រាជធានីភ្នំពេញ ៖ បន្ទាប់ពីប្រកាសលាឈប់ពីឆាកនយោបាយកាលពេលថ្មីកន្លងមកនេះ លោក ម៉ម សូណង់ដូ បានប្រកាសមកធ្វើនយោបាយ និងដឹកនាំគណបក្សសំបុកឃ្មុំសង្គមប្រជា ធិបតេយ្យវិញ។ នេះបើតាមលោក ម៉ម សូណង់ដូ ឲ្យដឹង។ យោងតាមគេហទំព័រក្នុងស្រុកមួយបានស្រង់សម្ដីលោក ម៉ម សូណង់ ជាអ្នកនយោបាយ ជើងចាស់ និងធ្លាប់ជាប់ពន្ធនាគារ ដែលបានអវត្តមានពីឆាកន យោបាយអស់មួយរយៈនោះ លោ ក នឹងមកដឹកនាំគណបក្សរបស់លោកឡើងវិញហើយ គឺគណបក្ស សំបុកឃ្មុំសង្គមប្រជាធិ បតេយ្យ ដើម្បីត្រៀមចូលរួមការប្រកួតប្រជែង បោះឆ្នោតជ្រើសរើសតំណាងរាស្ត្រនាខែកក្កដា ឆ្នាំ២០១៨ ខាងមុខនេះ។ លោកបន្តថា ការវិលត្រលប់មកដឹកនាំបក្សនយោបាយឡើងវិញ និងចង់បន្តកាន់ទង់តំណាងអ្នកប្រជាធិបតេយ្យ បន្តពីអតីតគណបក្សសង្គ្រោះជាតិនៅពេលនេះ ដោយសារតែលោកមើលឃើញយ៉ាងច្បាស់ថា អតីតមេដឹកនាំបក្សប្រឆាំងមួយនេះ ដឹកនាំ និងធ្វើអ្វីមិនកើតហើយប្រើនយោបាយនាំឲ្យជាតិបែកបាក់កាន់តែខ្លាំងឡើង។
លោក ម៉ម សូណង់ដូ បានបញ្ជាក់ថា« ខ្ញុំអស់ក្តីសង្ឃឹមលើអតីតមេដឹកនាំ គណបក្សសង្គ្រោះជាតិទេ នៅពេលនេះ ខ្ញុំមកកាន់ទង់បន្តពីគណបក្សសង្គ្រោះជាតិឡើងវិញ ជាតំណាងអ្នកប្រជាធិបតេយ្យនៅកម្ពុជា តែខ្ញុំធ្វើនយោបាយមិនដូចគណបក្សសង្គ្រោះជាតិទេ មិន លាបពណ៌ មិនវាយប្រហារ មិនបង្កបញ្ហាដល់សន្តិសុខជាតិ ដូចជាគណបក្សប្រជាជនធ្វើល្អ ប ង្អាប់ខ្ញុំមិនធ្វើដូច្នោះទេ គឺរិះគន់ដើម្បីស្ថាបនា»។ បើតាមអ្នកនយោបាយវ័យចំណាស់រូបនេះ ក៏បានឲ្យដឹងថា នៅថ្ងៃទី១១ ខែមីនា ឆ្នាំ២០១៨ខាងមុខ លោកនឹងដឹកនាំសមាជវិសាមញ្ញមួយ ស្ថិតនៅភូមិទួលត្នោត ឃុំគគីរ ស្រុកគៀនស្វាយ ខេត្តកណ្តាល ដើម្បីផ្តល់សេចក្តីទុកចិត្ត ជូនលោកដឹកនាំ គណបក្សមួយនេះបន្តទៀត ដោយគ្រោងមានអ្នកចូលរួមជាច្រើនផងដែរ។
លោក ម៉ម សូណង់ដូ ដែលជាអ្នកនយោបាយម្នាក់ពូកែវោហាស័ព្ទនោះបានឲ្យដឹងថាសម្រាប់ជំហរ និងទិសដៅសម្រាប់គណបក្សរបស់ខ្លួនគឺស្វាគមន៍ចំពោះអ្នកស្រលាញ់ប្រ ជាធិបតេយ្យ អ្នកស្រលាញ់យុត្តិធម៌ ស្រលាញ់ទឹកដី ដែលជាកូនខ្មែរស្នេហាជាតិ នឹងធ្វើការបន្ត ទៀតជាមួយរូបលោក។ បើតាមលោកតា ម៉ម សូណង់ដូ មូលហេតុដែលលោកបានចាកចេញ ពីនយោបាយមួយរយៈ ដោយសារតែលទ្ធផល នៃការបោះឆ្នោតជ្រើសរើសសមាជិក ក្រុមប្រឹក្សាឃុំ-សង្កាត់ បានទទួលលទ្ធផលអាក្រក់ពេក ដែលអត់មានប្រជាពលរដ្ឋច្រើនគាំទ្រ តែនៅពេលគណបក្សសង្គ្រោះជាតិត្រូវបានរំលាយដោយសារមានទោសកំហុសនោះ ទើបលោក បន្តមកដឹកនាំគណបក្សវិញ ដោយបន្តកាន់ទង់តំណាងប្រជាធិបតេយ្យ នៅក្នុងប្រទេសកម្ពុជា។
លោកក៏បានឲ្យដឹងថា បន្ទាប់ពីបញ្ចប់សមាជ វិសាមញ្ញទៅ លោកនឹងបើកយុទ្ធនា ការក្តៅនៅតាមមូលដ្ឋានហើយ ដើម្បីកៀងគរសំឡេងអ្នកគាំទ្រឡើងវិញ៕
ចែករំលែកព័តមាននេះ