ខេត្តត្បូងឃ្មុំ ៖ សេចក្តីរាយការណ៍ឱ្យដឹងថា កាលពីព្រឹកថ្ងៃទី០៤ មីនា ស្ថិតត្រង់ភូមិសាទុំ ឃុំជាំក្រវៀន ស្រុកមេមត់ ខេត្តត្បូងឃ្មុំ មានប្រជាពលរដ្ឋរាប់ពាន់នាក់…
ខេត្តត្បូងឃ្មុំ ៖ សេចក្តីរាយការណ៍ឱ្យដឹងថា កាលពីព្រឹកថ្ងៃទី០៤ មីនា ស្ថិតត្រង់ភូមិសាទុំ ឃុំជាំក្រវៀន ស្រុកមេមត់ ខេត្តត្បូងឃ្មុំ មានប្រជាពលរដ្ឋរាប់ពាន់នាក់ បាននាំគ្នាមកចុះចាប់ត្រីក្នុងបឹងមួយកន្លែង ដែលមានទំហំប្រហែល១០០ម៉ែត្របួនជ្រុង ដើម្បីយកទៅធ្វើម្ហូបរៀងៗខ្លួន ដោយមិនត្រូវបានបែងចែកគ្នានោះទេ បើចាប់បានត្រីនោះ ។ នេះបើយោងតាមលោកមេឃុំម្នាក់បានប្រាប់កោះសន្តិភាព នាព្រឹកថ្ងៃទី០៥ មីនា នេះ ។
សេចក្តីរាយការណ៍បន្តថា ទាក់ទិនការចាប់ត្រីក្នុងបឹងមួយកន្លែងនេះ គឺជាទំនៀមទម្លាប់ក្នុងភូមិធ្វើតៗពីដូនតាមកម្ល៉េះ ដោយធ្វើជារៀងរាល់ឆ្នាំ ក្នុងនោះក៏មានពិធីសែនព្រេងពីម្ចាស់ទឹកម្ចាស់ដីផងដែរ ។ មុនពេលដែលអនុញ្ញាតឱ្យពលរដ្ឋចុះទៅចាប់ត្រីក្នុងបឹងនេះ គឺត្រូវបានអាជ្ញាធរ និងប្រជាការពារភូមិ បានចុះការពារក្នុងត្រីក្នុងបឹងនេះមុន១ខែឯណោះ ព្រោះខ្លាចមានការលួចឆក់យកត្រីមុនធ្វើពិធី ។
គួរបញ្ជាក់ទៀតថា ក្នុងពិធីចាប់ត្រីគឺធ្វើឡើងតាំងពីបរមបុរាណមក ពេលណាដែលទឹកស្រកទៅ គឺប្រជាពលរដ្ឋនាំគ្នាធ្វើពិធីចុះត្រីចាប់ត្រីនេះតែម្តង ។
ចែករំលែកព័តមាននេះ