រាជធានីភ្នំពេញ ៖ តុលាការកំពូលនៅព្រឹកថ្ងៃទី០៩ ខែមីនា ឆ្នាំ២០១៨ បានបើកសវនាជំនុំជម្រះករណីសុំនៅក្រៅឃុំរបស់លោក កឹម សុខា អតីតមេដឹកនាំអតីតគណបក្សសង្គ្រោះជាតិ ហើយបានសម្រេចបន្តឃុំខ្លួនមេបក្សប្រឆាំងរូបនេះ ។
ចៅក្រមតុលាការកំពូលបានប្រកាសសាលដីកាតម្កល់ការសម្រេចរបស់សាលាឧទ្ធរណ៍ដដែលដោយបដិសេធន៍ចោលលើបណ្តឹងសាទុក្ខរបស់ក្រុមមេធាវីការពារក្តីលោកកឹម សុខា សុំនៅក្រៅឃុំ ។ ក្រុមមេធាវីបានលើកសំណាងហេតុថា លោកកឹម សុខា មានបញ្ហាសុខភាពមួយចំនួន ដូចជា ជំងឺលើសឈាម ទឹកនោមផ្អែម និងសម្ពាធសរសៃឈាមដែលទាមទារនៅក្រៅឃុំបណ្តោះអាសន្ន ដើម្បីធ្វើការព្យាបាល ។
យ៉ាងណាមិញតុលាការកំពូលនៅតែសម្រេច «បន្តឃុំខ្លួន» បន្ទាប់ពីតុលាការកំពូលបើកសវនាការបណ្តឹងសារទុក្ខការសុំនៅក្រៅឃុំរបស់លោកកឹម សុខា អតីតប្រធានគណបក្សសង្គ្រោះជាតិនៅវេលាម៉ោង៨និង០០នាទីព្រឹកថ្ងៃទី០៩ ខែមីនា ឆ្នាំ២០១៨ ដោយមិនមានវត្តមានជនជាប់ចោទទេ តែមានវត្តមានក្រុមមេធាវីការពារក្តី និងសួរដេញដោលពេលមួយព្រឹកថ្ងៃទី០៩ ខែមីនានេះ ។
សូមបញ្ជាក់ថា លោកកឹម សុខា ត្រូវបានចាប់ខ្លួន និងចោទពីបទសន្ទិដិ្ឋភាពជាមួយបរទេស ឬ ក្បត់ជាតិ ៕
ចែករំលែកព័តមាននេះ