ស្បែករលោងភ្លឺថ្លាគឺជាអ្វីមួយដែលមនុស្សភាគច្រើនប្រាថ្នាចង់បាន ជាពិសេសស្ត្រី ។ យោងតាមអ្នកឯកទេសបញ្ជាក់ថា ពណ៌ស្បែកភ្លឺថ្លាគឺបញ្ជាក់ពីសុខភាពល្អ ។ ពិតណាស់មានផលិតផលថែរក្សាស្បែកជាច្រើនដែលអ្នកអាចជ្រើសរើសបាន ក៏ប៉ុន្តែអ្វីដែលយើងចង់និយាយនៅពេលនេះគឺពណ៌ស្បែករលោងភ្លឺថ្លាដែលកើតចេញមកពីធម្មជាតិ ពោលគឺពុំមានការកែច្នៃដោយសារធាតុគីមីទេ ។ មានអាហារ និងផ្លែឈើមួយចំនួនផ្តល់នូវអត្ថប្រយោជន៍ដល់ស្បែករបស់អ្នក ។
ផ្លែឈើនិងអាហារទាំងនោះមានដូចជា ៖
១- ផ្លែប៊័រ ៖
មានពណ៌ខៀវបៃតង និងមានសាច់ទន់ដូចជាក្រេម ។ ប៊័រសំបូរយ៉ាងច្រើនក្រាស់ក្រែលនូវសារធាតុប្រេង និងវីតាមីន B-complexដែលទាំងនេះអាចចិញ្ចឹមស្បែករបស់អ្នក ។ Niacin ឬវីតាមីន B3ដែលសំខាន់សម្រាប់ធ្វើឱ្យស្បែកមានសុខភាពល្អ(ប្រឆាំងការរលាក បន្ថយការរមាស់និងជាំក្រហមនៅលើស្បែក) ក៏មានច្រើននៅក្នុងផ្លែប៊័រដែរ ។ ក្នុងប៊័រមួយផ្លែមានសារធាតុ Niacin ៣,៨មីល្លីក្រាម គឺ២៧%នៃតម្រូវការប្រចាំថ្ងៃរបស់អ្នក ។
២- ផ្លែស្វាយ ៖ផ្លែស្វាយផ្ទុកវីតាមីន Aដែលជាតម្រូវការប្រចាំថ្ងៃរបស់អ្នកជាង ៨០% ។ វីតាមីន Aមាននាទីរក្សា និង ជួសជុលកោសិកាស្បែក ។ នេះមានន័យថា កង្វះខាតវីតាមីន Aអាចនឹងធ្វើឱ្យស្បែកស្ងួត និងរបក ។ ក្នុងនាមជាសមាសធាតុប្រឆាំងអុកស៊ីដកម្មមួយ វីតាមីន Aក៏អាចប្រឆាំងទៅនឹងការបំផ្លាញរ៉ាឌីកាល់សេរី(ដែលនាំឱ្យស្បែកចាស់ទៅតាមអាយុ)បានផងដែរ ។
៣- ផ្លែអាល់ម៉ុន (Almonds)៖
ក្រៅពីល្អសម្រាប់ភ្នែក ផ្លែឈើនៅតំបន់អាស៊ីខាងត្បូង មជ្ឈិមបូព៌ានេះផ្តល់អត្ថប្រយោជន៍ដល់ស្បែកដ្បិតវាសម្បូរដោយវីតាមីន E។
៤- ហ្វ្រូម៉ាកក (Cottage Cheese )៖
ផលិតផលធ្វើពីទឹកដោះគោពិតជាល្អសម្រាប់ឆ្អឹង និងស្បែកមុខ ប៉ុន្តែនៅក្នុងហ្វ្រូម៉ាកកវិញ វាគឺជា seleniumមិនមែនជាកាល់ស្យូមទេ ។ Seleniumគឺជារ៉ែសំខាន់មួយ ។ ពេលរួមគ្នាជាមួយវីតាមីន E វាបង្កើតបានជាសមាសធាតុប្រឆាំងអុកស៊ីដកម្មដែលមានសមត្ថភាពតតាំងដ៏ខ្លាំងក្លាបំផុតទៅនឹងរ៉ាឌីកាល់សេរី ។ បន្ថែមពីលើនេះ វានឹងជួយការពារមហារីកស្បែក និងអង្គែ ។
៥- ផ្លែឈៀរីដាំនៅឥណ្ឌាឬទ្វីបអាមេរិក៖
ផ្លែឈៀរីនៅតំបន់ទាំងនេះសំបូរដោយវីតាមីន C ។ វីតាមីន Cជាសមាសធាតុប្រឆាំងអុកស៊ីដកម្មការពារស្បែកពីភាពជ្រីវជ្រួញ ៕
ចែករំលែកព័តមាននេះ