រាជធានីភ្នំពេញ ៖ ក្រុមហ៊ុន Manulife ដែលជាក្រុមហ៊ុនធានារ៉ាប់រងអាយុជីវិតរបស់ប្រទេសកាណាដា បានប្រកាសអ្នកឈ្នះរង្វាន់ចំនួន១៤រូបកាលពីថ្ងៃទីចន្ទទី៣១ ធ្នូ ឆ្នាំ២០១២ កន្លងមកនេះ នៅសួនកម្សាន្តឌ្រីមលែនដ៍ ។ ដើម្បីបិទទំព័រឆ្នាំចាស់ឆ្នាំរោង និងអបអរឆ្នាំថ្មី ក្រុមហ៊ុន Manulife ខេមបូឌា បានផ្តល់ជូននូវរង្វាន់ជាច្រើននៅមណ្ឌលកម្សាន្តឌ្រីមលែនដ៍ ។
ព្រឹត្តិការណ៍ដែលពោរពេញទៅដោយភាពសប្បាយរីករាយនេះ បានចាប់ផ្តើមកាលពីថ្ងៃទី២១ ដល់ថ្ងៃទី៣១ ធ្នូ ឆ្នាំ២០១២ ហើយមានប្រជាពលរដ្ឋកម្ពុជារាប់ពាន់នាក់បានចូលរួមសប្បាយរីករាយនឹងព្រឹត្តិការណ៍នេះជាមួយមិត្តភក្តិ និងក្រុមគ្រួសារក្នុងរយៈពេល១១ថ្ងៃនោះ ។ ពួកគេបានទស្សនាស្តង់រាងបេះដូងរបស់ក្រុមហ៊ុន Manulife ចូលរួមថតរូប និងទទួលយកសន្លឹកឆ្នោតដើម្បីចាប់យករង្វាន់ ។
ក្រុមហ៊ុន Manulife សូមថ្លែងអំណរគុណចំពោះប្រជាពលរដ្ឋកម្ពុជាដែលបានគាំទ្រដល់ក្រុមហ៊ុន ហើយរង្វាន់ទាំងនោះមានដូចជា ទូរទស្សន៍ Sony LCD 32 អីុញ ១រង្វាន់, ម៉ាស៊ីនថតរូប Cannon powershot A4001 ១រង្វាន់, ឆ្នាំងដាំបាយ Panasonic ២រង្វាន់, ម៉ាស៊ីនទឹកក្រឡុក Panasonic ៥រង្វាន់ និងឆ្នាំងអ៊ុត Panasonic ចំនួន៥រង្វាន់ទៀត ៕
ចែករំលែកព័តមាននេះ