រាជធានីភ្នំពេញ ៖ គោក្របីដើរឆ្លងផ្លូវចំនួន៥ក្បាលត្រូវរថយន្តហាយឡែនឌ័រមួយគ្រឿងបើកលឿនចាប់ហ្វ្រាំង មិនទាន់ជ្រុលទៅបុកងាប់មួយក្បាល និងរបួសធ្ងន់មួយក្បាល ចំណែករថយន្តខ្ទេចមួយកំណាត់មុខ ហេតុការណ៍នេះបានកើតឡើងកាលពីវេលាម៉ោង១១និង៣០នាទីយប់ ថ្ងៃទី៥ ខែមីនា ឆ្នាំ២០១៨ តាមបណ្តោយផ្លូវជាតិលេខ៦ នៅចំណុចប្រមាណជា១០០ម៉ែត្រ ពីរង្វង់មូលជ្រោយចង្វារព្រហ្មមុខបួន ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ ។
សាក្សីដែលឃើញហេតុការណ៍បានឱ្យដឹងថា មុនពេលកើតហេតុគេបានឃើញរថយន្តមួយគ្រឿងម៉ាកហាយឡេនឌ័រ ពណ៌ក្រហម ពាក់ផ្លាកលេខ ភ្នំពេញ ២AM-៩៨៤៣ ជិះគ្នា២នាក់ប្រុសស្រីបើកបរមកតាមបណ្តោយផ្លូវជាតិលេខ៦ ក្នុងទិសដៅពីជើងទៅត្បូងក្នុងល្បឿនយ៉ាងលឿន ខណៈមកដល់ចំណុចកើតហេតុមានសត្វក្របី៥ក្បាលដើរតាមផ្លូវជាតិគ្មានសណ្តាប់ធ្នាប់ហើយដើរឆ្លងផ្លូវធ្វើឲ្យរថយន្តចាប់ហ្វ្រាំងមិនទាន់ក៏ជ្រុលទៅបុកក្របី២ក្បាលបណ្តាលឲ្យក្របីមួយក្បាលងាប់ និងមួយក្បាលទៀតរងរបួសធ្ងន់ ។
ចំណែកឯ៣ក្បាលទៀតរត់គេចអស់ រីឯរថយន្តខ្ទេចមួយកំណាត់ខាងមុខទៅមុខលែងរួចសំណាងល្អហើយដែលមិនរេចង្កូតទៅបុកអ្នកជិះម៉ូតូធ្វើដំណើរតាមផ្លូវនោះ ។ ក្រោយពេលកើតហេតុមិនឃើញមានម្ចាស់ក្របីចេញមុខមកដោះស្រាយនោះទេហើយរថយន្តហាយឡេនឌ័រហៅរថយន្តស្ទូចយកទៅជួសជុសដោយខ្លួនឯង ៕
ចែករំលែកព័តមាននេះ