ការរួមមេត្រី គឺជាក្រឹតក្រំធម្មជាតិដែលមនុស្ស ឬសត្វពេលធំពេញវ័យត្រូវឆ្លងកាត់ ដោយគោលដៅសំខាន់គឺដើម្បីបន្តពូជពង្សទៅថ្ងៃអនាគត ។ បើទោះវាជាសិទ្ធិស្របច្បាប់ពីធម្មជាតិក្តី ប៉ុន្តែដំណើរការប្រព្រឹត្តទៅនៃមេត្រីភាពនេះត្រូវតែមានបែបបទ និងលក្ខ ខណ្ឌត្រឹមត្រូវទៅតាមទីកន្លែង ពេលវេលា ។ នេះមានន័យថា ក្នុងនាមជាមនុស្សដែលមានពូជអំបូរ ភាសា ទំនៀមទម្លាប់ ប្រពៃណី
ការរួមមេត្រី គឺជាក្រឹតក្រំធម្មជាតិដែលមនុស្ស ឬសត្វពេលធំពេញវ័យត្រូវឆ្លងកាត់ ដោយគោលដៅសំខាន់គឺដើម្បីបន្តពូជពង្សទៅថ្ងៃអនាគត ។ បើទោះវាជាសិទ្ធិស្របច្បាប់ពីធម្មជាតិក្តី ប៉ុន្តែដំណើរការប្រព្រឹត្តទៅនៃមេត្រីភាពនេះត្រូវតែមានបែបបទ និងលក្ខ ខណ្ឌត្រឹមត្រូវទៅតាមទីកន្លែង ពេលវេលា ។ នេះមានន័យថា ក្នុងនាមជាមនុស្សដែលមានពូជអំបូរ ភាសា ទំនៀមទម្លាប់ ប្រពៃណីផូរផង់មិនអាចមានមេត្រីភាពបែបនេះតាមចិត្តនឹកឃើញ ឬនៅទីកន្លែងមិនសមគួរឡើយ ។ វាមិនមែនជាការហាមឃាត់ និងបំបិទសិទ្ធិទេ ប៉ុន្តែតាមក្រុមអ្នកជំនាញអះអាងថា ការរួមមេត្រីដែលល្អជាងគេបំផុត គឺបន្ទាប់ពីរៀបការរួច ។ ពួកគេមានមូលហេតុ៣
ចំណុចសម្រាប់ពន្យល់ ៖
១- វាជាការល្អព្រោះតែបន្ទាប់ពីរៀបការរួច អ្នក និងដៃគូស្គាល់គ្នាកាន់តែច្បាស់ជាងមុន ។ មួយវិញទៀតភាពល្អូកល្អិនក៏មានច្រើនជាងមុនដែរ ។ រៀបការរួចរស់នៅជាមួយគ្នាយូរនឹងធ្វើឱ្យយល់ចិត្តគ្នា ស្គាល់ពីអ្វីដែលដៃគូខ្លួនពេញចិត្ត និងមិនពេញចិត្ត ។ គេគួរចាំថា ភាពស្រណុកសប្បាយនៃមេត្រីភាពផ្លូវភេទមួយចំណែកបានមកពីដៃគូចេះផ្តល់សេចក្តីសប្បាយឱ្យគ្នាទៅវិញទៅមក ។
២- វាល្អព្រោះបន្ទាប់ពីរៀបការរួច អ្នកកាន់តែស្និទ្ធស្នាល និងយល់ចិត្តគ្នា ។ នៅពេលដែលអ្នករៀបការរួច ឬបានរស់នៅជាមួយគ្នាអស់ជាច្រើនឆ្នាំ រវាងអ្នក និងដៃគូគឺពិតជាគ្មានតំណមច្រើន ខ្លាចចិត្តគ្នា ឬខ្មាសអៀនគ្នាទេ ។ ក្លាយជាប្តីប្រពន្ធហើយ អាថ៌កំបាំងរាងកាយរបស់អ្នកគឺអាចនឹងគ្មានទៀតទេចំពោះដៃគូ ជាពិសេសគឺអាថ៌កំបាំងរាងកាយស្ត្រីដែលខំបិទបាំងតាំងពីវ័យក្រមុំ ។ ខ្មៅស អាក្រក់ល្អយ៉ាងណាមិនមែនជាបញ្ហាសំខាន់ដែលត្រូវយកចិត្តទុកដាក់ទៀតឡើយ ។ បច្ចុប្បន្នភាពនៃអ្នកទាំង២គឺផ្តល់សេចក្តីសុខឱ្យគ្នាទៅវិញទៅមក ។ ស្ត្រីមួយចំនួនតែងតែនិយាយថា ខ្លួនពិតជាភ័យខ្លាំងពេលរួមភេទជាមួយបុរសមិនដែលស្គាល់ ឬទើបតែស្គាល់ ខណៈមួយចំនួនទៀតនិយាយថា ខ្លួនមានអារម្មណ៍កក់ក្តៅ និងរីករាយពេលរួមភេទជាមួយស្វាមី ។
៣- វាល្អប្រសើរព្រោះតែអ្នកមានទំនាក់ទំនងនឹងគ្នាយ៉ាងល្អរួចជាមុន ។ ភាពស្រណុកសប្បាយនៃការរួមភេទត្រូវការចាំបាច់នូវទំនាក់ទំនងល្អ ។ ប្រសិនជាអ្នកមិនអាចនិយាយចេញនូវអ្វីដែលខ្លួនចង់ធ្វើ ឬអ្វីដែលខ្លួនមិនចង់ធ្វើ ដូច្នេះអ្នកប្រហែលជាមិនអាចឈានទៅដល់ការរួមភេទមួយដែលប្រកបដោយភាពស្រណុកសប្បាយ សុខដុមរមនាបានទេ ។
ឈានដល់ចូលរោងការជាមួយគ្នាមានន័យថា អ្នកទាំង២ពិតជាបានឆ្លងកាត់ការទាក់ទងគ្នាយ៉ាងល្អជាមិនខាន ហើយជីវិតលើគ្រែដែលប្រកបដោយអត្ថន័យទទួលបានតាមរយៈទំនាក់ទំនងល្អបែបនេះផងដែរ ៕
ចែករំលែកព័តមាននេះ