រាជធានីភ្នំពេញ ៖ ប្រធានគណៈកម្មាធិការសិទ្ធិមនុស្សកម្ពុជាលោកកែវ រ៉េមី បានថ្លែងនៅព្រឹកទី៧ ខែមីនាឆ្នាំ២០១៨ ថា ក្នុងជំនួបជាមួយលោកស្រី រ៉ូតណា ស្មីត…
រាជធានីភ្នំពេញ ៖ ប្រធានគណៈកម្មាធិការសិទ្ធិមនុស្សកម្ពុជាលោកកែវ រ៉េមី បានថ្លែងនៅព្រឹកទី៧ ខែមីនាឆ្នាំ២០១៨ ថា ក្នុងជំនួបជាមួយលោកស្រី រ៉ូតណា ស្មីត លោកបានជម្រាបពីបេសកកម្មរបស់គណៈកម្មាធិការសិទ្ធិមនុស្សកម្ពុជា បន្តលើកតម្កើងសិទ្ធិមនុស្ស ក្នុងការអប់រំផ្សព្វផ្សាយសិទ្ធិមនុស្ស ចុះស្រាវជ្រាវនៅតាមពន្ធនាគារទាក់ទងនឹងបញ្ហាសិទ្ធិមនុស្ស ។
ការលើកឡើងនេះ បានធ្វើឡើងក្រោយពីលោកបានជួបអ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សប្រចាំនៅកម្ពុជា នៅស្នាក់គណៈកម្មាធិការសិទ្ធិមនុស្ ស។ លោកកែវ រ៉េមី បានលើកឡើងថា លោកបានជម្រាបលោកស្រី រ៉ូតណា ស្មីត ពីការយកចិត្តទុកដាក់របស់ប្រមុខរដ្ឋាភិបាលសម្តេចតេជោ ហ៊ុន សែន ជាមួយអ្នកសារព័ត៌មានប្រចាំឆ្នាំ ដែលនេះ គឺជាការបង្ហាញពីសិទ្ធិទទួលបានព័ត៌មាន ។ លោកបានលើកឡើងពីការជួបរបស់សម្តេចតេជោ ជាមួយកម្មករ-កម្មការិនី បង្កើនការប្រកបការងារកាន់តែប្រសើរឡើង ។
លោកប្រធានគណៈកម្មាធិការសិទ្ធិមនុស្សកម្ពុជាបានលើកឡើងថា ប្រមុខរដ្ឋាភិបាលបានផ្តល់ប្រាក់សម្រាប់សម្រួលដល់កម្មការិនីដែលមានផ្ទៃពោះ និងសម្រាប់សម្រាលកូនក៏ដូចជា ការចេញមុនម៉ោង ការព្យាបាលមិនគិតថ្លៃ ការជិះរថយន្តក្រុងមិនគិតថ្លៃជាដើម ។ ក្នុងនោះកម្មករ-កម្មការិនីដែលបានធ្វើការងារចាប់ពី២៥ឆ្នាំឡើងទៅ នឹងទទួលបានប្រាក់ចូលនិវត្តន៍ផងដែរ ដែលនេះជាការវិវត្តន៍ផ្នែកសិទ្ធិមនុស្សនៅកម្ពុជា ។
លោកកែវ រ៉េមី បន្តថា លោកក៏បានជម្រាបជូនទៅភាគីម្ខាងទៀតថា ស្ថេរភាព និងសន្តិភាពជាមូលដ្ឋានគ្រឹះនៃសិទ្ធិមនុស្ស ព្រោះមនុស្សត្រូវទទួលបានសិទ្ ធិ។ លោកថា តាមប្រទេសអារ៉ាប់ដោយសារ តែបាត់បង់សន្តិភាពបានធ្វើឲ្យក្មេងគ្មានសាលារៀន ការសម្លាប់មនុស្ស ។ តាមបទពិសោធន៍ពីអារ៉ាប់ និងរបបខ្មែរក្រហមផង លោកថា រដ្ឋាភិបាលបានកំពុងដឹកនាំដើរលើផ្លូវដ៏ត្រឹមត្រូវ ។
