រាជធានីភ្នំពេញ ៖ បុរសពីរនាក់បានវាយតបគ្នាតាមដងផ្លូវបណ្តាលរងរបួសទាំងសងខាងដោយសារតែការបើកបរខ្វះការអធ្យាស្រ័យ និងទាស់សម្តីគ្នាបន្តិចបន្តួច ។ ហេតុការណ៍នេះកើតឡើងកាលពីវេលាម៉ោង១២និង១០នាទីរំលងអធ្រាត្រឈានចូលថ្ងៃទី១២ ខែមីនា ឆ្នាំ២០១៨ ត្រង់ចំណុចតាមបណ្តោយផ្លូវ៥៩៨កែងនឹងផ្លូវ១៩៨៦ ស្ថិតក្នុងសង្កាត់ភ្នំពេញថ្មី…
រាជធានីភ្នំពេញ ៖ បុរសពីរនាក់បានវាយតបគ្នាតាមដងផ្លូវបណ្តាលរងរបួសទាំងសងខាងដោយសារតែការបើកបរខ្វះការអធ្យាស្រ័យ និងទាស់សម្តីគ្នាបន្តិចបន្តួច ។ ហេតុការណ៍នេះកើតឡើងកាលពីវេលាម៉ោង១២និង១០នាទីរំលងអធ្រាត្រឈានចូលថ្ងៃទី១២ ខែមីនា ឆ្នាំ២០១៨ ត្រង់ចំណុចតាមបណ្តោយផ្លូវ៥៩៨កែងនឹងផ្លូវ១៩៨៦ ស្ថិតក្នុងសង្កាត់ភ្នំពេញថ្មី ខណ្ឌសែនសុខ ។
តាមប្រភពព័ត៌មានពីកន្លែងកើតហេតុបានប្រាប់ឲ្យដឹងថា នៅមុនពេលកើតហេតុគេឃើញគេឃើញបុរសដែលជាមន្ត្រីនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញម្នាក់បានបើកបរម៉ូតូមួយគ្រឿងម៉ាកហុងដាម៉ូវ៍ ពណ៌ស ពាក់ផ្លាកលេខ នគរបាល ១-០៧០៦ និងនារីជាប្រពន្ធរួមដំណើរពីក្រោយ ដោយធ្វើដំណើរចេញមកពីផ្ទះបងនៅម្តុំពោធិ៍ចិនតុងហើយបំណងជិះត្រឡប់ទៅផ្ទះនៅក្បែរកន្លែងកើតហេតុ ដែលជិះតាមបណ្តោយផ្លូវ១៩៨៦ ក្នុងទិសដៅពីលិចទៅកើត ។
លុះមកដល់ចំណុចកើហេតុក៏បម្រុងបត់ឆ្វេងទៅផ្លូវ៥៩៨ ខណៈស្របពេលដែលមានម៉ូតូមួយគ្រឿងទៀតម៉ាកហុងដាអាយខន ពណ៌បៃតង ពាក់ផ្លាកលេខ ភ្នំពេញ ១W-៤៩៥៣ ដែលបើកបរដោយបុរសម្នាក់ទើបតែចេញមកពីផ្ទះមិត្តភក្តិនៅម្តុំបឹងទំពុនហើយបំណងជិះទៅផ្ទះនៅក្បែរកន្លែងកើតហេតុដោយបើកបរតាមបណ្តោយផ្លូវ៥៩៨ក្នុងទិសដៅពីត្បូងទៅជើង ។
លុះមកដល់ចំណុចកើតហេតុក៏បម្រុងនឹងបត់ឆ្វេងទៅផ្លូវ១៩៨៦ហើយក៏បានអកហ្សឺនឹងម៉ូតូម៉ូវ៍ខាងលើហើយភាគីទាំងពីរក៏ទាស់ពាក្យសម្តីគ្នាយ៉ាងតឹងសរសៃ.ករហូតនាំឲ្យបុរសទាំងពីរនាក់នោះវាយគ្នាទៅវិញទៅមកបណ្តាលឱ្យបុរសជាមន្ត្រីនគរបាលរងរបួសបែកក្បាល និងបុរសខាងម្ចាស់ម៉ូតូអាយខនរងរបួសហើមមុខបន្ទាប់មកក៏ឃើញមានសមត្ថកិច្ចមូលដ្ឋានបានចុះមកធ្វើការអន្តរាគមន៍ ។ ក្រោយពេលកើតហេតុសមត្ថកិច្ចបាននាំភាគីទាំងសងខាងទៅសាកសួរនាំនៅប៉ុស្តិ៍នគរបាលរដ្ឋភ្នំពេញថ្មីដើម្បីធ្វើការដោះស្រាយគ្នា ៕
ចែករំលែកព័តមាននេះ