ខេត្តបន្ទាយមានជ័យ ៖ ស្ពានដែកបាឡេប្រវែង២២ម៉ែត្រដែលជាអំណោយរបស់លោកជំទាវ ម៉ៅ ម៉ាឡៃ កែ គឹមយ៉ាន កំពុងតែធ្វើការស្ថាបនាដើម្បីសម្រួលដល់ការធ្វើដំណើររបស់ប្រជាជននៅស្រុកចំនួន៣គឺថ្មពួក ស្វាយចេក និងស្រុកភ្នំស្រុក…
ខេត្តបន្ទាយមានជ័យ ៖ ស្ពានដែកបាឡេប្រវែង២២ម៉ែត្រដែលជាអំណោយរបស់លោកជំទាវ ម៉ៅ ម៉ាឡៃ កែ គឹមយ៉ាន កំពុងតែធ្វើការស្ថាបនាដើម្បីសម្រួលដល់ការធ្វើដំណើររបស់ប្រជាជននៅស្រុកចំនួន៣គឺថ្មពួក ស្វាយចេក និងស្រុកភ្នំស្រុក ដែលនៅចំណុចអូរព្រំប្រទល់រវាងឃុំគោកកឋិន ស្រុកថ្មពួក និងឃុំផ្គាំ ស្រុកស្វាយចេក ខេត្តបន្ទាយមានជ័យ ។ នៅថ្ងៃទី១០ ខែមីនា ឆ្នាំ២០១៨ លោកឧត្តមសេនីយ៍ទោ អាត់ ខែម ស្នងការនគរបាលខេត្ត រួមដំណើរដោយលោក ប្រាក់ សារ៉ាក់ អនុប្រធានមន្ទីរសាធារណៈការនិងដឹកជញ្ជូនខេត្តបន្ទាយមានជ័យបានចុះជួបសំណេះសំណាលជាមួយប្រជាពលរដ្ឋរវាង២ភូមិគឺភូមិថ្មគោល ឃុំផ្គាំ និងភូមិតាត្រៃ ឃុំគោកកឋិន នៅចំណុចស្ពានដែលកំពុងតែស្ថាបនានោះផងដែរ ។
លោកមេឃុំគោកកឋិន ស្រុកថ្មពួកតំណាងប្រជាពលរដ្ឋទាំង២ភូមិបានធ្វើសេចក្តីរាយការណ៍កាលដើមឡើយផ្លូវនេះគឺជួបបញ្ហាលំបាកទាំងផ្លូវទាំងស្ពាន ប៉ុន្តែឥឡូវនេះដោយពិនិត្យឃើញពីការការលំបាករបស់ប្រជាពលរដ្ឋលោកជំទាវ ម៉ៅ ម៉ាឡៃ កែ គឹមយ៉ាន បានជួលជុលផ្លូវ និងធ្វើស្ពានដែកបាឡេនេះគឺមានសារៈសំខាន់ណាស់សម្រាប់ប្រជាពលរដ្ឋទាំង៣ស្រុកនេះក្នុងការប្រាស្រ័យទាក់ទងគ្នា និងដឹកនូវកសិផលយកទៅលក់ដូរនៅទីផ្សារបានលឿនឆាប់រហ័ស ។
ក្នុងនាមប្រជាពលរដ្ឋសុំថ្លែងនូវអំណរគុណដ៏ជ្រាលជ្រៅចំពោះលោកជំទាវ ម៉ៅ ម៉ាឡៃ កែ គឹមយ៉ាន ដែលបានផ្តល់ស្ពានដែក និងបានជួសជុលផ្លូវក្រាលគ្រួសក្រហមដែលមានប្រវែង១២គីឡូម៉ែត្រចាប់ពីផ្លូវចូលមកភូមិតាសៀវ ជញ្លៀសដៃ ភូមិតាត្រៃ ឃុំគោកកឋិន ស្រុកថ្មពួក រហូតដល់ភូមិថ្មគោលឃុំផ្គាំ ស្រុកស្វាយចេក ៕
ចែករំលែកព័តមាននេះ