រាជធានីភ្នំពេញ ៖ ស្របពេលដែលកម្មវិធីប្រកួតចម្រាញ់ស្រីស្អាតកម្ពុជាយកអ្នកលេចធ្លោឆ្ពោះទៅដណ្តើមមកុដ Queen Of The Spa ប្រទេសកូរ៉េ កញ្ញាស៊ីស៊ី ដែលជាបេក្ខនារីមួយរូបដែរនោះហាក់ស្រឡាញ់កម្មវិធីប្រឡងនេះយ៉ាងខ្លាំង…
រាជធានីភ្នំពេញ ៖ ស្របពេលដែលកម្មវិធីប្រកួតចម្រាញ់ស្រីស្អាតកម្ពុជាយកអ្នកលេចធ្លោឆ្ពោះទៅដណ្តើមមកុដ Queen Of The Spa ប្រទេសកូរ៉េ កញ្ញាស៊ីស៊ី ដែលជាបេក្ខនារីមួយរូបដែរនោះហាក់ស្រឡាញ់កម្មវិធីប្រឡងនេះយ៉ាងខ្លាំង ។ នាងបានតាំងចិត្តពុះពារឆ្លងឱ្យផុតវគ្គជម្រុះបន្តបន្ទាប់ដើម្បីគ្រងតំណែងតួឯកពាក់មកុដរបស់កម្មវិធីនេះ ។
តារាបង្ហាញម៉ូដនិងជាតារាសម្តែងកញ្ញាស៊ីស៊ីបានបង្ហាញវត្តមានជាថ្មីម្តងទៀតក្នុងការដើរលើវេទិកាដើម្បីឱ្យមេប្រយោគជួយដាក់ពិន្ទប្រជែងយកមកុដឯកក្នុងកម្មវិធី«Queen of The Spa» ដែលជាដំណាក់កាលជ្រើសរើសស្រីស្អាតចេញពីកម្ពុជាទើបឆ្លងទៅប្រកួតនៅប្រទេសកូរ៉េ នាពេលខាងមុខ ។ សម្រាប់ស្រីស្អាតដែលជាប់លេខ១ នឹងទទួលបានការបំពាក់មកុដពេជ្រតម្លៃជិត៣ម៉ឺនដុល្លារ និងទឹកប្រាក់លើកទឹកចិត្តចំនួន៦ម៉ឺនដុល្លារទៀតផងនោះពិតជាពិសេសមែន ។
ស៊ីស៊ី ដែលជានារីអូតេសបម្រើការលើយន្តហោះបានឱ្យដឹងថា មូលហេតុដែលនាងទៅប្រកួតបវរកញ្ញាដោយសារតែនាងចង់ឱ្យខ្លួនកាន់តែលេចធ្លោ ល្បីឈ្មោះ ។ នាងយល់ថា កម្មវិធីនេះពិតជាប្លែកអស្ចារ្យ ព្រោះអ្នកកែសម្ជស្សមុខមាត់ហើយក៏អាចប្រឡងបានដែរឱ្យតែក្លាហាន ។ ដូចនេះ នាងត្រូវតែព្យាយាមព្រោះជាឱកាសកម្របានឃើញ និងចង់ឡើងឆាកអន្តរជាតិសម្តែងឱ្យពិភពលោកឃើញថា ស្ត្រីកម្ពុជាបច្ចុប្បន្នក្លាហានបែបណា។ នាងថា ក្រៅពីបំណងខាងលើ នាងក៏ចង់យកប្រាក់រង្វាន់ដ៏ច្រើននេះមកបំពេញតម្រូវការជូនដល់បងប្អូនក្រុមគ្រួសារនាងជាបន្ត និងសម្រេចគម្រោងលើមុខរបររកស៊ីរបស់នាងដែលបានគិតទុក ។ យ៉ាងណាមិញ នាងក៏ត្រូវប្រមូលការយកចិត្តទុកដាក់ជាបន្តទៀតនៅក្នុងការប្រឡងបើទោះជានាងចង់បានក៏ត្រូវឆ្លងកាត់វគ្គជាច្រើនទៀតដែរ ៕
ចែករំលែកព័តមាននេះ