រាជធានីភ្នំពេញ ៖ បន្ទាប់ពីលោក សម រង្ស៊ី ដែលកំពុងតែគេចខ្លួននៅក្រៅប្រទេសផ្ញើសារអំពាវនាវជាថ្មីឲ្យ កងទ័ព និងកម្លាំងសមត្ថកិច្ចដទៃទៀតងើបបះបោរប្រឆាំងរាជរដ្ឋាភិបាលដឹកនាំដោយសម្តេចតេជោ ហ៊ុន សែន…
រាជធានីភ្នំពេញ ៖ បន្ទាប់ពីលោក សម រង្ស៊ី ដែលកំពុងតែគេចខ្លួននៅក្រៅប្រទេសផ្ញើសារអំពាវនាវជាថ្មីឲ្យ កងទ័ព និងកម្លាំងសមត្ថកិច្ចដទៃទៀតងើបបះបោរប្រឆាំងរាជរដ្ឋាភិបាលដឹកនាំដោយសម្តេចតេជោ ហ៊ុន សែន បាននាំឲ្យមានការប្រតិកម្មខឹងសម្បាយ៉ាងខ្លាំងពីសំណាក់មេទ័ព កងទ័ព ព្រមទាំងអតីត យុទ្ធជនផងដែរ ។
មេបញ្ជាការកងពលតូចលេខ៧០ លោកឧត្តមសេនីយ៍ឯក ម៉ៅ សុផាន់ បានចាត់ទុកការ អំពាវនាវរបស់លោក សម រង្ស៊ី គឺជាចេតនាដ៏ពិសពុល ក្នុងការបំផ្លាញជាតិ និងសេចក្តីសុខរបស់ប្រជាពលរដ្ឋ ដើម្បីតែមហិច្ឆតាក្នុងការឈានទៅការក្តោបក្តាប់អំណាច ។ លោកឧត្តមសេនីយ៍មេបញ្ជាការរូបនេះព្រមទាំងកងទ័ពទាំងអស់នៃបញ្ជាការដ្ឋានកងពលតូចលេខ៧០ បានចាត់ទុកទង្វើរបស់លោក សម រង្ស៊ី មិនខុសពីទង្វើរបស់ឪពុករបស់លោក គឺលោក សម សារីនោះឡើយ តែទីបំផុតមហិច្ឆតាមិនត្រឹមតែមិនបានសម្រេច ថែមទាំងអន្តរាយដល់ខ្លួន និងក្រុមគ្រួសារថែមទៀតផង ។
លោកឧត្តមសេនីយ៍ឯក ម៉ៅ សុផាន់ បន្តថា «ទង្វើរបស់វានេះ គឺពិសពុលណាស់មិនខុសពីឪពុករបស់វាឡើយ ។ ទង្វើរបស់វាមានទិសដៅតែមួយគត់ គឺសម្រេចឲ្យបានការក្តោបក្តាប់អំណាចដោយមិនខ្វល់ពីការវិនាសរបស់ជាតិ និងទុក្ខលំបាករបស់ប្រជាជននោះឡើយ» ។
ទន្ទឹមជាមួយការប្រតិកម្មជាមួយពាក្យពេចន៍ខឹងសម្បាធ្ងន់ៗ ហើយនោះមេបញ្ជាការកងពលតូចលេខ៧០ និងកងទ័ពទាំងអស់បានបង្ហាញពីស្មារតីស្មោះត្រង់ និងគោរពជានិច្ចនូវបទបញ្ជារបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាមេបញ្ជាការផុតលេខផ្កាយមាស៥ ៕
ចែករំលែកព័តមាននេះ