ថៃ ៖ តាមប្រភពព័ត៌មាន Viral4real បានឲ្យដឹងថា ស្រីស្អាតម្នាក់អាយុ២០ឆ្នាំ ត្រូវបានគេរិះគន់យ៉ាងចាស់ដៃនៅលើបណ្តាញសង្គម ក្រោយពេលជួយសង្គ្រោះខ្យល់ដង្ហើម និងចលនាបេះដូងរបស់បុរសចំណាស់ម្នាក់។
យុវតីឈ្មោះ Peeraya Saena បានផ្តល់ការជួយសង្គ្រោះបឋមដល់បុរសចំណាស់អាយុ៦០ឆ្នាំ ដែលដេកដួលលើផ្លូវ Chan Road Soi 51 ប្រទេសថៃ។ បុរសចំណាស់ដែលគេស្គាល់ថា មានឈ្មោះ Aran Inthirom បានប្រកាច់ រហូតទាល់តែជីពចរលែងដើរ។
ដោយសារតែឃើញដូចនេះ Saena បានហក់ទៅជួយធ្វើចលនាដង្ហើម និងបេះដូងទាំងខ្លួនកំពុងស្លៀកសំពត់ខ្លី លេចដល់គល់ភ្លៅ។ នាងបានធ្វើបែបនេះរហូតទល់តែបុរសនោះដល់មន្ទីរពេទ្យ។
ក្រោយពីវីដេអូនៃការជួយសង្គ្រោះរបស់នាងបានបង្ហោះចូលក្នុងបណ្តាញសង្គម មនុស្សមួយចំនួនបានរិះគន់ថា នាងធ្វើបែបនេះមិនសម។ ទីមួយគេចោទនាងថា ហក់ចុះហក់ឡើងពេលធ្វើចលនាបេះដូង។ ទីពីរគេថា ដោយសារតែនាងស្លៀកខ្លី ទើបវាមិនសមរម្យ។
សម្រាប់រូបនាង Saena ផ្ទាល់ គឺនាងមិនប្រកាន់មនុស្សទាំងនោះទេ។ នាងនៅតែប្រកាន់ខ្ជាប់ថា ការជួយសង្គ្រោះជីវិតមនុស្សទាន់ពេលវេលា គឺជារឿងសំខាន់បំផុត។ បើរវល់តែគិតពីសម្លៀកបំពាក់នោះ គឺជីវិតមនុស្សមិនអាចជួយទាន់ពេលវេលាទេ។
«ទោះបីជាអ្នកធ្វើល្អគ្រប់ដប់ ក៏នៅតែមិនអាចផ្គាប់ចិត្តមនុស្សទាំងអស់លើលោកបានដែរ»
ចែករំលែកព័តមាននេះ