រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅវេលាម៉ោង៧និង៣០នាទីថ្ងៃទី៩ ខែមិនា ឆ្នាំ ២០១៨ កម្លាំងអាវុធហត្ថខណ្ឌជ្រោយចង្វារ សហការជាមួយកម្លាំងអាវុធហត្ថខណ្ឌពោធិសែន និងអាវុធហត្ថរាធានី បានឃាត់ខ្លួនជនសង្ស័យម្នាក់ នៅចំណុចបន្ទប់ជួល ភូមិអង្គកែវ សង្កាត់ចោមចៅ៣ ខណ្ឌពោធិសែនជ័យ ។
សេចក្តីរាយការណ៍បន្តថា ជនសង្ស័យខាងលើមានឈ្មោះ ហូ ម៉េងហរ័ ភេទប្រុស អាយុ២៩ឆ្នាំ មានមុខរបរមិនពិតប្រាកដ មានស្រុកកំណើតភូមិកូហេ ឃុំព្រែកកុយ ស្រុកកងមាស ខេត្តកំពុងចាម ទីលំនៅបច្ចុប្បន្នស្នាក់នៅបន្ទប់ជួល ម្តុំប៉ុស្តិ៍រការធំ ខេត្តកំពង់ស្ពឺ ។
គួរបញ្ជាក់ផងដែរថា ៖ ជនសង្ស័យត្រូវបានសមត្ថកិច្ចកំណត់មុខសញ្ញាបានតាមរយៈកាមេរ៉ាសុវត្ថិភាព ហើយក៏ឈានដល់ការឃាត់ជនសង្ស័យតែម្តង ។
ពាក់ពន្ធ័ករណីលួចមានស្ថានទម្ងន់ទោស (ប្លន់ )កាលពីថ្ងៃទី២៣ខែកុម្ភៈ ២០១៨ នៅចំណុចភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារឈ្មោះហាង វីង ការហ្វេ ។
បច្ចុប្បន្នជនសង្ស័យត្រូវបានបញ្ជូនខ្លួនទៅកងរាជអាវុធហត្ថ ខណ្ឌជ្រោយចង្វារហើយ ៕
ចែករំលែកព័តមាននេះ