ខេត្តកំពង់ធំ ៖ ឧប្បត្តិហេតុរថយន្ដកូរ៉េបើកបុកក្មេងរត់ឆ្លងថ្នល់ស្លាប់បានកាលពីព្រឹកថ្ងៃទី០៨ ខែមីនា ឆ្នាំ២០១៨ ចំណុចមុខផ្ទះ ឆាំ ម៉ាទ្បែន លើផ្លូវជាតិលេខ០៦ ស្ថិតក្នុងភូមិអាចារ្យលាក់…
ខេត្តកំពង់ធំ ៖ ឧប្បត្តិហេតុរថយន្ដកូរ៉េបើកបុកក្មេងរត់ឆ្លងថ្នល់ស្លាប់បានកាលពីព្រឹកថ្ងៃទី០៨ ខែមីនា ឆ្នាំ២០១៨ ចំណុចមុខផ្ទះ ឆាំ ម៉ាទ្បែន លើផ្លូវជាតិលេខ០៦ ស្ថិតក្នុងភូមិអាចារ្យលាក់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ ។
ប្រភពព័ត៌មានពីសមត្ថកិច្ចបានឱ្យដឹងថា គ្រោះថ្នាក់ចរាចរណ៍ខាងលើកើតឡើងរវាងរថយន្តកូរ៉េ ពណ៍ស ពាក់ផ្លាកលេខ កំពង់ធំ ៣A-០៥៥៧ បើកបរពីជើងទៅត្បូងលុះមកដល់ចំណុចកើតហេតុខាងលើក៏បានបុកក្មេងម្នាក់ដែលបានរត់ឆ្លងថ្នល់ពីកើតមកលិចបណ្តាលឲ្យស្លាប់បាត់បង់ជីវិតនៅនឹងកន្លែងកើតហេតុ ។
គ្រោះថ្នាក់នេះមូលហេតុបណ្តាលមកពីអាណាព្យាបាលបណ្តោយក្មេងមិនគ្រប់អាយុដើរឆ្លងថ្នល់ដោយគ្មានអ្នកដឹកដៃក្រោយកើតហេតុសមត្ថកិច្ចបានឃាត់ខ្លួនអ្នកបើកបររថយន្តតាមបញ្ជាលោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ធំ ដើម្បីដោះស្រាយគ្នាតាមច្បាប់ ៕
ចែករំលែកព័តមាននេះ