រាជធានីភ្នំពេញ ៖ លោកសមរង្ស៊ី អតីតមេបក្សសង្គ្រោះជាតិដែលគណបក្សប្រឆាំងនោះនឹងត្រូវប្រឈមចាប់ខ្លួនពីក្រៅប្រទេស ដើម្បីមកអនុវត្តទោសនៅក្នុងប្រទេសកម្ពុជា ។ នេះបើតាមការអះអាងរបស់មន្ត្រីជាន់ខ្ពស់គណបក្សប្រជាជនកម្ពុជា ។ លោកសុខ ឥសាន…
រាជធានីភ្នំពេញ ៖ លោកសមរង្ស៊ី អតីតមេបក្សសង្គ្រោះជាតិដែលគណបក្សប្រឆាំងនោះនឹងត្រូវប្រឈមចាប់ខ្លួនពីក្រៅប្រទេស ដើម្បីមកអនុវត្តទោសនៅក្នុងប្រទេសកម្ពុជា ។ នេះបើតាមការអះអាងរបស់មន្ត្រីជាន់ខ្ពស់គណបក្សប្រជាជនកម្ពុជា ។
លោកសុខ ឥសាន អ្នកនាំពាក្យគណបក្សប្រជាជនកម្ពុជាបានឲ្យដឹងនៅថ្ងៃទី០៤ ខែមីនា តាមសារតេឡេក្រាមយ៉ាងដូច្នេះថា« អតីតមេបក្សប្រឆាំង និងជាទណ្ឌិតរត់គេចខ្លួននៅក្រៅប្រទេស និងកំពុងប្រឈមមុខនឹងការតាមចាប់ខ្លួន យកមកអនុវត្តទោស កំពុងធ្វើសកម្មភាពឧទ្ទាមនិយមក្រៅច្បាប់ដែលកាន់តែបន្ថែមពិរុទ្ធភាព បទល្មើស មានស្ថានទម្ងន់ទោសកាន់តែធ្ងន់ ថែមទៀត មិនអាចអត់ឱនឲ្យបានជាដាច់ខាត ចំពោះសកម្មភាពបំផ្លាញជាតិនេះ » ។
លោកបន្តថា ករណីផ្លូវច្បាប់របស់អតីតមេដឹកនាំ និងក្រុមមេដឹកនាំនៃ អតីតបក្សប្រឆាំងមិនមែនជារឿងនយោបាយដូចពួក អគតិមួយចំនួននិយាយនោះទេដែលត្រូវ តែប្រឈមចំពោះមុខច្បាប់ មិនអាចយកវប្បធម៌នីទណ្ឌភាពមកដោះស្រាយបានឡើយ ។
រាជរដ្ឋាភិបាលកម្ពុជា ដឹកនាំដោយសម្តេចតេជោ ហ៊ុន សែន ប្រកាន់ខ្ជាប់គោលការណ៍លទ្ធិប្រ ជាធិបតេយ្យ និងនីតិរដ្ឋស្របតាមស្មារតីនៃកិច្ចព្រមព្រៀងទីក្រុងប៉ារីស និងរដ្ឋធម្មនុញ្ញនៃព្រះរាជាណាចក្រកម្ពុជា ។ ដូច្នេះរាជរដ្ឋាភិបាលកម្ពុជាបាននឹងកំពុងដើរលើផ្លូវត្រូវក្នុងការការពារសន្តិភាព ស្ថិរភាពនយោបាយ និងសេចក្តីសុខជូនប្រជាជនកម្ពុជាទូទាំងប្រទេសមិនអាចអនុញ្ញាត្តឲ្យមានការបំផ្លិចបំផ្លាញបានឡើយ ។
លោកក៏បានលើកករណីលោក កឹម សុខាថា ហេតុនេះរាល់មហិច្ឆតាចង់ឲ្យមានការដោះលែង កឹម សុខា និងចង់ឲ្យអតីតបក្សប្រឆាំងរស់ទ្បើងវិញ នោះមិនអាចជាដាច់ខាត ។
គួររឮកថា ការលើកឡើងរបស់អ្នកនាំពាក្យគណបក្សកាន់អំណាចនេះ ខណៈដែលលោក សមរង្ស៊ីកំពុងជាប់បណ្តឹងជាច្រើនករណី នៅក្នុងប្រព័ន្ធតុលាការកម្ពុជា ជាមួយថ្នាក់ដឹកនាំជាន់ខ្ពស់គណបក្សប្រជាជនកម្ពុជា ។
ជាក់ស្តែងនោះកាលពីពេលថ្មីនេះ តុលាកាដំបូង រាជធានីបានសម្រេចរឹបអូសទ្រព្យសម្បត្តិរបស់លោកសម រង្ស៊ី ជាបណ្តោអាសន្ន ក្រោយបណ្តឹងជាមួយសម្តេចតេជោ ហ៊ុន សែន និងសម្តេចហេងសំរិនប្រធានរដ្ឋសភា ។ លោកសម រង្ស៊ីនៅជាប់បណ្តឹងជាមួយថ្នាក់ដឹកនាំគណបក្សប្រជាជនកម្ពុជាច្រើនរូបទៀត ៕
ចែករំលែកព័តមាននេះ