ក្រសួងមហាផ្ទៃមិនអនុញ្ញាតឲ្យបង្កើតឈ្មោះគណបក្សលោក កែម ឡី
- ភ្នំពេញ
រាជធានីភ្នំពេញ ៖ អ្នកនាំពាក្យក្រសួងមហាផ្ទៃលោកនាយ ឧត្តមសេនីយ៍ ខៀវ សុភ័គ បានឲ្យដឹងថា ក្រសួងមិនអនុញ្ញាតឲ្យបង្កើតគណបក្សកែម ឡីនោះទេ ព្រោះខុសពីច្បាប់គណបក្សនយោបាយ…
រាជធានីភ្នំពេញ ៖ អ្នកនាំពាក្យក្រសួងមហាផ្ទៃលោកនាយ ឧត្តមសេនីយ៍ ខៀវ សុភ័គ បានឲ្យដឹងថា ក្រសួងមិនអនុញ្ញាតឲ្យបង្កើតគណបក្សកែម ឡីនោះទេ ព្រោះខុសពីច្បាប់គណបក្សនយោបាយ…
រាជធានីភ្នំពេញ ៖ អ្នកនាំពាក្យក្រសួងមហាផ្ទៃលោកនាយ ឧត្តមសេនីយ៍ ខៀវ សុភ័គ បានឲ្យដឹងថា ក្រសួងមិនអនុញ្ញាតឲ្យបង្កើតគណបក្សកែម ឡីនោះទេ ព្រោះខុសពីច្បាប់គណបក្សនយោបាយ ។
អ្នកនាំពាក្យក្រសួងមហាផ្ទៃបានឲ្យដឹងនៅថ្ងៃទី0៤ ខែមីនា ឆ្នាំ២០១៨ ថា ក្រសួងមហាផ្ទៃមិនជំទាស់ចំពោះការស្នើសុំបង្កើតគណបក្សថ្មីទេ (គណបក្ស កែម ឡី) ប៉ុន្តែឈ្មោះគណបក្សនេះមិនត្រឹមត្រូវតាមច្បាប់ថ្មីស្តីពីគណបក្សនយោបាយត្រង់តាមមាត្រាទី១១ ដែលចែងថា ឈ្មោះ រូបវ័ន្តបុគ្គល និងរូបភាព រូបវ័ន្តបុគ្គល ត្រូវបានច្បាប់ហាមឃាត់មិនឲ្យយកមកប្រើប្រាស់។
សូមរំលឹកថា កាលពីថ្ងៃទី២៤ ខែកុម្ភៈ ឆ្នាំ២០១៨នេះ លោក កែម រិទិ្ធសិត ប្អូនប្រុសបង្កើតសពលោក កែម ឡី បានប្រកាសបង្កើតគណបក្សនយោបាយថ្មីមួយដែលមានឈ្មោះ ថា គណបក្ស កែម ឡី ដែលជាឈ្មោះរបស់បងប្រុសរបស់លោក ដើម្បីចូលរួមការបោះឆ្នោតនីតិកាលទី៦ នៃរដ្ឋសភានៅខែកក្កដា ឆ្នាំ២០១៨ខាងមុខនេះ ។
លោក កែម រិទ្ធិសិត បានប្រកាសថា ការបង្កើតគណបក្ស កែម ឡី គឺមានគោលបំណងយកទស្សនទានល្អៗ របស់លោកកែម ឡី ទៅបន្តចូលរួមចំណែកអភិវឌ្ឍប្រទេសជាតិ ។ ជាពិសេសការបង្កើតគណបក្សនេះស្របតាមច្បាប់ គឺដើម្បីទប់ស្កាត់ដល់ក្រុមជ្រុលនិយមមួយចំនួនតែងតែយកឈ្មោះលោកបណ្ឌិត កែម ឡី ទៅធ្វើជាឧបករណ៍កេងចំណេញនយោបាយដើម្បីបម្រើមហិច្ឆតារបស់ពួកគេជារៀងរាល់ថ្ងៃ ។
សម្រាប់ការបង្កើតគណបក្សនយោបាយនេះដែរលោក សុខ ឥសាន ធ្លាប់បានសាទរ និងថា ប្រទេសកាន់លទ្ធិប្រជាធិបតេយ្យពលរដ្ឋមានសិទ្ធិបង្កើតគណបក្សនយោបាយ ដើម្បីប្រកួតប្រជែងគ្នា ប៉ុន្តែការបង្កើតគណបក្សនយោយបាយថ្មីៗណាមួយត្រូវគោរពច្បាប់ជាដាច់ខាត ៕
ចែករំលែកព័តមាននេះ