រថយន្តបែនដឹកថ្មបុកជាប់បង្កាន់ដៃស្ពានបាក់អស់ចំនួន៤ប្រឡោះ
- ព្រះសីហនុ
ខេត្តព្រះសីហនុ ៖ ព័ត៌មានពីស្រុកកំពង់សីលា សមត្ថកិច្ចឲ្យដឹងថា កាលពីម៉ោងជិត០៨យប់ ថ្ងៃទី០៨ ខែមីនា ឆ្នាំ២០១៨ នៅលើស្ពានក្អោង ចន្លោះគីឡូម៉ែត្រលេខ១៣៧-១៣៨…
ខេត្តព្រះសីហនុ ៖ ព័ត៌មានពីស្រុកកំពង់សីលា សមត្ថកិច្ចឲ្យដឹងថា កាលពីម៉ោងជិត០៨យប់ ថ្ងៃទី០៨ ខែមីនា ឆ្នាំ២០១៨ នៅលើស្ពានក្អោង ចន្លោះគីឡូម៉ែត្រលេខ១៣៧-១៣៨ ស្ថិតក្នុងភូមិចំការហ្លួង ឃុំចំការហ្លួង ស្រុកកំពង់សីលា ខេត្តព្រះសីហនុ មានគ្រោះថ្នាក់ចរាចរមួយកើតឡើង បង្កដោយខ្លួនឯង គឺរថយន្តបែនដឹកថ្មម៉ាក FUSO ក្បាលពណ៌ត្រួយចេក មានទិសដៅពីភ្នំពេញទៅខេត្តព្រះសីហនុ ពាក់ផ្លាកលេខ ភ្នំពេញ ៤A-២០១៥ អ្នកបើកបរមិនស្គាល់អត្តសញ្ញាណ (រត់បាត់) ពេលមកដល់ចំណុចកើតហេតុ រថយន្តនេះបានគេចនឹងរថយន្តតូចមួយផ្សេងទៀត ដែលមានទិសដៅបញ្ច្រាសទិសគ្នា យកចង្កូតមកវិញមិនទាន់ក៏បុកនឹងខឿនស្ពាន បណ្ដាលឲ្យក្បាលរថយន្តទៅបុកជាប់បង្កាន់ដៃស្ពានបាក់ ចំនួន៤ប្រឡោះ ហើយរថយន្តរងការខូចខាតផ្នែកខាងមុខទាំងស្រុង ។ ចំពោះមុខកម្លាំងអាវុធហត្ថស្នាក់ការសន្តិសុខ៤០២ សហការណ៍ជាមួយកម្លាំងរបស់អធិការដ្ឋាននគរបាលស្រុកកំពង់សីលា នៅការពារកន្លែងកើតហេតុ និងជួយសម្រួលចរាចរលើដងផ្លូវ ៕
ចែករំលែកព័តមាននេះ