លោកកែវ រ៉េមី បានលើកឡើងថា ៖ នៅពេលណាសិទ្ធិមនុស្សត្រូវបានគេយកធ្វើជាខ្នងបង្អែកក្នុវរឿងផ្សេង ពេលនោះសិទ្ធិមនុស្សមិនល្អទេ ។ ដោយគេយកសិទ្ធិមនុស្សជាលេសធ្វើឲ្យសង្គមមួយច្របូកច្របល់ ហើយ នៅក្នុងពន្ធនាគារវិញ ត្រូវមើលថា អ្នកទោសបុរសស្រី្ តនិងកុមារមិនត្រូវបានគេរំលោភសិទ្ធិនោះទេ និងត្រូវបានឃុំនៅផ្សេងៗពីគ្នា ។ លោកបានលើកឡើងថា លោកស្រីរ៉ូតណា ស្មីតហាក់ដូចជា មើលមកលើរដ្ឋាភិបាលក្នុងផ្លូវខុស ហើយនៅពេលរដ្ឋាភិបាលធ្វើនេះត្រូវ លោកស្រីអាចឈប់ធ្វើការងារផ្នែកការពារសិទ្ធិមនុស្សទៀតហើយ ។ តែការជជែកគ្នាមិនមានការស្របនៅឡើយទេ ។
ទោះបីយ៉ាងណាលោកស្រី នឹងដាក់របាយការណ៍របស់លោកស្រីដាក់ជូនក្រុមប្រឹក្សាសន្តិសុខអង្គការសហប្រជាជាតិនៅខែកញ្ញាខាងមុខ ។ លោកថា របាយការណ៍របស់លោកស្រីមិនមានភាពវិជ្ជមានពីរដ្ឋាភិបាលទាំងស្រុងនោះទេ តែលោកស្រីមាន លក្ខណៈល្អជាងអ្នករាយការណ៍សិទ្ធិមនុស្សមុនៗ ហើយលោកអាចទទួលយកបាន ។
លោកស្រីរ៉ូតណា ស្មីតបានឆ្លើយតបថា សន្តិភាព ស្ថេរភាពដែលលើកឡើងដោយលោកកែវ រ៉េមី លោកស្រីយល់ស្រប តែលោកស្រីថា ៖ «សន្តិភាព ស្ថេរភាព ត្រូវដើរឲ្យស្របនឹងសិទ្ធិមនុស្ស ។ នៅពេលណាសន្តិភាពស្ថេរភាព ដើរមិនស្របនឹងសិទ្ធិមនុស្សនាំឲ្យមានបញ្ហា» ។ លោកស្រីបានលើកឡើងថា ៖ សង្គមមួយត្រូវតែមានការផ្លាស់ប្តូរ ហើយនៅប្រទេសគាត់ម្តងគណបក្សសកាន់អំណាច ម្តងគណបក្សខ្មៅកាន់អំណាចនៅពេលគណបក្សនោះឈ្នះ ។ តែលោកកែវ រ៉េមីបានឆ្លើយតបភ្លាមៗថា ការឈ្នះ ដោយការបោះឆ្នោតលោកគាំទ្រ «លើកលែងការឈ្នះដោយផ្តួលរំលំរដ្ឋាភិបាលស្របច្បាប់ ដោយមិនយកប្រព័ន្ធប្រជាធិបតេយ្យ មកអនុវត្តនោះជារឿងមិនត្រឹមត្រូវ» ។
លោកស្រីបានលើកឡើងថាទោះបី ជាជជែកគ្នាយូរយ៉ាងណាក៏មិនចប់ដែរ តែលោកស្រីសប្បាយចិត្តដែលបានជួបពិភាក្សាការងារជាមួយគណៈកម្មាធិការសិទ្ធិមនុស្សកម្ពុជា ។ លោកស្រីបានលើកឡើងថា កម្ពុជាមានការគ្រប់គ្រងដោយច្បាប់មិនមែនគ្រប់គ្រងដោយនីតិរដ្ឋទេ ។ លោកស្រីបានលើកឡើងពីការធ្វើសោធនកម្មច្បាប់រដ្ឋធម្មនុញ្ញ និងច្បាប់ព្រហ្មទណ្ឌនាពេលថ្មីៗនេះ ។ លោកស្រីបានលើកឡើងថា ការធ្វើវិសោនកម្មនេះជាផ្នែកមួយនៃការគំរាមកំហែងសិទ្ធិមនុស្ស៕
ចែករំលែកព័តមាននេះ