ខេត្តកោះកុង ៖ បន្ទាប់ពីការចុះផ្សាយរបស់កោះសន្តិភាព កាលពីថ្ងៃទី០៦ ខែមីនា ឆ្នាំ២០១៨ អំពីដំណើរជីវិតរបស់អ៊ំស្រីម្នាក់ឈ្មោះ ឃិន អ៊ីម អាយុ៦០ឆ្នាំ…
ខេត្តកោះកុង ៖ បន្ទាប់ពីការចុះផ្សាយរបស់កោះសន្តិភាព កាលពីថ្ងៃទី០៦ ខែមីនា ឆ្នាំ២០១៨ អំពីដំណើរជីវិតរបស់អ៊ំស្រីម្នាក់ឈ្មោះ ឃិន អ៊ីម អាយុ៦០ឆ្នាំ ជាជនពិការស្វិតជើងទាំង២ ដែលធ្លាក់ខ្លួនជាស្រី្តមេម៉ាយ តាំងពីឆ្នាំ១៩៩៤មកម្ល៉េះ និងរស់នៅយ៉ាងវេទនាចិញ្ចឹមកូនប្រុស២នាក់ រហូតដល់មានគ្រួសារ ហើយមានមុខរបរជាកម្មករសំណង់ រួចចិញ្ចឹមអ្នកមានគុណវិញ។
ដោយឃើញឆាកជីវិតអណ្តែតត្រសែតកម្សត់កម្ររបស់អ៊ំស្រីខាងលើ នៅរសៀលថ្ងៃទី០៦ ខែមីនានេះ ក៏មានសប្បុរសជនបានចូលរួមផ្តល់អំណោយជាអង្ករ និងថវិកាមួយចំនួនដល់អ៊ំស្រី ដែលសព្វថ្ងៃកំពុងរស់នៅក្នុងចំណុចភូមិ២ សង្កាត់ដងទង់ ក្រុងខេមរះភូមិន្ទ ខេត្តកោះកុង ។
ដែលម្ចាស់អំណោយរួមមាន ទី១ – លោក គង់ រឿង ប្រធានមន្ទីរសង្គមកិច្ចអតីតយុទ្ឋជន និងយុវនិតិសម្បទាខេត្ត បានឧបត្ថម្ភនូវអង្ករ៥០គីឡូក្រាម មុង១ ក្រមា១ ភួយ១ និងថវិកា៥ម៉ឺនរៀល ទី២- លោក ហាក់ ឡេង អភិបាលស្រុកមណ្ឌលសីមា បានឧបត្ថម្ភនូវថវិកាចំនួន២០ ម៉ឺនរៀល ទី៣- ខាងខណ្ឌរដ្ឋបាលជលផលខេត្តកោះកុង បានឧបត្ថម្ភអង្ករចំនួន៥០គីឡូក្រាមផងដែរ ។
តាមរយៈកោះសន្តិភាពនេះដែរ អ៊ំស្រី ខាងលើក៏សូមបួងសួង សូមឲ្យទេវតាឆ្នាំថ្មីតាមបីបាច់ថែរក្សាអស់លោកម្ចាស់អំណោយទាំងអស់ ឲ្យទទួលបានជោគជ័យ និងឈ្នះអស់មាសត្រូវទាំងពួង ៕
ចែករំលែកព័តមាននេះ