រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅខណៈវេលាម៉ោងជាង៤នេះ លោកនាយប៉ុស្តិ៍ស្តីទីព្រែកព្នៅ ត្រូវបានពេទ្យតភ្ជាប់ដៃវិញហើយ ដែលត្រូវបានជនញៀនថ្នាំកាប់ដៃរបស់គាត់កាលពីវេលាម៉ោង១០ព្រឹក ថ្ងៃទី០៧ មីនា ស្ថិតត្រង់ចំណុចមុខផ្ទះគ្មានលេខ…
រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅខណៈវេលាម៉ោងជាង៤នេះ លោកនាយប៉ុស្តិ៍ស្តីទីព្រែកព្នៅ ត្រូវបានពេទ្យតភ្ជាប់ដៃវិញហើយ ដែលត្រូវបានជនញៀនថ្នាំកាប់ដៃរបស់គាត់កាលពីវេលាម៉ោង១០ព្រឹក ថ្ងៃទី០៧ មីនា ស្ថិតត្រង់ចំណុចមុខផ្ទះគ្មានលេខ លើផ្លូ្វវជាតិលេខ៥ ក្នុងភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ប៉ុន្តែពេលនេះមិនទាន់អាចកម្រើកបាននៅឡើយទេ គ្រាន់តែបានតភ្ជាប់ហើយ ។
តាមសេចក្តីរាយការណ៍បន្តថា នៅព្រឹកមិញនេះដែរ លោកអធិការខណ្ឌព្រែកព្នៅ ព្រមទាំងអភិបាល និងមន្ត្រីនគរបាលបានមកសួរសុខទុក្ខ ហើយនាំថវិការមួយចំនួនជួយដល់លោកនាយប៉ស្តិ៍ព្រែកព្នៅផងដែរ ។
រំលឹកថា ៖ ជនសង្ស័យម្នាក់ត្រូវឃាត់ខ្លួន ក្រោយពីធ្វើសកម្មភាពកាប់ប្រហារទៅលើលោកមេប៉ុស្តិ៍នគរបាលព្រែកព្នៅម្នាក់ បណ្តាលឱ្យដាច់.កដៃម្ខាង ខណៈលោកចូលទៅអន្តរាគមន៍ ក្នុងពេលជននេះចង់បង្កហិង្សាក្នុងគ្រួសារ កើតឡើងកាលពីវេលាម៉ោង១០ព្រឹកថ្ងៃទី០៧ មីនា ស្ថិតត្រង់ចំណុចមុខផ្ទះគ្មានលេខ លើផ្លូ្្វជាតិលេខ៥ ក្នុងភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ។
ជនសង្ស័យខាងលើឈ្មោះអំ ដាលីន អាយុ៣០ឆ្នាំ មុខរបរមិនពិតប្រាកដ មានទីលំនៅក្នុងភូមិកើតហេតុ ។ រីឯជនរងគ្រោះឈ្មោះអ៊ឹម រិទ្ធី អាយុ៣៦ឆ្នាំ ជានាយប៉ុស្តិ៍ព្រែកព្នៅស្តីទី មានទីលំនៅក្នុងភូមិកណ្តាល សង្កាត់ព្រែកព្នៅ ខណ្ឌព្រែកព្នៅ (ដាច់.កដៃខាងឆ្វេង) ។
គួរបញ្ជាក់ថា ជនសង្ស័យខាងលើ គឺជាមនុស្សញៀនថ្នាំម្នាក់ ហើយត្រូវក្រុមគ្រួសារបញ្ជូនទៅមណ្ឌលកែ
ប្រែ ។ ប្រភពបន្តថា ក្រោយមក ជនសង្ស័យរូបនេះបានប្រើល្បិចធ្វើជាឈឺ ឱ្យគេបញ្ជូនទៅមន្ទីរពេទ្យ ស្រាប់តែបានរត់គេចខ្លួនបាត់ ។ លុះនៅថ្ងៃកើតហេតុ ជននេះបានមករករឿងក្រុមគ្រួសារយ៉ាងខ្លាំង ហើយក៏មានអ្នកជិតខាងជួយរាយការណ៍ទៅកម្លាំងសមត្ថកិច្ច ទើបត្រូវលោកមេប៉ុស្តិ៍ដែលជាជនរងគ្រោះ ដឹកនាំកម្លាំងចុះទៅអន្តរាគមន៍នៅផ្ទះកើតហេតុ ។ គ្រាន់តែក្រឡេកឃើញ កម្លាំងសមត្ថកិច្ចភ្លាម ជននោះក៏ទាញកាំបិតដេញកាប់រហូតត្រូវជនរងគ្រោះរងរបួសតែម្តង ។
ក្រោយបង្កហេតុ ជនសង្ស័យត្រូវប្រជាពលរដ្ឋជួយចាប់ និងបានវាយម្នាក់មួយដៃមួយជើង ព្រោះទ្រាំនូវទង្វើដ៏អាក្រក់របស់ជនសង្ស័យមិនបាន ៕
ចែករំលែកព័តមាននេះ