អបអរសាទរទិវាជាតិបង្ការ និងពន្លត់អគ្គិភ័យលើកទី៣
- បាត់ដំបង
ខេត្តបាត់ដំបង ៖ អបអរសាទរទិវាជាតិបង្ការ និងពន្លត់អគ្គិភ័យលើកទី៣ ឆ្នាំ២០១៨ ក្រោមអធិបតីភាពលោក ហឿង សុគន្ធ អភិបាលរង នៃគណៈអភិបាល…
ខេត្តបាត់ដំបង ៖ អបអរសាទរទិវាជាតិបង្ការ និងពន្លត់អគ្គិភ័យលើកទី៣ ឆ្នាំ២០១៨ ក្រោមអធិបតីភាពលោក ហឿង សុគន្ធ អភិបាលរង នៃគណៈអភិបាល ខេត្តបាត់ដំបង តំណាងលោក ងួន រតនៈ អភិបាលនៃគណៈអភិបាល ខេត្តបាត់ដំបង នៅភូមិបឹងរាំង ឃុំបឹងរាំង ស្រុកកំរៀង ខេត្តបាត់ដំបង វេលាព្រឹកថ្ងៃទី៩ ខែមីនា ឆ្នាំ២០១៨ ដោយមានការចូលរួមពី មន្ត្រីគ្រប់ស្ថាប័ន កងកម្លាំងប្រដាប់អាវុធ សិស្សានុសិស្ស ប្រជាពលរដ្ឋចំនួន១.២០០នាក់។ លោកឧត្តមសេនីយ៍ត្រី ធុច រ៉ា ស្នងការរងទទួលផែនគ្រប់គ្រងអាវុធជាតិផ្ទុះ និងអក្គីភ័យខេត្តបាត់ដំបង បានថ្លែងថា កម្មវិធីនេះដោយអនុវត្តន៍តាមសារាចរណ៍នែនាំ លេខ០០១ ស.រ.ណ.ន របស់ក្រសួងមហាផ្ទៃ ស្តីពីការរៀបចំចាត់តាំងថ្ងៃប្រារព្វទិវាជាតិបង្ការ និងពន្លត់អគ្គីភ័យជារៀងរាល់ឆ្នាំ ដើម្បីឲ្យមហាជន បានយល់ដឹងអំពីការប្រើប្រាស់ដោយការប៉ះស្ទាប ការតភ្លើងមិនផ្តាច់ចរន្ត ការតភ្លើងឆក់ចាប់សត្វ ការរាយខ្សែភ្លើងបូមទឹក និងផ្សេងៗទៀតដែលទាំងអស់គ្នា កំពុងប្រើប្រាស់ជាប្រចាំរៀងរាល់ថ្ងៃ។
ហើយត្រូវមានការប្រុងប្រយ័ត្នដែលនាំឲ្យកើតជាអគ្គិភ័យកើតឡើងគ្រប់ទីកន្លែង និងគោលបំណង សំខាន់គឺ ១/រក្សាបានសន្តិសុខ សុវត្ថិភាព អាយុជីវិត ទ្រព្យសម្បត្តិរដ្ឋ ឯកជន អំពីគ្រោះថ្នាក់ដែល បណ្តាលមកពីអគ្គិភ័យ។ ២/ធ្វើឲ្យប្រជាពលរដ្ឋ និងអ្នកវិនិយោគិនគ្មានការព្រួយបារម្ភ កង្វល់អំពីគ្រោះថ្នាក់អគ្គិភ័យ និងស្ម័គ្រចិត្តចូលរួមប្រាស្រ័យជាមួយកងកម្លាំងមានសមត្ថកិច្ច បង្ការទប់ស្កាត់កុំឲ្យកើតមានគ្រោះថ្នាក់អគ្គិភ័យ។
បន្ទាប់មកលោក ហឿង សុគន្ធ អភិបាលររងខេត្ត បានបញ្ជាក់ថា សូមបងប្អូនប្រជាពលរដ្ឋ សិស្សានុសិស្សទាំងអស់ត្រូវយល់ដឹងអំពីផលប៉ះពាល់ នៃគ្រោះថ្នាក់ និងវិធានការណ៍ទប់ស្កាត់នូវគ្រោះថ្នាក់អគ្គិភ័យពេលនេះបានមួយចំនួនប៉ុណ្ណោះ ដែលយើងនៅជួបបញ្ហាប្រឈមជាច្រើនទៀតដែលកងកម្លាំងសមត្ថកិច្ច បង្ការ និងពន្លត់អគ្គីភ័យ ត្រូវផ្សព្វផ្សាយឲ្យបានដឹងរួមគ្នា ហើយអនុវត្តន៍ការបង្ការ និងការពន្លត់អគ្គីភ័យឲ្យនៅមានកម្រិតទាប ពិសេសតាមតំបន់ជាយទីរួមស្រុក។ បន្ទាប់មកកម្មវិធីបង្ហាត់របៀបបង្ហាញសកម្មភាពជាក់ស្តែង នៃការបង្ការ ពន្លត់អគ្គីភ័យ និងសង្គ្រោះ ដែលបានធ្វើអត្ថាធិប្បាយដោយកញ្ញា ព្រិន្ទបាលទោ ថន ដាលីន ដើម្បីបង្កើនការយល់ដឹងបន្ថែមទៀត៕
ចែករំលែកព័តមាននេះ