រាជធានីភ្នំពេញ ៖ តារាចម្រៀង និងអ្នកនិពន្ធបទភ្លេងវ័យក្មេងក្នុងផលិតកម្មភ្លេងរីខតដែលជាចង្កោមហង្សមាសតែមួយលោកម៉ានិត បានសម្រេចដើរចេញពីផលិតនេះហើយ ក្រោយពីបានបញ្ចប់កិច្ចសន្យា ។ ការសម្រេចដើរចេញពីហង្សមាសរបស់តារាចម្រៀងរូបនេះ បន្ទាប់ពីមួយរយៈចុងក្រោយនេះលោកហាក់មិនមានចេញបទ ថ្មីៗបន្តទៀតឡើយ…
រាជធានីភ្នំពេញ ៖ តារាចម្រៀង និងអ្នកនិពន្ធបទភ្លេងវ័យក្មេងក្នុងផលិតកម្មភ្លេងរីខតដែលជាចង្កោមហង្សមាសតែមួយលោកម៉ានិត បានសម្រេចដើរចេញពីផលិតនេះហើយ ក្រោយពីបានបញ្ចប់កិច្ចសន្យា ។
ការសម្រេចដើរចេញពីហង្សមាសរបស់តារាចម្រៀងរូបនេះ បន្ទាប់ពីមួយរយៈចុងក្រោយនេះលោកហាក់មិនមានចេញបទ ថ្មីៗបន្តទៀតឡើយ ខណៈពេលហង្សមាសក៏បាននាំចូលតារាថ្មីបន្ថែមទៀត ។
ម៉ា និត បានប្រកាសដើរចេញ និងមិនបញ្ជាក់ពីការទៅកាន់ផលិតកម្មថ្មីណាមួយនៅឡើយទេ ប៉ុន្តែគេសង្កេតឃើញតារាចម្រៀងរូបនេះបានងាកមករកការនិពន្ធសៀវភៅប្រលោមលោកវិញ ។
តាមរយៈសារដែលដែលបានបង្ហោះម៉ា និត ឱ្យដឹងថា «ថ្ងៃនេះជាថ្ងៃចុងក្រោយរបស់ខ្ញុំនៃការបម្រើការងារនៅក្រុមហ៊ុនហង្សមាស ។
ខ្ញុំបាទសូមប្រកាសជាផ្លូវការថា ខ្ញុំបាទម៉ានិត នឹងមិនបន្តបម្រើការងារក្នុងក្រុមហ៊ុនហង្សមាសទៀតឡើយ បន្ទាប់ពីកិច្ចសន្យាបម្រើការងាររយៈពេលប្រាំឆ្នាំ បានចប់ជាស្ថាពរ ។ ខ្ញុំពិតជាគិតដល់កន្លែងការងារដែលខ្ញុំធ្វើ មិត្តរួមការងារ និងពេលវេលា ល្អៗកន្លងមក។ រយៈពេលប្រាំឆ្នាំកន្លងមកនេះ មានមនុស្សជាច្រើនបាននិយាយពីចំណុចអវិជ្ជមាននៃការដែលខ្ញុំចូលធ្វើជាតារាចម្រៀងនៅផលិតកម្មមួយនេះ គេនិយាយថា ធ្វើបែបនេះទើបត្រូវ ធ្វើបែបនោះខុសហើយ ខ្ញុំមិនគួរបែបនេះ ខ្ញុំមិនគួរបែបនោះ តែជាក់ស្ដែងខ្ញុំមិនដែលស្ដាយក្រោយក្នុងបម្រើការងារនៅទីនោះឡើយ » ។
បើតាមលោកម៉ានិតថា «ខ្ញុំចុះកិច្ចសន្យាធ្វើជាតារាចម្រៀងដំបូង ខ្ញុំមានអាយុត្រឹមតែ ១៨ឆ្នាំប៉ុណ្ណោះ ខ្ញុំពិតជាត្រូវរត់ឲ្យទាន់អ្នកដទៃដែលឈានជើងដើរធម្មតា មានរឿងជាច្រើន ដែលខ្ញុំបានរៀនពីកន្លែងមួយនេះ វាធ្វើឲ្យខ្ញុំចេះគិត ចេះប្រឈមមុខ ចេះទំនាក់ទំនង រៀនស្គាល់ពីខ្លួនឯង និងចេះវិនិច្ឆ័យចំណុចតូចលម្អិតកាន់តែច្បាស់ ។ ខ្ញុំគ្រាន់តែចង់ឲ្យគ្រប់គ្នាបញ្ឈប់ការកាត់សេចក្ដីថា ការដែលខ្ញុំចូលហង្សមាសគឺជាកំហុស ។ វាមិនមែនជាកំហុសឡើយ ព្រោះវាជាការសម្រេចចិត្តរបស់ខ្ញុំ ហើយខ្ញុំក៏មិនស្ដាយក្រោយនឹងការសម្រេចចិត្តរបស់ខ្ញុំដែរ។ ការចាកចេញនេះមិនមែនជាការចុះចាញ់ ឬបរាជ័យ តែវាជាការចាកចេញដើម្បីបន្តដំណើរទៅមុខ ស្វែងរកគោលដៅ និងក្ដីស្រមៃថ្មីមួយ»៕
ចែករំលែកព័តមាននេះ