ខេត្តស្វាយរៀង ៖ អគ្គិភ័យលេបត្របាក់ផ្ទះ១ខ្នងតែមួយពព្រិចភ្នែកឆេះទាំងទ្រព្យសម្បត្តិនៅក្នុងផ្ទះអស់គ្មានសល់មូលហេតុ ដោយសារការទ្វេសប្រហែសចៅស្រីចាក់សាំងចូលក្នុងថង់នៅក្បែរភ្លើងចង្ក្រានដែលកំពុងឆេះនៅក្នុងចង្ក្រានដាំបាយ បណ្ដាលឲ្យអណ្ដាតភ្លើងឆាបឆេះសាំងនៅក្នុងថង់រួចឆាបឆេះក្នុងប៊ីដុងឆេះបាចពេញចង្ក្រានបាយឆេះទាំងខ្លួនអ្នកចាក់សាំងពងរលួយ និងឆាបឆេះដល់ដំបូលផ្ទះយ៉ាងសន្ធោសន្ធៅមិនអាចជួយពន្លត់បានដោយក្នុងផ្ទះមានទាំងសាំង និងម៉ាស៊ូតទើបឆេះលឿន មិនអាចជួយពន្លត់បាន ។
ករណីភ្លើងឆេះផ្ទះនេះ បានកើតឡើងកាលពីវេលាម៉ោង០៦និង៣០នាទីព្រឹក ថ្ងៃទី១៣ ខែមីនា ឆ្នាំ២០១៨ នេះដែលមានម្ចាស់ផ្ទះឈ្មោះ នាង សេត ភេទស្រី អាយុ៦៦ឆ្នាំ ជាកសិកររស់នៅភូមិបែកចាន ឃុំរមាំងថ្កោល ស្រុកស្វាយទាប ខេត្តស្វាយរៀង ។
បើតាមសមត្ថកិច្ចនគបាលប៉ុស្ត៍រដ្ឋបាលឃុំរមាំងថ្កោលបានឲ្យដឹងថា មូលហេតុបណ្ដាលមកពីចៅស្រីឈ្មោះ អោប ស្រីពេជ្រ អាយុ១៣ឆ្នាំ បង្កាត់ភ្លើងដាំបាយហើយភ្លើងកំពុងឆេះនៅក្នុងចង្ក្រានចៅស្រីបានចាក់សាំងដាក់ថង់ដើម្បីដាក់លក់ខណៈនោះ សាំងក៏កំពប់ខ្ចាយបណ្ដាលឲ្យភ្លើងឆាបឆេះភ្លើងចង្ក្រានដែលដាំបាយនៅជិតនោះតែម្តង បណ្ដាលឲ្យឈ្មោះ អោប ស្រីពេជ្រ រលាកជើងទាំងសងខាង និងឆេះផ្ទះមួយខ្នងទាំងស្រុងមានប្រវែង ៤ × ១២ម៉ែត្រ ធ្វើអំពីឈើ ជញ្ជាំងស័ង្កសី ដំបូលស័ង្កសី ព្រមទាំងសម្ភារមួយចំនួនដូចជា ១.ម៉ូតូ២គ្រឿង ម៉ាក់វ៉េវ ឆេះអស់សល់តែគ្រោងឆ្អឹង ។ ២.កង់២គ្រឿង ៣.ស្រាបៀរច្រើនប្រភេទ៦០កេស ៤.សាំង២ប៊ីដុង និងម៉ាស៊ូត២ប៊ីដុង ៥.មាស៧ជី៥ហ៊ុន និងលុយខ្មែរ២លានរៀល លុយដុល្លារ២០០ដុល្លារ និង៥.គ្រឿងចាប់ហួយមួយចំនួនធំ ។ នេះដោយសារតែមានការធ្វេសប្រហែសដាក់សាំង និងម៉ាស៊ូតនៅក្នុងផ្ទះទើបឆេះលឿនមិនអាចជួយពន្លត់បាន ៕
ចែករំលែកព័តមាននេះ