ដាក់បង្គោលភ្លើងសូឡាបំភ្លឺគល់ស្ពាន និងផ្លូវ ជាកាដូថ្ងៃសិទ្ធនារី៨មីនា
- កោះកុង
ខេត្តកោះកុង ៖ នៅព្រឹកថ្ងៃទី០៨ ខែមីនា ឆ្នាំ២០១៨ នេះ លោក ហាក់ ឡេង អភិបាលស្រុកមណ្ឌលសីមា…
ខេត្តកោះកុង ៖ នៅព្រឹកថ្ងៃទី០៨ ខែមីនា ឆ្នាំ២០១៨ នេះ លោក ហាក់ ឡេង អភិបាលស្រុកមណ្ឌលសីមា…
ខេត្តកោះកុង ៖ នៅព្រឹកថ្ងៃទី០៨ ខែមីនា ឆ្នាំ២០១៨ នេះ លោក ហាក់ ឡេង អភិបាលស្រុកមណ្ឌលសីមា ខេត្តកោះកុង បានរៀបចំចាប់ផ្តើមដំឡើងបង្គោលភ្លើងសូឡាចំនួនមួយដើមជានិម្មិតរូបដើម្បីដាក់បំភ្លឺផ្លូវនៅពេលយប់ត្រង់ចំណុចគល់ស្ពានដែក ឆ្ពោះទៅកាន់ឆ្នេរសមុទ្រប៉ាក់ខ្លង ស្ងិតក្នុងឃុំប៉ាក់ខ្លង ។
លោកអភិបាលស្រុក បានបញ្ជាក់ឲ្យដឹងថា ដោយសារតែនៅត្រង់ចំណុចគល់ស្ពាននេះ ជាចំណុចដាច់ស្រយាលពេក ក្នុងចំងាយផ្លូវប្រមាណ៨គីឡូម៉ែត្រ ពីសាលាស្រុកទៅដល់សាលាឃុំ ជាពិសេសនៅពេលយប់តែងតែបង្កការភ័យខ្លាចដល់ការធ្វើដំណើររបស់ប្រជាពលរដ្ឋ ។ ដូច្នេះទើបលោកចាប់ផ្តើមដាក់ពីចំណុចគល់ស្ពានមួយដើមសិន ដើម្បីរក្សាសុវត្ថិភាពអ្នកធ្វើដំណើរឆ្លងកាត់ស្ពាននេះ ហើយត្រូវចំណាយថវិកាផ្ទល់ខ្លួនមុនសិន ។
លោកអភិបាលបានបញ្ជាក់បន្ថែមថា រូបលោកមានគំរោងដាក់បង្គោលភ្លើងសូឡាចាប់ពីចំណុចស្ពានដែកទៅកាន់ឆ្នេរសមុទ្រប៉ាក់ខ្លងចំនួន១៣ដើមបន្ថែមទៀតឲ្យបានរួចរាល់ជាស្ថាពរនៅមុនឱកាសបុណ្យចូលឆ្នាំខ្មែរខាងមុខនេះ ។ ហើយគំរោងនេះត្រូវចំណាថវិការបស់សប្បុរសជន រួមនិងថវិកាផ្ទាល់ខ្លួន ។ លោកអភិបាលបានបញ្ជាក់ថា ការដាក់បង្គោលភ្លើងសូឡាតាមដងផ្លូវ និងស្ពាននាពេលនេះ គឺជាកាដូរបស់លោកផ្ទាល់ជាមួយសប្បុរសជនទាំងអស់ក្នុងនាមអាជ្ញាធរស្រុក សម្រាប់ថ្ងៃទិវាសិទ្ធនារី ៨ មីនា ២០១៨ នេះ ៕
ចែករំលែកព័តមាននេះ