រាជធានីភ្នំពេញ ៖ បើទោះបីជាពេលនេះតារាសម្តែងស្រស់សោភានាងគង់ ច័ន្ទស្រមុំ កំពុងតែពពោះកូនដំបូងរយៈពេល៥ខែហើយក្តី នាងបានបង្ហាញសម្រស់សិចស៊ីបង្អួតមហាជន ។ រូបភាពមួយសន្លឹកត្រូវបានគង់ ច័ន្ទស្រីមុំ បង្ហោះជាសាធារណៈទាំងតាមហ្វេសប៊ុក…
រាជធានីភ្នំពេញ ៖ បើទោះបីជាពេលនេះតារាសម្តែងស្រស់សោភានាងគង់ ច័ន្ទស្រមុំ កំពុងតែពពោះកូនដំបូងរយៈពេល៥ខែហើយក្តី នាងបានបង្ហាញសម្រស់សិចស៊ីបង្អួតមហាជន ។
រូបភាពមួយសន្លឹកត្រូវបានគង់ ច័ន្ទស្រីមុំ បង្ហោះជាសាធារណៈទាំងតាមហ្វេសប៊ុក និងអ៊ីនស្តេក្រាម ជាមួយភាពសិចស៊ីបង្ហាញក្បាលពោះ និងរូបរាងដ៏ស្រស់ស្អាតរបស់នាងបង្អួតទស្សនិកជន ។
ជាមួយឈុតរាត្រីពោះធំ ចំហដោយមានតែខោក្នុង និងការតុបតែងខ្លួនដ៏សិចស៊ី គង់ ច័ន្ទស្រីមុំ បាននាងបង្ហោះប្រាប់ទស្សនិកជនពីការពពោះលើកដំបូង តែនាងនៅតែរក្សារូបសម្រស់ស្រស់ស្អាតដដែល ដ្បិតនាងគឺជាម្ចាស់ហាងលក់ផលិតផលកែសម្រស់មួយរូប។
គង់ ច័ន្ទស្រមុំ បានអះអាងពីការបង្ហោះរូបភាពរបស់នាងថា បើទោះបីជានាងពពោះក៏ដោយ ប៉ុន្តែនាងមិនបណ្តោយខ្លួនទេ ព្រោះនាងជាមនុស្សម្នាក់ដែលចូលចិត្តស្អាតជានិច្ច។ ដោយឡែកជាមួយនឹងការបង្ហោះរូបពោះធំដ៏សិចស៊ីនេះនាងក៏បានភ្ជាប់សារមួយឃ្លាថា «ពេលវេលាដ៏ខ្លីមួយនៃការពពោះរបស់ខ្ញុំ វាមានតម្លៃ និងជាការចងចាំដែលមិនអាចកាត់ថ្លៃបាន ហើយគឺជាពេលវេលាដ៏មានន័យ និងជារៀងរហូតនៅក្នុងបេះដូងនៃជីវិតរបស់ខ្ញុំ» ។
ជាការកត់សម្គាល់បន្ទាប់ពីគង់ ច័ន្ទស្រីមុំបានបង្ហោះរូបទាំងនោះរួចមក មានប្រិយមិត្តជាច្រើនបានសម្តែងការសរសើរចំពោះនាងដែលនៅតែរក្សារូបសម្រស់ឲ្យនៅស្រស់ស្អាតដដែល បើទោះបីជាពេលនេះនាងជិតដល់ថ្ងៃសម្រាលកូនក៏ដោយ ។
បើគិតមកទល់ពេលនេះ តារាសម្ដែងនាង គង់ ច័ន្ទស្រីមុំ បានពពោះកូនក្នុងផ្ទៃរយៈពេល៥ខែ នៅសល់តែជាង៤ខែទៀតប៉ុណ្ណោះកូនស្រីរបស់នាងនឹងចាប់កំណើតឃើញពន្លឺព្រះអាទិត្យហើយ ។ បើទោះជាកន្លងមកនាងឧស្សាហ៍មានបញ្ហា និងចូលមន្ទីរពេទ្យញឹកញាប់ក៏ដោយ ប៉ុន្តែបញ្ហាទាំងអស់នោះមិនបានធ្វើឲ្យប៉ះពាល់ដល់កូននៅផ្ទៃរបស់នាងឡើយ ក្នុងពេលដែលនាងបានទទួលការថ្នាក់ថ្នមពីស្វាមីរបស់នាងគឺលោកគឹម សីហា ផងដែរ ។
មហាជនលើកឡើងថា ដោយសារតែតារាសម្ដែងស្រីសាច់សខ្ចីគង់ ចាន់ស្រីមុំ មានស្វាមីពូកែថ្នាក់ថ្នម យល់ចិត្ត ទើបបានជានាងមានរូបសម្រស់ស្រស់ស្អាត ព្រមទាំងមានសុខភាពល្អ ជាពិសេសស្វាមីតែងតែនាំទៅពិនិត្យសុខភាព ឲ្យបានទៀងទាត់ តាមការណាត់ជួបរបស់គ្រូពេទ្យទៀតផង ។
តារាសម្ដែងគង់ ចាន់ស្រីមុំ បច្ចុប្បន្នបានផ្អាកពីវិស័យសិល្បៈអស់រយៈពេលជាច្រើនឆ្នាំមកហើយ ក្រោយពេលដែលនាងបានចាប់អាជីព ជាអ្នកជំនួញខាងផ្នែកគ្រឿងសម្អាងប្រកបដោយភាពជោគជ័យ ៕
ចែករំលែកព័តមាននេះ