រាជធានីភ្នំពេញ ៖ យុវជនម្នាក់បើករថយន្តមួយគ្រឿងរវល់តែសាសងតាមទូរស័ព្ទជាមួយសង្សារបានរេចង្កូតទៅបុកក្បាលនាគពុះចែកទ្រូងផ្លូវបណ្តាលឲ្យបាក់អស់មួយកង់ ចំណែករថយន្តបែកកង់មុខទៅមុខលែងរួច ហេតុការណ៍នេះបានកើងឡើងកាលពីវេលាម៉ោង៣និង៣០នាទីទាបភ្លឺថ្ងៃទី៩ ខែមីនា ឆ្នាំ២០១៨ តាមបណ្តោយផ្លូវ២១៧នៅចំណុចស្តុបវត្តព្រះពុទ្ធ ស្ថិតនៅក្នុងសង្កាត់វាលវង់ ខណ្ឌ៧មករា ។
សាក្សីដែលឃើញហេតុការណ៍បានឱ្យដឹងថា មុនពេលកើតហេតុគេបានឃើញយុវជនម្នាក់បើករថយន្តមួយគ្រឿងម៉ាកហាយឡេនឌ័រ ពណ៌ស្ករ ពាក់ផ្លាកលេខ ភ្នំពេញ ២AR-១៣៧៥ តាមបណ្តោយផ្លូវ២១៧ ទិសដៅពីលិចទៅកើតក្នុងស្ថានភាពស្រវឹងស្រាបើកក្នុងល្បឿនយ៉ាងលឿនហើយរវល់តែនិយាយទូរស័ព្ទជាមួយនឹងសង្សារមិនបានប្រយ័ត្នក៏ជ្រុលទៅបុកចំក្បាលនាគពុះចែកទ្រូងផ្លូវពេញទំហឹងបណ្តាលឱ្យរថយន្តបែកកង់ខាងឆ្វេង និងខ្ទេចអស់មួយជំហៀងខាងឆ្វេងផ្នែកខាងមុខរថយន្តបើកទៅមុខលែងរួច រីឯទ្រូងផ្លូវវិញវៀចអស់មួយកង់ទៅមុខ ។
ក្រោយពេលកើតហេតុរថយន្តបង្កត្រូវបានសមត្ថកិច្ចធ្វើការវាស់វែងយកទៅរក្សាទុកនៅការិយាល័យចរាចរណ៍ផ្លូវគោករងចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