បើតាមព័ត៌មានដែលចេញផ្សាយដោយ HealthDay News ថាតំណក់ទឹក តូចៗដែលលេចចេញពីការកណ្តាសរបស់មនុស្សម្នាក់អាចសាយភាយទៅពេញបន្ទប់មួយបានតែក្នុងពេលប៉ុន្មាននាទីប៉ុណ្ណោះ ។ របកគំហើញថ្មីនេះបានបង្ហាញនៅក្នុងកិច្ចប្រជុំប្រចាំឆ្នាំរបស់សមាគម the American Physical…
បើតាមព័ត៌មានដែលចេញផ្សាយដោយ HealthDay News ថាតំណក់ទឹក តូចៗដែលលេចចេញពីការកណ្តាសរបស់មនុស្សម្នាក់អាចសាយភាយទៅពេញបន្ទប់មួយបានតែក្នុងពេលប៉ុន្មាននាទីប៉ុណ្ណោះ ។ របកគំហើញថ្មីនេះបានបង្ហាញនៅក្នុងកិច្ចប្រជុំប្រចាំឆ្នាំរបស់សមាគម the American Physical Society in Mobile, Ala. ។
កន្លងមកគេបានដឹងហើយថាកណ្តាសអាចចម្លងជំងឺជាច្រើនបាន ដូចជាកញ្ជ្រឹល និងគ្រុនផ្តាសាយជាដើម ពីព្រោះវីរុសដែលបង្កប់ខ្លួននៅក្នុងតំណក់ទឹក តូចៗរបស់កណ្តាសអាចត្រូវអ្នកដទៃដកដង្ហើមស្រូបយកចូលទៅក្នុងខ្លួន ឬក៏ធ្លាក់ទៅទើរលើអ្វីមួយរួចចម្លងទៅអ្នកណាដែលមកប៉ះអ្វីនោះ ។ ក៏ប៉ុន្តែគេមិនបានដឹងទេថា តើតំណក់ទឹក តូចៗរបស់កណ្តាសវាសាយភាយទៅយ៉ាងណា ឬក៏ថាតើអ្នកណាខ្លះដែលងាយនឹងឆ្លងជំងឺដោយសារកណ្តាសជាងអ្នកណា ។
ពួកអ្នកស្រាវជ្រាវរបស់វិទ្យាស្ថាន the Massachusetts Institute of Technology (MIT) ដែលដឹកនាំដោយ Lydia Bourouiba បានពិនិត្យមើលខ្សែវីដេអូរបស់មនុស្សដែលមានសុខភាពល្អពីរនាក់ ដែលកណ្តាសជាច្រើនថ្ងៃ ។ គេបានសង្កេតឃើញថា តំណក់ទឹក តូចៗរបស់កណ្តាសបានសាយភាយទៅពេញក្នុងបន្ទប់មួយ ហើយឡើងខ្ពស់រហូតទៅដល់ពិតាន ។ គេនិយាយថាតំណក់ទឹក តូចៗរបស់ កណ្តាសនោះវាបានកកើតឡើងក្រោមដំណើរការមួយដែលគេហៅថា«ពពកនៃកណ្តាស់ល្បឿនលឿន high-propulsion sneeze cloud »៖ គឺថា តំណក់ទឹក តូចៗនោះមិនមែនកកើតឡើងនៅពេលចេញពីមាត់មកនោះទេ តែវាបានឆ្លងកាត់ការផ្លាស់ប្តូរជាច្រើនដំណាក់កាល ចាប់ពីពេលចេញពីសួតមកដល់មាត់និងបបូរមាត់ មុននឹងចូលទៅក្នុងខ្យល់ ។
គេត្រូវសិក្សាជាបន្តទៀតអំពីឌីណាមិករបស់កណ្តាស ដើម្បីរកមើលថាតើមានអ្វីដែលអាចបង្ការការសាយភាយដ៏លឿននោះបាន ៕
ចែករំលែកព័តមាននេះ