នេះឬ…ភូមិឃុំមានសុវត្ថិភាពនោះ ?
- បាត់ដំបង
ខេត្តបាត់ដំបង ៖ សមត្ថកិច្ចបានរាយការណ៍ថា ជនមិនស្គាល់មុខបានកាច់សោកលួចយកម៉ូតូ១គ្រឿង កាលពីវេលាម៉ោង៦ និង៤០នាទីល្ងាច ថ្ងៃទី០៧ មីនា ដែលទុកនៅចំណុចផ្សាររាត្រី ស្ថិតក្នុងភូមិ២០…
ខេត្តបាត់ដំបង ៖ សមត្ថកិច្ចបានរាយការណ៍ថា ជនមិនស្គាល់មុខបានកាច់សោកលួចយកម៉ូតូ១គ្រឿង កាលពីវេលាម៉ោង៦ និង៤០នាទីល្ងាច ថ្ងៃទី០៧ មីនា ដែលទុកនៅចំណុចផ្សាររាត្រី ស្ថិតក្នុងភូមិ២០ ឧសភា សង្កាត់ស្វាយប៉ោ ក្រុងបាត់ដំបង។ សមត្ថកិច្ចបានឲ្យដឹងទៀតថា ម៉ូតូដែលត្រូវចោរកាច់សោលួចយកទៅនោះ ម៉ាកហុងដាឌ្រីម ស៊េរី ឆ្នាំ២០១៦ ពណ៌ខ្មៅ ពាក់ស្លាកលេខ បាត់ដំបង 2Y-3876 របស់ឈ្មោះ សួន លីហេង ភេទប្រុស អាយុ១៨ឆ្នាំ រស់នៅភូមិរំចេក៤ សង្កាត់រតនៈ ក្រុងបាត់ដំបង។
ជនរងគ្រោះបានទុកម៉ូតូនៅខាងមុខផ្សាររាត្រី ហើយដើរចូលក្នុងផ្សារ លុះបន្តិចក្រោយមកពេលដើរចេញមកវិញក៏បាត់ម៉ូតូបង្កឲ្យមានការភ្ញាក់ផ្អើលតែម្ដង។ សូមបញ្ជាក់ថា ក្នុងរយៈពេលជាង១សប្ដាហ៍កន្លងទៅនេះចោរកាច់សោកលួចម៉ូតូ និងអំពើប្លន់តាមដងផ្លូវបានកើតឡើង ៦ករណីហើយ ដែលកើតឡើងនៅក្នុងក្រុងបាត់ដំបង៥ករណី និងនៅស្រុកបាណន់១ករណី។ នេះមិនទាន់ គិតអំពើចោរកម្មដែលបានកើតឡើងនៅតាមបណ្ដាស្រុកនានានោះទេ។
ក្នុងចំណោមបទល្មើសទាំងនេះ មានតែអំពើកាប់ប្លន់នៅក្នុងក្រុងបាត់ដំបង តែ១ករណីគត់ដែលកម្លាំងការិយាល័យព្រហ្មទណ្ឌកម្រិតធ្ងន់ នៃស្នងការដ្ឋានខេត្តបង្ក្រាបបានជនដៃដល់ចំនួន៣នាក់ ក្រៅពីនេះសូន្យតែម្ដង។ បទល្មើសលួច ឆក់ និងប្លន់ ដែលកំពុងកើនឡើងស្ទើររាល់ថ្ងៃយប់ដោយគ្មានការថមថយនេះ កំពុងធ្វើឲ្យប្រជាពលរដ្ឋ ភ័យខ្លាចយ៉ាងខ្លាំងអំពីបញ្ហាសន្តិសុខទាំងការធ្វើដំណើរនៅតាមដងផ្លូវ ទាំងការស្នាក់នៅក្នុងក្នុងមូលដ្ឋាន ខណៈសមត្ថកិច្ចហាក់គ្រប់គ្រងសភាពការណ៍បទល្មើស ឬបង្ក្រាបជនល្មើសទាំងនេះមិនបាន៕
ចែករំលែកព័តមាននេះ