម្រតម្រូវ ឲ្យមានការព្យាបាលដោយការប្រើថ្នាំ ឬវះកាត់ណាស់។ ជំនួសនេះ, គ្រូពេទ្យអាចណែនាំអ្នកអោយចៀសវាងនូវហេតុការណ៍មួយចំនួនដែលបណ្តាលឲ្យមានការញ័រទ្រូង។
ប្រសិនបើការញ័រទ្រូងរបស់អ្នកត្រូវបានបណ្តាលមកពីមូលហេតុនៃជំងឺ ដូចជាចង្វាក់បេះដូងមិនប្រក្រតី, ការព្យាបាលនឹងសំដៅទៅមូលហេតុនៃជំងឺ ។
របៀបនៃការរស់នៅ និងថ្នាំនៅផ្ទះ
មធ្យោបាយដែលល្អបំផុតដើម្បីព្យាបាលការញ័រដើមទ្រូងនៅឯផ្ទះ គឺចៀសវាងនូវហេតុការណ៍ណាដែលអាចបណ្តាលឲ្យមានរោគសញ្ញា ។ មធ្យោបាយមួយចំនួនដើម្បីចៀសវាងនូវគ្រោះថ្នាក់រួមមាន៖
-បន្ថយស្ត្រេស និងការថប់បារម្ភ៖ អ្នកអាចហាក់ដូចជាមានការញ័រដើមទ្រូងប្រសិនបើអ្នកមានការថប់បារម្ភ ឬអំឡុងពេលដែលមានស្ត្រេស ។ អ្នកអាចព្យាយាមបន្ថយនូវអារម្មណ៍ទាំងនេះ ដោយបច្ចេកទេសនៃការសម្រាក,លំហាត់ប្រាណ ឬជជែកលេងជាមួយមិត្តភិក្ត ឬសមាជិកគ្រួសារ ។
-ចៀសវាងនូវអ្វីដែលភ្ញោច៖ ការភ្ញោចដែលអាចធ្វើឲ្យការលោតរបស់បេះដូងលឿន និងមិនស្មើគ្នា, អាចបណ្តាលឲ្យមានការញ័រទ្រូង។ ការភ្ញោចនោះអាចរួមមាន ជាតិកាហ្វេអ៊ីន, ពពួកនីកូទីន, ថ្នាំផ្តាសាy និងអ្វីដទៃទៀតដូចជាភេសជ្ជះប៉ូវកំលាំង ។
-ចៀសវាងប្រើគ្រឿងញៀន៖ ថ្នាំដែលខុសច្បាប់ដូចជា កូកាអ៊ីន អាចនាំឲ្យមានការញ័រ
ទ្រូង ៕
ចែករំលែកព័តមាននេះ