ខេត្តកំពង់ស្ពឺ ៖ ដោយមើលឃើញពីទុក្ខលំបាករបស់ស្ត្រីមេម៉ាយទីទ័លក្រ កម្សត់ទុរគតដែលដង្ហោយរកសប្បុរសជនជួយដល់រូបគាត់គ្រាន់បានជម្រកស្នាក់អាស្រ័យនារដូវវស្សាឆ្នាំក្រោយនោះ ពេលនេះបំណងរបស់គាត់បានសម្រេចហើយ ។ ក្នុងក្តីមេត្តានិងអាណិតអាសូររបស់លោក វុីសំណាង អភិបាលខេត្ត ផ្ទះឈើប្រក់ស័ង្កសីមួយខ្នងទំហំ៤ម៉ែត្រគុណនឹង៥ម៉ែត្រ…
ខេត្តកំពង់ស្ពឺ ៖ ដោយមើលឃើញពីទុក្ខលំបាករបស់ស្ត្រីមេម៉ាយទីទ័លក្រ កម្សត់ទុរគតដែលដង្ហោយរកសប្បុរសជនជួយដល់រូបគាត់គ្រាន់បានជម្រកស្នាក់អាស្រ័យនារដូវវស្សាឆ្នាំក្រោយនោះ ពេលនេះបំណងរបស់គាត់បានសម្រេចហើយ ។ ក្នុងក្តីមេត្តានិងអាណិតអាសូររបស់លោក វុីសំណាង អភិបាលខេត្ត ផ្ទះឈើប្រក់ស័ង្កសីមួយខ្នងទំហំ៤ម៉ែត្រគុណនឹង៥ម៉ែត្រ បានលេចចេញជារូបរាងឡើង នៅក្នុងភូមិពាមឃ្លៃ ឃុំទំព័រមាស ស្រុកសំរោងទង ។ ផ្ទះឈើមួយខ្នងនេះ ត្រូវបានសាងសង់ឡើងតបតាមការស្នើសុំរបស់បងស្រី យូឌី ជាស្ត្រីមេម៉ាយទីទ័លក្រ ដែលបានលើកដៃសំពះសុំក្តីមេត្តាពីសំណាក់សប្បុរសជន ដើម្បីមានជម្រកស្នាក់អាស្រ័យជាមួយកូនៗនារដូវវស្សាឆ្នាំនេះ ។
លោក យូ វ៉ុន អាយុ៤៤ឆ្នាំ ដែលជាប្អូនប្រុសបង្កើតរបស់បងស្រី យូឌី រស់នៅភូមិ ឃុំខាងលើ បានថ្លែង អំណរគុណជាអនេកប្បការ ដល់សប្បុរសជនគ្រប់មជ្ឈដ្ឋាន ដែលបានបរិច្ចាគធនធានព្រមទាំងគ្រឿងឧប ភោគនិងបរិភោគដល់បងស្រីរបស់គាត់នាពេលកន្លងមក ជាពិសេស សូមថ្លែងអំណរគុណនិងការដឹងគុណចំពោះលោក វុី សំណាង អភិបាលខេត្ត ដែលបានបរិច្ចាគធនធានផ្ទាល់ខ្លួនក្នុងការសង់ផ្ទះជួយដល់បងស្រីរបស់គាត់នាពេលនេះ ។ ចំណែកបងស្រី យូឌី ក៏បានថ្លែអំណរគុណយ៉ាងជ្រាលជ្រៅចំពោះអស់ លោកដែលមានចិត្តសប្បុរសនិងមេត្តាធម៌ ជាពិសេសលោកអភិបាល ខេត្ត ដែលលោកតែងតែយក ចិត្តទុកដាក់ដល់ប្រជាពលរដ្ឋទីទ័លក្រដ ោយមិនប្រកាន់និន្នាការពណ៌សម្បុរ និងពូជសាសន៍ឡើយ ។បងស្រីក៏បានបួងសួងដល់វត្ថុស័ក្តិសិទ្ធិក្នុងលោក សូមមេត្តាតាមជួយថែរក្សាលោកអភិបាលនិងលោកជំទាវ ព្រមទាំងបុត្រាបុត្រី សូមជួបប្រទះតែសេចក្តីសុខ ឈ្នះអស់មារសត្រូវគ្រប់ទិសទី កុំបីឃ្លៀងឃ្លាតឡើយ ។ ជូបជាមួយអ្នកយកព័ត៌មានកោះសន្តិភាពបងស្រី យូឌី និយាយថា អំណោយជាផ្ទះរបស់លោក អភិបាល ខេត្តបានហើយ ហើយពេលនេះគាត់ចង់សុំដល់សប្បុរសជននានាជួយចាក់សាបក្នុងបរិវេណនិងក្នុងផ្ទះដល់គាត់ផង ។
សូមរំឭកថា តាមរយៈការផ្សាយរបស់កោះសន្តិភាព អំពីជីវិតកម្សត់ទុរគតរបស់ស្ត្រីក្រីក្រកាលពីពេលកន្លងទៅ ថ្មីៗនេះមានសប្បុរសជនជាច្រើននាំយកអំណោយជាគ្រឿងឧបភោគបរិភោគ ជួយដល់ស្ត្រីក្រីក្រខាងលើជាហូរហែ។សប្បុរសជនដែលបានបរិច្ចាគថវិកាជួយដល់ស្ត្រីក្រីក្រខាងលើរួមមាន លោកព្រះរាជ អាជ្ញា កែវ សុធា ១០០.០០០រៀល លោកឧត្តមសេនីយ៍ត្រី ជូ សារុន មេបញ្ជាការកងរាជអាវុធហត្ថខេត្ត កំពង់ស្ពឺ ៥០០.០០០រៀល លោកចៅក្រម ម៉ែនវណ្ណៈ អនុប្រធានសាលាដំបូងខេត្ត១០០.០០០រៀល លោកព្រះរាជអាជ្ញារង អ៊ូ ផាត ១០០.០០០រៀល លោកចៅក្រម ឆឹម ឫទ្ធី ៨០.០០០រៀល លោក ក្រឡា បញ្ជីរបស់លោក២០.០០០រៀលលោកចៅក្រម តូង ពុទ្ធារ៉ា ៨០.០០០រៀល លោកក្រឡាបញ្ជី ឡេង សុភក្តិ ២០.០០០រៀល លោកក្រឡាបញ្ជី លៀង តុលា ២០.០០០រៀល លោកក្រឡាបញ្ជី ឈៀវ គឹមហាក់ ៤០.០០០រៀល លោកក្រឡាបញ្ជី ប៊ុន ភាព១០.០០០រៀល លោកមេធាវី យិច សមិទ្ធិ៤០.០០០រៀល អ្នកយកព័ត៌មានកោះសន្តិភាព១០០.០០០រៀល លោក សួន សុិន ពលរដ្ឋរស់នៅភូមិអំពែភ្នំ ១៥.០០០រៀល៕
ចែករំលែកព័តមាននេះ