រាជធានីភ្នំពេញ ៖ ក្រោយជួបរឿងរ៉ាវជីវិតរងទារុណកម្មទាំងផ្លូវកាយ និងផ្លូវចិត្តពីបុរសម្នាក់មក អាលីយ៉ា បានប្រឹងប្រែងងើបឈរតស៊ូក្នុងជិវិត ដោយខិតខំពង្រឹងមុខរបរសមល្មមមួយសម្រាប់ជិវិត ប៉ុន្តែ ថ្មីៗកន្លងមកនាងនៅតែទទួលរងការប្រមាថ មាក់ងាយពីបុរសជនបរទេសម្នាក់រហូតមានការជេរប្រមាថនិងគំរាមប្រើហិង្សា…
រាជធានីភ្នំពេញ ៖ ក្រោយជួបរឿងរ៉ាវជីវិតរងទារុណកម្មទាំងផ្លូវកាយ និងផ្លូវចិត្តពីបុរសម្នាក់មក អាលីយ៉ា បានប្រឹងប្រែងងើបឈរតស៊ូក្នុងជិវិត ដោយខិតខំពង្រឹងមុខរបរសមល្មមមួយសម្រាប់ជិវិត ប៉ុន្តែ ថ្មីៗកន្លងមកនាងនៅតែទទួលរងការប្រមាថ មាក់ងាយពីបុរសជនបរទេសម្នាក់រហូតមានការជេរប្រមាថនិងគំរាមប្រើហិង្សា ។ នាងគួរតែទទួលបានការគាំពារយកចិត្តទុកដាក់ និងលើកទឹកចិត្តពីមន្ត្រីមានសមត្ថកិច្ចដើម្បីទទួលបានយុត្តិធម៌ ។
ក្នុងគ្រាដែលអាលីយ៉ា ប្រឡូកក្នុងអាជីពសិល្បៈកាលពីប៉ុន្មានឆ្នាំមុន នាងធ្លាប់បានបង្កើតព្រឹត្តិការណ៍សិល្បៈ និងស្នាដៃ ធំៗជាច្រើន ។ ពិសេសនាងធ្លាប់រៀបចំឲ្យមានកម្មវិធីមហោស្រពសិល្បៈដែលជួយជ្រោមជ្រែងជីវិតសិល្បករចាស់ជរា និងជួយដល់ក្មេងកំព្រាជាដើម ។ នាងក៏ធ្លាប់ចូលរួមស្ម័គ្រចិត្តក្នុងការងារសង្គមជាហូរហែ ដែលចុងក្រោយគេឃើញ នាងបានចូលរួមក្នុងការងារសិល្បៈស្ម័គ្រចិត្តនាព្រឹត្តិការណ៍អង្គរសង្ក្រាន្តដែលរៀបចំដោយសហភាពសហព័ន្ធយុវជនកម្ពុជា នាខេត្តសៀមរាប ដោយទទួលបានប័ណ្ណសរសើរ លិខិតថ្លែងអំណរគុណពីស្ថាប័នខាងលើផងដែរ ។
បច្ចុប្បន្នអាលីយ៉ាកំពុងប្រឈមនឹងការលំបាកមួយក្នុងជីវិតគ្រាដែលបុរសជនជាតិបារាំងម្នាក់ដែលមានភរិយាជាជនជាតិខ្មែរបានជេរប្រមាថដោយពាក្យមិនសមរម្យ គំរាមប្រើហិង្សា និងរំលោភលើកិច្ចសន្យា បណ្តេញនាងចេញពីហាងលក់ដូររបស់នាង ។ អាលីយ៉ាបញ្ជាក់ថាពេលនេះនាងបាត់បង់គ្រប់យ៉ាង ពិសេសគឺហាង សម្ភារមួយចំនួនដែលនៅក្នុងហាង ។ នាងថាបុរសជនជាតិអាល្លឺម៉ង់ម្នាក់ដែលមានភរិយាជាជនជាតិខ្មែរនោះមិនត្រឹមតែរំលោភកិច្ចសន្យាលើការជួលហាងទេ ថែមទាំងជេរប្រមាថដោយពាក្យសម្តី ធ្ងន់ៗដែលស្ត្រីទូទៅមិនអាចទទួលយកបាន ។ នាងថានាងចង់បានត្រឹមយុត្តិធម៌ ដូចនេះច្បាប់ត្រូវតែការពារនាង ពិសេសនាងត្រូវការការលើកទឹកចិត្តមួយដើម្បីបន្តដំណើរជីវិតទៅមុខទៀត ។
អាលីយ៉ា ថាពេលនេះនាងកំពុងធ្លាក់ខ្លួនឈឺព្រោះតែការបាក់ទឹកចិត្ត និងមិនមានជម្រកសមរម្យជាដើម ។
តារាស្រីធ្លាប់ល្បីឈ្មោះ និងហ៊ឺហាខ្លាំងអាលីយ៉ា លើកឡើងថានាងសម្រេចចិត្តថានឹងប្តឹងទៅកាន់មន្ត្រីប៉ូលិសព្រហ្មទណ្ឌពីបុរសបរទេសម្នាក់នោះដើម្បីរកយុត្តិធម៌មួយ ប៉ុន្តែនាងស្នើឲ្យមន្ត្រីគ្រប់ជាន់ថ្នាក់ជួយដល់នាងគ្រាដែលនាងមានត្រឹមតែសម្បកខ្លួន ។
ជាមួយគ្នានេះនាងក៏ថ្លែងអំណរគុណសម្រាប់ការលើកទឹកចិត្តពីមន្ត្រីថ្នាក់មូលដ្ឋានមួយចំនួនដែលបានដុតដៃដុតជើងជួយនាងគ្រាដែលនាងជួបការលំបាក ភ្លាមៗ ហើយនាងរំពឹងថានាងនឹងទទួលបានការគាំពារ លើកទឹកចិត្តបន្តនៅគ្រាដែលនាងចាំបាច់ត្រូវតែបានយុត្តិធម៌ពីបុរសជនបរទេសដែលមើលងាយជេប្រមាថមកលើនាងជាស្ត្រីខ្មែរនោះ។
កាលពីថ្ងៃទី២១ ខែកុម្ភៈ ២០១៨ អាលីយ៉ាត្រូវបានបុរសជនបរទេសដែលជួលហាងលក់ដូរផឹកស៊ីឲ្យនាងបន្តបានប្រើប្រាស់ពាក្យសម្តីដោយបុរសជនជាតិបារាំងម្នាក់បានប្រើប្រាស់សម្តីមាក់ងាយ ជេរប្រមាថ និងចង់ប្រើហិង្សាមកលើនាងជាស្ត្រី ៕
ចែករំលែកព័តមាននេះ