កេនយ៉ា ៖ តាមប្រភពព័ត៌មាន Viral4real បានឲ្យដឹងថា ក្រុមគ្រូពេទ្យវះកាត់នៅមន្ទីរពេទ្យជាតិកេនយ៉ា កំពុងតែត្រូវប្រជាជនតម្រង់កាណុងបាញ់ជាពាក្យសម្តី និងថ្កោលទោសជាខ្លាំងទៅលើកំហុសវះកាត់ខួរក្បាលច្រលំអ្នកជំងឺ។ យោងតាមការរាយការណ៍បានឲ្យដឹងថា កាលពីចុងសប្តាហ៍នេះ…
កេនយ៉ា ៖ តាមប្រភពព័ត៌មាន Viral4real បានឲ្យដឹងថា ក្រុមគ្រូពេទ្យវះកាត់នៅមន្ទីរពេទ្យជាតិកេនយ៉ា កំពុងតែត្រូវប្រជាជនតម្រង់កាណុងបាញ់ជាពាក្យសម្តី និងថ្កោលទោសជាខ្លាំងទៅលើកំហុសវះកាត់ខួរក្បាលច្រលំអ្នកជំងឺ។
យោងតាមការរាយការណ៍បានឲ្យដឹងថា កាលពីចុងសប្តាហ៍នេះ ក្រុមវេជ្ជបណ្ឌិតវះកាត់នៅមន្ទីរពេទ្យជាតិកេនយ៉ា បានធ្វើការវះកាត់ខួរក្បាលមួយករណី ដើម្បីយកដុំឈាមកកចេញ។ ពួកគេបានធ្វើការវះកាត់អស់ពេលមួយម៉ោង ទើបភ្ញាក់ខ្លួនថានេះមិនមែនជាអ្នកជំងឺ ដែលត្រូវយកមកវះទេ ព្រោះរកមិនឃើញដុំឈាមអ្វីឡើយ។ អ្វីដែលកាន់តែធ្ងន់កទៀតនោះ គឺអ្នកជំងឺដែលត្រូវវះមែនទែន បែរទៅជាកំពុងតែដេកសម្រាកព្យាបាលទៅវិញ។ អ្នកដែលត្រូវគ្រូពេទ្យវះ គឺគ្រាន់តែមកពេទ្យដើម្បីដេកសម្រាកព្យាបាល ដើម្បីឲ្យគិលានុបដ្ឋយិកាមើលថែតែប៉ុណ្ណោះ។
ក្រោយពីរឿងនេះបានកើតឡើងភ្លាម ខាងមន្ទីរពេទ្យបានចេញមុខសុំទោសជាសាធារណៈ ហើយអះអាងថា នឹងធ្វើឲ្យអ្នកជំងឺទាំងពីរខាងលើមានសុវត្ថិភាព។ មន្ទីរពេទ្យក៏បានព្យួរជើងគ្រូពេទ្យធំនៅក្នុងការវះកាត់នោះផងដែរ។
គួរបញ្ជាក់ផងដែរថា ទោះបីជាគ្រប់គ្នាចោទប្រកាន់ទៅលើគ្រូពេទ្យក្តី ក៏ក្រុមគ្រូពេទ្យជាច្រើននាក់ ប្រកែកថា នេះមកពីកំហុសរបស់គិលានុបដ្ឋយិកាដែលសរសេរស្លាកសម្គាល់អ្នកជំងឺខុស។ បើគ្មានការសរសេរខុសនេះទេ ក៏គ្រូពេទ្យមិនយកមកវះខុសដែរ។ តើនរណាខុសធ្ងន់ជាង?
ចែករំលែកព័តមាននេះ