កោះកុង ៖ ស្ត្រីពិការជើងទាំង២( ខ្វិន) ម្នាក់ត្រូវបានធ្លាក់ខ្លួនក្លាយជាស្ត្រីមេម៉ាយតាំងពីឆ្នាំ១៩៩៤ ខណៈពេលដែលប្តីរបស់គាត់បានស្លាប់ដោយសាជំងឺ ហើយបន្សល់ទុកនូវកូនប្រុស២នាក់ តូចៗឲ្យគាត់មើលថែ និងចិញ្ចឹមបីបាច់រហូតមក ។…
កោះកុង ៖ ស្ត្រីពិការជើងទាំង២( ខ្វិន) ម្នាក់ត្រូវបានធ្លាក់ខ្លួនក្លាយជាស្ត្រីមេម៉ាយតាំងពីឆ្នាំ១៩៩៤ ខណៈពេលដែលប្តីរបស់គាត់បានស្លាប់ដោយសាជំងឺ ហើយបន្សល់ទុកនូវកូនប្រុស២នាក់ តូចៗឲ្យគាត់មើលថែ និងចិញ្ចឹមបីបាច់រហូតមក ។
តាមការរៀបរាប់ដោយត្រួសៗរបស់អ៊ំស្រីបានឲ្យដឹងថា អ៊ំស្រីមានឈ្មោះ ឃិន អ៊ីម អាយុ៦០ឆ្នាំ និងប្តីរបស់គាត់ឈ្មោះ ឡុង ត្រេន បានស្លាប់ក្នុងឆ្នាំ១៩៩៤ ។ អ៊ំស្រីបានចាប់ដៃគ្នាជាប្តីប្រពន្ធនៅក្នុងឆ្នាំ១៩៨០ មានកូនប្រុស២នាក់ កូនច្បងកើតនៅឆ្នាំ១៩៨៣ និងកូនទី២កើតនៅឆ្នាំ១៩៩២ មានទីលំនៅក្នុងភូមិព្រៃគុយ ឃុំស្តេចគង់ ស្រុកបន្ទាយមាស ខេត្តកំពត ។
គ្រួសាររបស់គាត់មានមុខរបរជាក្រុមសិល្បតន្ត្រីបុរាណ ដោយប្តីរបស់គាត់ជាអ្នកលេងភ្លេង ចំណែករូបគាត់ជាអ្នកចម្រៀង និងជាឆ្មបបុរាណម្នាក់ក្នុងភូមិ ។ អ៊ំស្រីបានបន្តថា ពួកគាត់បានប្រកបមុខរបរនេះ ដើម្បីចិញ្ចឹមរហូតមក ។ នៅឆ្នាំ១៩៩៣ ប្តីប្រពន្ធរបស់គាត់ បានទៅបោះឆ្នោតជូនគណបក្សប្រជាជន តែដល់ឆ្នាំ១៩៩៤ ប្តីក៏បានឈឺស្លាប់ ចោលគាត់ ពេលនោះវង់តន្ត្រីបុរាណក៏លែងត្រូការរូបគាត់ទៀត ធ្វើឲ្យរូបគាត់ជួបការលំបាកយ៉ាងខ្លាំង ដោយសារតែកាយសម្បទារបស់ខ្លួនពិការ និងកូននៅតូចៗ ព្រមជាមួយគ្នានោះ រដ្ឋអំណាចគ្រប់ជាន់ថ្នាក់ក៏បោះបង់រូបគាត់ទៀត រូបគាត់ត្រូវខំប្រឹងត្រដរស់ចិញ្ចឹមកូន ដោយប្រវាស់ស្រែដែលមានទំហំមួយស្លឹក ជាមួយអ្នកភូមិក្បែរខាងគ្នា ។
ពួកគាត់៣នាក់ម្តាយ និងកូនបានរស់ក្នុងស្ថានភាពវេទនាដោយប្រវាស់ស្រែជាមួយអ្នកភូមិរហូតដល់ឆ្នាំ១៩៩៩-២០០០ ក៏ត្រូវបានទឹកជំនន់លិចជាប់គ្នា២ឆ្នាំ ស្រែស្រូវ ប្រវាស់ក៏ត្រូវលិចរលួយអស់ ពេលនោះពួកគាត់ទាំង៣នាក់កាន់តែវេទនា រដ្ឋាភិបាលក៏បានប្រកាសឲ្យពលរដ្ឋដែលទទួលរងទឹកជំនន់ ស្វែងរកទីទួលសុវត្ថិភាព ពួកគាត់ទាំង៣នាក់ម៉ែកូនក៏បានជន្លៀសខ្លួនមកនៅតំបន់ភ្នំវល្ល៍ ដោយយកដីស្រែដូរអង្កហូប បណ្តោះអាសន្ន និងចាប់យកមុខរបរកាប់អុសលក់រហូតដល់ឆ្នាំ២០១០ ។
ដោយពលរដ្ឋរស់នៅច្រើនធ្វើឲ្យតំបន់ភ្នំវល្ល៍ទាំងមូលរងការរិចរិលដោយកាប់បំផ្លាញ នៅចុងឆ្នាំ២០១០ខាងមន្ត្រីបរិស្ថានបានចុះទៅហាមឃាត់ ពួកគាត់ក៏ត្រូវបង្ខំចិត្តភៀសខ្លួនមករស់នៅក្នុងខេត្តកោះកុងវិញម្តង ។ ដោយកូនប្រុសទាំង២ ដើរធ្វើជាកម្មករសំណង់រហូតដល់សព្វថ្ងៃ ។
អ៊ំស្រីបានរៀបរាប់ទៀតថា សព្វថ្ងៃកូនប្រុសទាំង២របស់គាត់ មានគ្រួសារអស់ហើយ តែរូបគាត់ត្រូវបានកូនទី២ យកមករស់នៅជាមួយ និងទទួលបន្ទុកមើលចៅម្នាក់ ព្រោះកូនប្រុស និងកូនប្រសាទៅធ្វើជាកម្មករសំណង់រាល់ថ្ងៃព្រឹកបាត់យប់បានមកដល់ និងបានជួលដីគេសង់ផ្ទះរស់នៅក្នុងភូមិ២ សង្កាត់ដងទង់ ក្រុងខេមរៈភូមិន្ទ ៕
ចែករំលែកព័តមាននេះ