ខេត្តត្បូងឃ្មុំ ៖ ទីតាំងក្លឹបកម្សាន្តរស្មីផ្កាយពេជ្រ ស្ថិតនៅភូមិអណ្តូងជ័យ ឃុំក្រែក ស្រុកពញាក្រែក
ត្រូវបានអគ្គិភ័យឆាបឆេះ បង្កឲ្យមានការភ្ញាក់ផ្អើលនាវេលាម៉ោង៣រសៀលថ្ងៃទី០៦ ខែមីនា ឆ្នាំ២០១៨ ហើយត្រូវបានរថយន្តពន្លត់អគ្គិភ័យ និងរថយន្តដឹកទឹកចំនួន១០គ្រឿង ចេញអន្តរាគមន៍បាញ់ទឹកពន្លត់ ។
លោកវរសេនីយ៍ឯក ស៊ុយ ប៊ុនហ៊ាន ស្នងការរងនគរបាលខេត្តទទួលផែនអាវុធគ្រឿងផ្ទុះ និងអគ្គិភ័យ
ប្រាប់ឲ្យដឹងថា ក្នុងពេលដែលបានឆេះក្លឹបខាងលើនេះ ត្រូវបានលោកឧត្តមសេនីយ៍ទោ បែន រ័ត្ន
ស្នងការនគរបាលខេត្តបានបញ្ជារឲ្យរថយន្តពន្លត់អគ្គិភ័យចំនួន៥គ្រឿង ទាំងនៅអធិការដ្ឋាននគរបា
លស្រុកពញាក្រែក និងប្រចាំការ២៤ម៉ោងលើ២៤ម៉ោង នៅស្នងការដ្ឋាននគរបាលខេត្ត ចេញមកជួយ
អន្តរាគមន៍បាញ់ទឹកពន្លត់ភ្លើង ដែលកំពុងតែឆាបឆេះចេញពីក្នុងក្លឹបនោះ ។
លោកស្នងការរងនគរបាលខេត្តទទួលផែនអាវុធគ្រឿងផ្ទុះ និងអគ្គិភ័យប្រាប់បន្តថា ដោយសារតែមានក្តីបារម្ភខ្លាចទប់ទល់ភ្លើងមិនបាននោះក៏ត្រូវសុំអន្តរាគមន៍ មានរថយន្តដឹកទឹកចំនួន៥គ្រឿង របស់ក្រុម
ហ៊ុនចំការកៅស៊ូបានចេញមកជួយយ៉ាងសស្រាក់សស្រាំ ។
នៅពីខាងមុខមានផ្សេងហុយខ្មួលខ្មាញ់មិនអាចឲ្យកងកម្លាំងសមត្ថកិច្ច ចូលទៅបាញ់ទឹកកើតនោះទេ ហើយក៏ខ្លាចភ្លើងកាន់តែឆេះរាលដាលបន្ថែមទៀតនោះ ទើបបានបង្ខំចិត្តដោយមានការយល់ព្រម ពីម្ចាស់ក្លឹបដែលបានទុកចោលនេះជាអធិការនគរបាលស្រុកពញាក្រែក ក៏បាននាំគ្នាប្រើញញួរវាយទន្លុះជញ្ជាំងបេតុង ដោយល្មមនឹងដាក់ទុយយោរទឹកបាញ់ទឹកចូលទៅខាងក្នុង ដែលធ្វើឲ្យភ្លើងឆាបឆេះនោះ រលត់ទៅវិញបន្តិចម្តងៗដោយបានប្រើពេលដល់ទៅ២ម៉ោង ក្នុងការជួយបាញ់ទឹក ទើបធ្វើឲ្យភ្លើងរលត់ជាស្ថាពរ នៅវេលាម៉ោង៥ល្ងាច ដែលបានប្រើប្រាស់ទឹកអស់ដល់ទៅ២០រថយន្តផងដែរ ។
លោកវរសេនីយ៍ឯក ស៊ុយ ប៊ុនហ៊ាន ស្នងការរងនគរបាលខេត្ត ចំពោះមូលហេតុដែលបណ្តាលឲ្យមាន
គ្រោះអគ្គិភ័យឆេះក្លឹបដែលទុកចោលរបស់លោកអធិការនគរបាលស្រុកពញាក្រែកនេះ ដោយសារតែ
ទុស្សេខ្សែភ្លើងរាលដាល ទៅដល់ជ័របិទនៅលើជញ្ជាំងបេតុង សម្រាប់កុំឲ្យឮសូរសម្លេងចេញមកខាង
ក្រៅ ទើបបណ្តាលឲ្យឆេះខ្មួលខ្មាញ់ ។
ទោះជាបែបណាក្តីក៏ក្រោមបញ្ជារ របស់លោកស្នងការនគរបាលខេត្តបានឲ្យរថយន្តចេញមកអន្តរាគមន៍បាញ់ទឹកពន្លត់ទាន់ពេលវេលា និងរលត់ទាំងស្រុង៕
ចែករំលែកព័តមាននេះ