អតីតតារាសិចចង់និយាយការពិតពីទំនាក់ទំនងជាមួយលោកត្រាំ
សហរដ្ឋអាមេរិក ៖ អតីតតារាសិចនាង STORMY DANIELS ចង់និយាយការពិតអំពីទំនាក់ទំនងរបស់ខ្លួនជាមួយប្រធានាធិបតីអាមេរិកលោកដូណាល់ ត្រាំ ។ កាលពីថ្ងៃទី៦ មីនា…
សហរដ្ឋអាមេរិក ៖ អតីតតារាសិចនាង STORMY DANIELS ចង់និយាយការពិតអំពីទំនាក់ទំនងរបស់ខ្លួនជាមួយប្រធានាធិបតីអាមេរិកលោកដូណាល់ ត្រាំ ។
កាលពីថ្ងៃទី៦ មីនា តារាសិចរូបនេះបានដាក់ពាក្យប្តឹងលោកត្រាំ ពីបទប៉ុនប៉ងធ្វើឱ្យមោឃៈដល់ការព្រមព្រៀងគ្នាជាសម្ងាត់ដែលនាងបានចុះហត្ថលេខាជាមួយលោកមុនពេលបោះឆ្នោតប្រធានាធិបតីឆ្នាំ២០១៦បន្តិច ។ យោងតាមកិច្ចព្រមព្រៀងនេះតារារូបនោះដែលក្នុងជីវិតស៊ីវិលដាក់ឈ្មោះខ្លួនឯងថា STEPHANIE CLIFFORD សុខចិត្តទទួលប្រាក់១៣០.០០០ដុល្លារជាថ្នូរនឹងការបិទមាត់របស់នាង ។
មេធាវីរបស់អតីតតារារូបនេះ លោក MICHAEL AVENATTI និយាយតាមទូរទស្សន៍ABC ថា ជំហររបស់យើងគឺថា កិច្ចព្រមព្រៀងទាំងមូលក្លាយជាពុំបានការ ព្រោះលោកត្រាំ ថា ពុំបានចុះហត្ថលេខាឡើយ ហើយកូនក្តីរបស់គាត់នឹងប្រគល់ប្រាក់នោះឱ្យវិញ ប្រសិនបើចាំបាច់ ។ នាងចង់ឱ្យសាធារណជនដឹងពីការពិតលើទំនាក់ទំនងផ្លូវភេទដែលមានការស្រុះស្រួលគ្នានេះ ។
មេធាវីរូបនេះអះអាងថា លោកជឿជាក់ដែលលោកត្រាំ ដឹងរឿងតថ្លៃគ្នារឿងផ្តល់ប្រាក់នេះ ។ លោកអំពាវនាវដល់ប្រធានាធិបតីឱ្យឆ្លើយតបសំណួរសាមញ្ញៗបំផុត តើលោកមានចុះហត្ថលេខាលើកិច្ចព្រមព្រៀងនេះដែរទេ? តើលោកដឹងពីកិច្ចព្រមព្រៀង និងការប្រគល់ប្រាក់ទេ? រឿងនេះកើតមានមិនយូរប៉ុន្មានឡើយ ហើយលោកពិតជាអាចឆ្លើយតបដោយរហ័សយ៉ាងហោចណាស់តាម TWITTER ដែរ ។
តាមពិតរឿងលើគ្រែនេះកើតមានតាំងពីឆ្នាំ២០០៦ ហើយនឹងអាចនៅក្នុងឆ្នាំ២០០៧ ៕
ចែករំលែកព័តមាននេះ