ខេត្តរតនគិរី ៖ នារីក្រមុំដ៏ស្រស់សោភាកូនកាត់ខ្មែរ-ឡាវ បានចង.កសម្លាប់ខ្លួន ដែលឪពុកម្តាយសង្ស័យថាជារឿងស្នេហាត្រីកោណ ។ ហេតុការណ៍នេះ បានកើតឡើងនៅថ្ងៃទី១១ មីនា វេលាម៉ោង០៩…
ខេត្តរតនគិរី ៖ នារីក្រមុំដ៏ស្រស់សោភាកូនកាត់ខ្មែរ-ឡាវ បានចង.កសម្លាប់ខ្លួន ដែលឪពុកម្តាយសង្ស័យថាជារឿងស្នេហាត្រីកោណ ។ ហេតុការណ៍នេះ បានកើតឡើងនៅថ្ងៃទី១១ មីនា វេលាម៉ោង០៩ និង៥នាទីព្រឹក ស្ថិតក្នុងភូមិអូរកន្សែង សង្កាត់បឹងកន្សែង ក្រុងបានលុង ។ ក្រោយពីមានការភ្ញាក់ផ្អើល អាណាព្យាបាលបានជូនដំណឹងទៅនគរបាលក្រុងបានលុង ដោយមាននគរបាលបច្ចេកទេសនៃស្នងការដ្ឋានចុះមកធ្វើការត្រូតពិនិត្យសពនារីរងគ្រោះផងដែរ ។ សមត្ថកិច្ចបានឱ្យកោះសន្តិភាពដឹងថា នារីរងគ្រោះមានឈ្មោះ ឆៃ រ័ត្ន
សុគន្ធា អាយុ២៧ឆ្នាំ នៅលីវ ជាម្ចាស់ហាងគុយទាវឡាវ មានយីហោ «នារីរ័ត្នគន្ធា» ។ សមត្ថកិច្ចប៉ូលិសបានបញ្ជាក់ថា ក្រោយពីធ្វើកោសល្យវិច័យលើសាកសពរួច សពនាងគ្មានរឿងឃាតកម្មនោះទេ គឺពិតជាស្លាប់ ដោយសារការចង.កធ្វើអត្តឃាតសំលាប់ខ្លួនឯងពិតប្រាកដមែន ដោយនាងយកក្រមាចង.កនឹងចំរឹងបង្អូចបន្ទប់របស់ខ្លួនដែលមានកម្ពស់ជាង១ម៉ែត្រ ។
ឪពុកម្តាយនៃសពបានប្រាប់សមត្ថកិច្ចថា មុនថ្ងៃនាងចង.កពីរថ្ងៃ គឺនាងព្យាយាមលេបថ្នាំសម្លាប់ខ្លួនម្តងរួចមកហើយ តែឪពុកម្តាយដឹង ក៏សុំអង្វរកូនកុំឱ្យគិតខ្លីបែបនេះអី ។ រីឯមូលហេតុនៃចង.កនេះ បើតាមការសង្កេតរបស់ឪពុកម្តាយថា កូនស្រីរបស់គាត់ទំនងមានទំនាក់ទំនងស្នេហា ជាមួយបុរសណាម្នាក់ហើយ ទើបធ្វើឱ្យនាងខូចចិត្តចង់តែចង.កសម្លាប់ខ្លួនឯងបែបនេះ ។ ក៏ប៉ុន្តែឪពុកម្តាយមិនបានបញ្ជាក់ប្រាប់សមត្ថកិច្ចថា បុរសជាគូស្នេហ៍ដែលបានបង្កឱ្យមានវិបត្តិនេះមានឈ្មោះអ្វីឬនៅទីណានោះទេ ។ នេះគ្រាន់តែជាការសង្ស័យ ព្រោះឃើញកូននិយាយទូរស័ព្ទជាមួយមនុស្សប្រុសម្នាក់ស្ទើររៀងរាល់ ថ្ងៃ ។ ចំពោះការសុំព័ត៌មានលម្អិត ជុំវិញការធ្វើអត្តឃាតនេះ មិនបានទទួលជោគជ័យទេ ដោយសារក្រុមគ្រួសារមានតែការសោកសង្រែងស្តាយជីវិតរបស់កូនស្ត្រីដ៏ស្រស់ផូរផង់ដែលឃ្លាតទៅដោយគ្មានថ្ងៃវិលត្រឡប់ ។
បងប្អូនសាច់ញាតិសពប្រាប់ថា ពេលនាងធ្វើសកម្មភាពចង.កភ្លាម ឪពុកម្តាយនិងសាច់ញាតិក៏បានដឹងភ្លាមៗដែរ ហើយបានស្រាយចំណងស្ទាបសាច់នៅក្តៅ ព្រមទាំងយកនាងទៅសង្គ្រោះនៅមន្ទីរពេទ្យបង្អែកខេត្តរតនគិរី ក៏ប៉ុន្តែគ្រូពេទ្យបានប្រាប់ថាសង្គ្រោះមិនបានទេ នាងស្លាប់បាត់ទៅហើយ ។ រឿងរ៉ាវស្នេហ៍ ពិតជាមិនអាចលេងគ្នា៣នាក់បានទេ ។ កាលណាលេងគ្នា៣នាក់គេហៅថា «ស្នេហាត្រីកោណ» ច្រើនតែមានវិបត្តិ ។ ការសង្ស័យសម្រាប់ក្រុមគ្រួសារដោយសារតែមិនចង់ឱ្យរឿងរ៉ាវធ្វើអត្តឃាតនេះទាក់ទិនដល់នរណាម្នាក់ទៀតតែប៉ុណ្ណោះ ៕
ចែករំលែកព័តមាននេះ