ប្រទេសអ៊ីស្រាអែល ៖ យោងតាមប៉ូលិសថា អតីតទីប្រឹក្សាម្នាក់របស់នាយករដ្ឋមន្ត្រីអ៊ីស្រាអែល និងពាណិជ្ជករម្នាក់កាលពីថ្ងៃទី៤ មីនា ត្រូវជាប់ឃុំឃាំងក្នុងផ្ទះ ក្រោយរយៈពេល១៤ថ្ងៃនៃការជាប់ឃុំទាក់ទិនរឿងក្លែងបន្លំមួយសង្ស័យលោកបេនចាមីន នេតាន់យ៉ាហ៊ូ ចូលឡូកឡំដែរ…
ប្រទេសអ៊ីស្រាអែល ៖ យោងតាមប៉ូលិសថា អតីតទីប្រឹក្សាម្នាក់របស់នាយករដ្ឋមន្ត្រីអ៊ីស្រាអែល និងពាណិជ្ជករម្នាក់កាលពីថ្ងៃទី៤ មីនា ត្រូវជាប់ឃុំឃាំងក្នុងផ្ទះ ក្រោយរយៈពេល១៤ថ្ងៃនៃការជាប់ឃុំទាក់ទិនរឿងក្លែងបន្លំមួយសង្ស័យលោកបេនចាមីន នេតាន់យ៉ាហ៊ូ ចូលឡូកឡំដែរ ។
តុលាការក្រុងតែលអាវីវមួយបានដោះលែងលោក NIR HEFETZ អតីតទីប្រឹក្សារបស់គ្រួសារលោកនេតាន់យ៉ាហ៊ូ និងលោក SHOUL ELOVITCH ពាណិជ្ជករម្នាក់ដែលកាន់កាប់ក្រុមហ៊ុនទូរស័ព្ទ BEZEQ ក្រោយការសួរចម្លើយបុរសទាំង២នាក់នេះ លោកនេតាន់យ៉ាហ៊ូ ភរិយាលោកគឺលោកស្រីសារ៉ា ព្រមទាំងជនសង្ស័យឯទៀតៗមក ។
តាមសារព័ត៌មានថា ប៉ូលិសស្រាវជ្រាវរកថាតើប្តីប្រពន្ធលោកនេតាន់ យ៉ាហ៊ូ ស្វែងរកផលប្រយោជន៍ពីក្រុមហ៊ុន WALLA ជាក្រុមហ៊ុនព័ត៌មានរបស់លោក ELOVITCH ជាថ្នូរនឹងការជួយសម្រួលរបស់រដ្ឋាភិបាលដែលអាចឱ្យក្រុមហ៊ុន BEZEQ ចំណេញប្រាក់ច្រើនរយលានដុល្លារដែរ ឬយ៉ាងណា ។ លោក HEFETZ សង្ស័យធ្វើជាអ្នករត់ការរវាងលោកនេតាន់ យ៉ាហ៊ូ និងបណ្តាអ្នកទទួលខុសត្រូវក្រុមហ៊ុន BEZEQ និងក្រុមហ៊ុន WALLA ។ លោកក៏ជាប់សង្ស័យដែរថា ប៉ុនប៉ងសូកប៉ាន់ចៅក្រុមចូលនិវត្តន៍ម្នាក់ឱ្យជួយបិទការស៊ើបអង្កេតមួយលើលោកស្រីសារ៉ានេតាន់យ៉ាហ៊ូ ទាក់ទិនរឿងរំលោភប្រើប្រាស់បណ្តាមូលនិធិសាធារណៈ ៕
ចែករំលែកព័តមាននេះ