រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាមានប្រសាសន៍នៅថ្ងៃទី៦ ខែមីនា ឆ្នាំ២០១៨ ផ្តល់នូវការណែនាំមួយចំនួនក្នុងឱកាសប្រារព្ធទិវាវប្បធម៌ជាតិ៣មីនាលើកទី២០ ឆ្នាំ២០១៨ នៅមជ្ឈមណ្ឌលសន្និបាតនិងពិព័រណ៍កោះពេជ្រដើម្បីពិនិត្យតាមដានអំពីវឌ្ឍនភាពនៃការងារវប្បធម៌ឲ្យបន្តស៊ីសង្វាក់គ្នាពីមួយឆ្នាំទៅមួយឆ្នាំបន្ថែមទៀតដូចខាងក្រោម ។
ទី១ ទិវាវប្បធម៌ជាតិគឺជាទិវាបណ្តុះឆន្ទ:បង្កើនសេចក្តីស្រឡាញ់ស្មារតីចូលរួមក្នុងការផ្ទេរនិងទទួលយកចំនេះដឹងជំនាញបច្ចេកទេសការការពារនិងថែរក្សាសីល្បៈវប្បធម៌ការអភិរក្សនិងអភិវឌ្ឍវិស័យវប្បធម៌ឲ្យស្ថិតស្ថិរគង់វង្សដែលសុទ្ធតែជាមូលដ្ឋានគ្រឹះនៃការធ្វើសុខដុមបីយកម្មរបស់សង្គមជាតិ ។ ដូច្នេះយើងត្រូវយកចឹត្តទុកដាក់លើកម្លាំងសកម្មរបស់សង្គម គឹកម្លាំងគឺកម្លាំងយុវជនដែលជាអ្នកបន្តវែនចំពោះមុខ។ដើម្បីកម្លាំងទាំងនេះមានស្មារតីស្រឡាញ់បេតិកភណ្ឌវប្បធម៌ជាតិ គឺចាំបាច់ត្រូវធ្វើការបញ្ជ្រាបនូវចំណេះដឹងដែលទាក់ទងទៅនឹងសីល្ប:វប្បធម៌ជាតិ ជាពិសេសគោលនយោបាយជាតិស្តីពីវប្បធម៌តាមគ្រប់មធ្យោបាយដែលអាចធ្វើទីបាន ។
ទី២ ដើម្បីលើកកំពស់យល់ដឹងកាន់តែច្បាស់អំពីតម្លៃពិតនៃវប្បធម៌ជាតិដែលជាប្រភពធនធានមូលធនប្រកបដោយសក្តានុពលនិងមិនចេះរីងស្ងួតដោយក្នុងការរួមចំណែកអភិវឌ្ឍសង្គមសេដ្ឋកិច្ច ។ យើងត្រូវខិតខំគូសរំលេចនូវខ្លឹមសារដែលជាការដាស់រំលឹកស្មារតីឲ្យគិតគូរអំពីការថែរក្សាការពារវប្បធម៌ជាតិខ្មែរយើងលើរាល់សេវានិងផលិតផលវប្បធម៌ដែលផលិតឡើងសម្រាប់គោលដៅពាណិជ្ជកម្មនិងទេសចរណ៍ ។
ទី៣ ត្រូវជំរុញឲ្យមានការចូលរួមយ៉ាងសកម្មដោយការទទួលខុសត្រូវរបស់យុវជនបន្តេវេនក្នុងកិច្ចអភិរក្សនិងអភិវឌ្ឍន៍វប្បធម៌ជាតិ។លើកស្ទួយពហុវប្បធម៌ក្នុងដង្គមកម្ពុជាឲ្យទទួលបាននូវវឌ្ឍនភាពប្រកបដោយចីរភាព និងបង្កើនការចូលរួមនិងសិក្សាស្រាវជ្រាវដើម្បីចងក្រងទុកឲ្យបានគង់វង្សល្អរាល់ឯកសារបេតិកភ័ណ្ឌវប្បធម៌ជាតិគ្រប់ប្រភេទទាំងរូបិយនិងអរូបិយ ព្រមទាំងផ្សព្វផ្សាយអប់រំដើម្បីវប្បធម៌និងវប្បធម៌ដើម្បីអប់រំឲ្យបានទូលំទួលាយ ។
