រាជធានីភ្នំពេញ ៖ បុរសម្នាក់ត្រូវប្រជាពលរដ្ឋដើរបាញ់សត្វនៅពេលយប់ប្រទះឃើញចង.កសម្លាប់ខ្លួន នៅលើដើមជ្រៃកណ្តាលវាលស្រែ ហេតុការណ៍នេះបង្កការភ្ញាក់ផ្អើលកាលពីម៉ោង១២និង២០នាទីរំលងអធ្រាត្រឈានចូលថ្ងៃទី១០ ខែមីនា ឆ្នាំ២០១៨ នៅវាលស្រែខាងក្រោយសាលា ស្ថិតក្នុងសង្កាត់ជើងឯក ភូមិបាគូ…
រាជធានីភ្នំពេញ ៖ បុរសម្នាក់ត្រូវប្រជាពលរដ្ឋដើរបាញ់សត្វនៅពេលយប់ប្រទះឃើញចង.កសម្លាប់ខ្លួន នៅលើដើមជ្រៃកណ្តាលវាលស្រែ ហេតុការណ៍នេះបង្កការភ្ញាក់ផ្អើលកាលពីម៉ោង១២និង២០នាទីរំលងអធ្រាត្រឈានចូលថ្ងៃទី១០ ខែមីនា ឆ្នាំ២០១៨ នៅវាលស្រែខាងក្រោយសាលា ស្ថិតក្នុងសង្កាត់ជើងឯក ភូមិបាគូ សង្កាត់ដង្កោ ខណ្ឌដង្កោ។
ជនរងគ្រោះឈ្មោះ កែប ឆៃ ភេទប្រុស អាយុ២៥ឆ្នាំ មុខរបនៅផ្ទះ ស្នាក់នៅជាមួយម្ដាយក្នុងភូមិម័ល សង្កាត់ដង្កោ ខណ្ឌដង្កោ មានស្រុកកំណើតនៅភូមិឈ្នះជ័យលើ ឃុំរាធ័រ ស្រុកព្រះស្ដេច ខេត្តព្រៃវែង មានប្រពន្ធឈ្មោះ ប៉ក់ សិលា អាយុ២៩ឆ្នាំ មុខរបចុងភៅ ស្នាក់នៅភូមិឫស្សីសង្កាត់ ស្ទឹងមានជ័យ៣ ខណ្ឌមានជ័យ ។
បើតាមសាក្សីបានឱ្យដឹងថា មុនពេលប្រទះឃើញសពបុរសខាងលើ រូបគាត់ពីរនាក់ប្អូនប្រុសបានដើរបាញ់សត្វនៅម្តុំវាលស្រែខាងក្រោយសាលាសង្កាត់ជើងឯក ខណៈពួកគាត់ដើរមកដល់ក្រោមដើមជ្រៃបានបញ្ចាំងពិលឆ្លុះដើម្បីរកមើលសត្វ ស្រាប់តែឃើញបុរសម្នាក់ចង.កនឹងខ្សែរលួសថ្ពួកជាមួយក្រមាស្លាប់បាត់ទៅហើយ។ បន្ទាប់ពីឃើញបែបនេះ ពួកគាត់ភ័យស្លន់ស្លោរនាំគ្នារត់មកដល់ផ្ទះវិញ រួចក៏ទូរស័ព្ទទៅសមត្ថកិច្ចមូលដ្ឋានឱ្យចុះទៅពិនិត្យ លុះសមត្ថកិច្ចទៅដល់ក៏យកខ្សែមកព័ទ្ធជុំវិញកន្លែងកើតហេតុ ដើម្បីរង់ចាំព្រឹកឡើង ទើបទាក់ទងស្វែងរសាច់ញាតិ ។
បើតាមសាក្សីបន្តទៀតថា លុះដល់ព្រឹកឡើងសមត្ថកិច្ចដឹកសពមកវត្តសំបួរមាស ហើយធ្វើការឆែកឆេរនៅក្នុងខ្លួនឃើញទូរស័ព្ទដៃមួយគ្រឿង និងលិខិតបណ្ដាំ២ច្បាប់សរសេរថា «ជូនឪពុក និងម្ដាយ ឲ្យកូនសុំទោសផង កូនប្រុសម្នាក់នេះមិនបានសងគុណលោកទាំងពីរទេ» និងលិខិតមួយទៀតសរសេរថា «ប្រពន្ធជាទីស្រលាញ់ជួយមើលថែកូនជួសបងផង» ។ ក្រោយមកសមត្ថកិច្ចក៏ទាក់ទងទៅក្រុមគ្រួសារឱ្យមកមើលទើបដឹង ។
បើតាមសម្តីស្ត្រីជាប្រពន្ធជនរងគ្រោះឲ្យដឹងថា រូបគាត់និងជនរងគ្រោះរៀបការជាមួយគ្នាបង្កើតបានកូនស្រីអាយុ៦ឆ្នាំម្នាក់នៅក្នុងបន្ទុក តែមួយរយៈក្រោយនេះពួកគាត់បានបែកគ្នា ហើយប៉ុន្មានថ្ងៃមុនកើតហេតុ ប្តីបានទូរស័ព្ទមកសុំជុំគ្នាវិញ តែរូបគាត់មិនព្រម ពេលនោះជនរងគ្រោះនិយាយថា «ចង់ឃើញខ្ញុំស្លាប់មែន ចឹងចាំយកសពខ្ញុំទៅធ្វើបុណ្យផង» តែគាត់មិននឹកស្មានថា ប្ដីធ្វើដល់ថ្នាក់ហ្នឹងនោះទេ ។
ក្រោយមកសមត្ថកិច្ចមូលដ្ឋានទាក់ទងទៅសមត្ថកិច្ចជំនាញមកធ្វើកោសល្យវិច្ឆ័យលើសពក៏សន្និដ្ឋានថា ជនរងគ្រោះពិតជាចង.កសម្លាប់ខ្លួនពិតប្រាកដមែន ។ សមត្ថកិច្ចបានធ្វើកំណត់ហេតុរួចប្រគល់សពទៅឱ្យកគ្រួសារយកទៅធ្វើបុណ្យតាមប្រពៃណីនៅវត្តសំបួរមាស ៕
ចែករំលែកព័តមាននេះ