តាមប្រភពព័ត៌មាន ESPN បានឲ្យដឹងថា គ្រូបង្វឹកលោក Unai Emery បានប្រាប់ថា កីឡាករទាំងអស់នៅក្នុងក្រុមរបស់លោកបានត្រៀមរួចរាល់ក្នុងការប្រយុទ្ធជាមួយនឹងក្លិបអធិរាជស Real Madrid រួចអស់ហើយអត់តែ Neymar ម្នាក់ប៉ុណ្ណោះ ។
គ្រូបង្វឹក PSG បានថ្លែងកាលពីថ្ងៃចន្ទថា «ពួកយើងបានហ្វឹកហាត់កាលពីថ្ងៃអាទិត្យ ហើយពួកយើងនៅសល់ការហ្វឹកហាត់ម្តងទៀតមុនពេលប្រកួត ។ ទាំង Marquinhos, Marco, Kylian និង Edinson សុទ្ធតែចូលមកតារាងអស់ហើយលើកលែងតែ Neymar» ។
នៅពេលនេះជើងទាត់របស់ PSG មាន២១នាក់ដូចនេះហើយយើងអាចទាយដឹងមុនថា គេនឹងមិនដាក់ទាត់ទាំងអស់នោះទេ ។ តែឥលូវនៅមិនទាន់មានការប្រកាសជាផ្លូវការថាយកអ្នកណា ហើយទុកអ្នកណានោះទេ ។
គួរបញ្ជាក់ផងដែរថា Neymar ពេលនេះបានវះកាត់រួចរាល់ហើយតែគេត្រូវរងចាំយ៉ាងតិច៣ខែ ដើម្បីអាចជាដូចដើម ។ គេអាចនឹងចូលទាត់វិញនៅមុនពេល World Cup មួយសប្តាហ៍ ៕
ចែករំលែកព័តមាននេះ