ទី៤ ត្រូវបន្តពង្រឹងការអនុវត្តច្បាប់បទដ្ឋានគតិយុត្តដែលមានស្រាប់និងជំរុញការកសាងបទដ្ឋានគតិយុត្តបន្ថែមទៀតដើម្បីរួមចំណែកអភិរក្សនិងអភិវឌ្ឍន៍វប្បធម៌ជាតិប្រកបដោយចីរភាព ។ ក្នុងន័យនេះត្រូវពង្រឹងការអនុវត្តច្បាប់សិទ្ធិអ្នកនិពន្ធនិងសិទ្ធិអ្នកប្រហាក់ហែល ដើម្បីចៀសវាងការលួចចំឡងទាំងដុលនូវស្នាដៃសីល្ប:ជាមួយការបង្កើតស្នាដៃថ្មីៗនិងទាក់ទាញវិនិយោគិនក្នុងវិស័យឩស្សាហកម្មវប្បធម៌របស់យើង ។
ទី៥ ក្នុងស្មារតីនេះ រដ្ឋចាអ្នកគ្រប់គ្រងគាំពារ ដៃគូរឯកជនជាអ្នកអនុវត្តន៍មានន័យថា រដ្ឋជាអ្នកគ្រប់គ្រងផ្នែកច្បាប់ ផ្នែកជំនាញ ការទទួលខុសត្រូវលើក្បួនខ្នាត រចនាបទការពារនិងពង្រឹងអត្តសញ្ញាណជាតិ។ឯចំណែកវិស័យឯកជនដៃគូរអភិវឌ្ឍន៍ អង្គការសង្គម ក៏ដូចជាអ្នកអនុវត្តន៍ដោយផ្តាល់ជាអ្នកស្វែងរកប្រភពទុនអភិវឌ្ឍន៏និងជួយបំពេញកន្លែងខ្វះខាតចន្លោះដែលរាជរដ្ឋាភិបាលមិនមានលទ្ធភាពធ្វើបានចំពោះមុខ ។
ដូច្នេះក្រសួងវប្បធម៌និងវិចិត្រសិល្បៈត្រូវចេះគៀងគរនិងសហការយ៉ាងជិតស្និទ្ធជាមួយដៃគូអភិវឌ្ឍន៍ ។ វិស័យឯកជនដែលកំពុងប្រតិបត្តិការក្នុងវិស័យសីល្ប:វប្បធម៌រួមចំណែកក្នុងកិច្ចការពារកសាងនិងអភិវឌ្ឍន៍វប្បធម៌ជាតិឲ្យកាន់តែល្អប្រសើរ ។
ជាថ្មីម្តងទៀត ក្នុងនាមរាជរដ្ឋាភិបាលនិងក្នុងនាមខ្លួនខ្ញុំផ្តាល់ខ្ញុំសូមកោតសរសើរនិងវាយតម្លៃខ្ពស់ចំពោះលទ្ធផលការងារដែលក្រសួងវប្បធម៌និងវិចិត្រសីល្បៈសម្រេចបាន។ ជាពិសេសសូមលើកទឹកចឹត្តចំពោះមរតកមនុស្សរស់ សិល្បករចាស់ទុំជាព្រឹទ្ធាចារ្យនិងវីរសិល្បករអ្នកនិពន្ធនិងអ្នកជំនាញនានាគ្រប់ទំរង់នៃសិល្បៈវប្បធម៌ជាតិក៏ដូចជាមន្ត្រីរាជការ សាស្ត្រាចារ្យ លោកគ្រូ អ្នកគ្រូ សិល្ប:ករ សិល្បការិនី តន្រី្តករ ទាំងសម័យនិងបុរាណ អ្នកចម្រៀង អ្នកកំប្លែងនៃស្ថាប័នវប្បធម៌ទាំងអស់ដែលបានខិតខំប្រឹងប្រែងចូលរួមចំណែកយ៉ាងសកម្មនិងរស់រវើកក្នុងការអភិរក្សនិងអភិវឌ្ឍន៍សិល្ប:វប្បធម៌ខ្មែរយើងឲ្យបានស្ថិតស្ថិរគង់វង្សយូរអង្វែងនិងមានការរីកចម្រើនគួរជាទីមោទន:និងរក្សាបាននូវសុខដុមនីយកម្មលើវិស័យសិល្បៈវប្បធម៌ក្នុងសង្គមជាតិខ្មែរយើង ៕
ចែករំលែកព័តមាននេះ