ខេត្តកំពង់ចាម ៖ ស្ពានកោះប៉ែននឹងដាក់សម្ពោធឲ្យប្រើប្រាស់ជាផ្លូវការ ក្នុងពេលដ៏ឆាប់ខាងមុខនេះហើយ ដោយបានកសាងរួចរាល់ស្ថាពរអស់ទឹកប្រាក់ចំនួន១៣លានដុល្លារដែលជាអំណោយដ៏ថ្លៃថ្លារបស់សម្តេចតេជោហ៊ុនសែន ភ្ជាប់ពីក្រុងកំពង់ចាម ទៅឃុំកោះមិត្ត ស្រុកកំពង់សៀម មានប្រវែងជាង៧៧៩ម៉ែត្រ មានបំពាក់ភ្លើងអគ្គិសនីសម្រាប់បំភ្លឺនៅពេលរាត្រីថែមទៀត…
ខេត្តកំពង់ចាម ៖ ស្ពានកោះប៉ែននឹងដាក់សម្ពោធឲ្យប្រើប្រាស់ជាផ្លូវការ ក្នុងពេលដ៏ឆាប់ខាងមុខនេះហើយ ដោយបានកសាងរួចរាល់ស្ថាពរអស់ទឹកប្រាក់ចំនួន១៣លានដុល្លារដែលជាអំណោយដ៏ថ្លៃថ្លារបស់សម្តេចតេជោហ៊ុនសែន ភ្ជាប់ពីក្រុងកំពង់ចាម ទៅឃុំកោះមិត្ត ស្រុកកំពង់សៀម មានប្រវែងជាង៧៧៩ម៉ែត្រ មានបំពាក់ភ្លើងអគ្គិសនីសម្រាប់បំភ្លឺនៅពេលរាត្រីថែមទៀត ។
https://www.facebook.com/kohsantepheap/videos/1665177243602451/
សាមណេ ចាន់ ថា គង់នៅវត្តត្រពាំងព្រះ ស្រុកព្រៃឈរ មានថេរដីកាឲ្យដឹងនៅរសៀលថ្ងៃទី១១ មីនា ២០១៨ថា ទំនេរពីការសិក្សានោះព្រះអង្គឲ្យសិស្សជូនតាមម៉ូតូនិមន្តមកមើលស្ពានកោះប៉ែន ដោយផ្ទាល់តែម្តង ក្នុងពេលដែលឈរនៅត្រង់ផ្នែកកណ្តាលស្ពាន ពិតជាស្រឡះមុខមាត់ ហើយក៏បានឃើញទេសភាពស្អាតមានមនុស្សច្រើន នាំគ្នាមកងូតទឹកលេងនៅឆ្នេរកោះប៉ែន មានជាបន្តបន្ទាប់តាំងពីម៉ូតូ និងរថយន្ត ហើយខ្លះទៀតបាននាំគ្នាងូតទឹកទន្លេលេងសប្បាយ ឫជិះបង្ហួសទៅមើលការដាំដុះរបស់ពលរដ្ឋនៅកោះប៉ែនដែលមានបន្លែផ្លែឈើជាច្រើនមុខ ។
លោកតា ស៊ាង ហាក់ អាយុ៧៥ឆ្នាំ នៅភូមិកំពង់ត្រុំលើ ឃុំកោះមិត្ត ស្រុកកំពង់សៀម មានប្រសាសន៍ថា តាំងពីសង្គមចាស់នៅពេលដែលអ្នកកោះមិត្ត ត្រូវធ្វើដំណើរមកកាន់ក្រុងកំពង់ចាម ត្រូវតែឆ្លងកាណូតឈ្មួល ការលំបាកនេះបានកើតមានឡើងជាច្រើនឆ្នាំ ។ មានពេលខ្លះត្រូវតែរង់ចាំរហូតដល់ទៅ ២ ឫ៣ម៉ោងទើបកាណូតចេញដំណើរ ហើយបើមានបងប្អូនឈឺចង់ឆ្លងកាណូតរហ័សនោះ គឺត្រូវប៉ាវកាណូតអស់លុយច្រើនទើបគេព្រមឆ្លងឲ្យ ។ តែដោយសារគុណបំណាច់ដ៏ថ្លៃថ្លា របស់សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានផ្តល់នូវស្ពានបេតុងថ្មីស្រឡាងនឹងបានឲ្យពលរដ្ឋឆ្លងទៅវិញទៅមក នៅក្នុងឆ្នាំ២០១៧ រហូតមកដល់សព្វថ្ងៃទាំងនេះ គឺបានរួមចំណែកកាត់បន្ថយភាពក្រីក្ររបស់ពលរដ្ឋបានយ៉ាងច្រើន លែងព្រួយឆ្លងកាណូតឈ្មួលបន្តទៀត ។
លោកស្រី សាមឿ អាយុ៦៥ឆ្នាំនៅភូមិរកាលើក្រោម សង្កាត់សំបួរមាស ក្រុងកំពង់ចាម ប្រាប់ថា ផ្លូវមុខផ្ទះរបស់គាត់កាលពីក្រោយឆ្នាំ១៩៧៩ ជាប្រភេទផ្លូវដី តែក្រោយមកត្រូវបានអភិវឌ្ឈន៍ជាផ្លូវក្រាលកៅស៊ូនឹងនៅក្នុងឆ្នាំ២០១៨នេះ អ៊ុតកៅស៊ូថែមទៀត ឡើងរលោងទាំងនេះជាការយកចិត្តទុកដាក់របស់អាជ្ញាធរខេត្ត ដើម្បីឲ្យពលរដ្ឋងាយស្រួលធ្វើដំណើរទៅវិញទៅមក ។
ជាមួយនោះក៏មានស្ពានបេតុង១តភ្ជាប់ទៅឃុំកោះមិត្ត ស្រុកកកំពង់សៀម ដោយធ្វើដំណើរទៅបានរហ័សទាន់ចិត្ត ផ្លូវបានស្អាត ហើយធ្វើយ៉ាងណារាល់ការបើកបរត្រូវបន្ថយល្បឿនដើម្បីការពារកុំឲ្យមានគ្រោះថ្នាក់ចរាចរណ៍កើតឡើង ។
ឯកឧត្តមគង់ អៀង ទីប្រឹក្សាសម្តេចតេជោ និងជានាយករងនាយកដ្ឋានវិស្វកម្មក្រសួងការពារជាតិមានប្រសាសន៍ឲ្យដឹងដែរថា ស្ពានកោះប៉ែននេះ ត្រូវបានកសាងឡើងនៅចុងឆ្នាំ២០១៣ និងបានរួចរាល់នៅឆ្នាំ២០១៨នេះ ដោយបានចំណាយទឹកប្រាក់អស់ចំនួន១៣លានដុល្លារ ដែលជាអំណោយរបស់សម្តេចតេជោសែន ។ ហើយគ្រោងនឹងសម្ពោធដាក់ឲ្យប្រើប្រាស់ជាផ្លូវការ នៅថ្ងៃទី១៤ មីនា ២០១៨ខាងមុខនេះ ក្រោមអធិបតីភាពដ៏ខ្ពង់ខ្ពស់របស់សម្តេចតេជោសែន ដើម្បីឲ្យពលរដ្ឋងាយធ្វើដំណើរទៅវិញទៅមកនឹងដឹកកសិផលមកកាន់ទីផ្សារ ៕
ចែករំលែកព័តមាននេះ