ខេត្តព្រះសីហនុ ៖ នៅក្នុងឱកាសសំណេះសំណាលជាមួយកម្មករនិយោជិតនៅតំបន់សេដ្ឋកិច្ចពិសេសក្រុងព្រះសីហនុ សម្តេចអគ្គមហាសេនាបតីតេជោ ហ៊ុន សែន បានប្រតិកម្មយ៉ាងខ្លាំងចំពោះឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា ដែលបានប្រកាសផ្ដាច់ជំនួយកម្ពុជាឆ្នាំ២០១៨ ។
ពាក់ព័ន្ធករណីនេះ សម្តេចតេជោ បានបញ្ជាក់ថា «ជំនួយរបស់គេនោះបានមកអនុវត្តហើយបានចប់ហើយទៅវិញតាំងពីឆ្នាំ២០១៦ម្ល៉េះ ហើយមកប្រកាសផ្តាច់ជំនួយឆ្នាំ២០១៨! ដើម្បីអ្វី?» សម្តេច មានប្រសាសន៍ថា «សូមលោកឯកអគ្គរដ្ឋទូតនិយាយឲ្យច្បាស់ ។ តើលោកកាត់ជំនួយដែលគ្មានហ្នឹង ក្នុងពេលហ្នឹងដើម្បីអី0x017d7 ខ្ញុំតែងនិយាយប្រាប់ប្រជាជនរបស់ខ្ញុំទាំង១៦លាននាក់ថា យើងមិនបានទទួលជំនួយអាមេរិកលើបញ្ហាពន្ធដាទេ ពីមុនគេធ្លាប់ផ្ដល់នូវអ្នកជំនាញការលើបញ្ហារតនាគា បញ្ហាពន្ធដារ ប៉ុន្តែបានបញ្ចប់តាំងពីឆ្នាំ២០១៦ឯណោះ ។ ហេតុអ្វីបានជាគេសរសេរផ្តាច់ជំនួយសម្រាប់យើងឆ្នាំ២០១៨? ។»
សម្តេចតេជោ បន្តថា «តើគោលបំណងជាក់លាក់លើបញ្ហានេះជាអ្វី? តើអ្នកមានបំណងបង្ខូចកេរ្តិ៍ឈ្មោះប្រទេសកម្ពុជាថា អ្នកគឺជាអ្នកផ្តល់ជំនូយ ហើយអ្នកគឺជាអ្នកកាត់ជំនួយដោយអ្នកមិនពេញចិត្ត ហើយនៅក្នងលិខិតនោះក៏បានបញ្ជាក់ថា ដោយសារតែអគ្គនាយកដ្ឋានពន្ធដា គឺបានរួមចំណែកធ្វើឲ្យលទ្ធិប្រជាធិបតេយ្យដើរថយក្រោយ ដោយសារតែកាសែតកាំបូឌាដែលី វិទ្យុអាស៊ីសេរី វាអត់បង់ពន្ធ ។ យើងអត់បានបិទវាទេ ប៉ុន្តែវាអត់បានបង់ពន្ធយើង ហើយវារតិទៀត ។ ខ្ញុំសួរឲ្យលោក ឆ្លើយឲ្យបានច្បាស់មើល ជំនួយដែលបានបញ្ចប់នៅឆ្នាំ២០១៦ ហេតុអីបានប្រកាសកាត់នៅឆ្នាំ២០១៨? បានសេចក្តីថា ខ្យល់សុទ្ធ ។ ប៉ុន្តែខ្យល់នេះជាកម្មវត្ថុ នៃនយោបាយពិតប្រាកដណាស់ ។ អ្វីដែលវានៅពីក្រោយខ្នងពិតប្រាកដ គឺការមួលបង្កាច់ ដើម្បីបង្កើតចិត្តសាស្ត្រសម្រាប់ពួកគេហៅថា ពួកអាងាប់ ដេកចង់ឲ្យវារស់ឡើងវិញ ។ គ្មានផ្លូវទេៗ! ។»
សម្តេចតេជោ មានប្រសាសន៍បន្តថា «ខ្ញុំអត់យល់ សុខៗអត់មានជំនួយសោះមកប្រកាសកាត់ជំនួយ សុខៗប្រកាសថា ឈប់ផ្តល់លុយដោះមីន ។ ខ្ញុំឲ្យប្រកាសភ្លាម រាជរដ្ឋាភិបាលនឹងដាក់លុយចូលជំនួសអាមេរិក ។ បន្ទាប់នាយករដ្ឋមន្ត្រីចិន និងពង្រីកទៅលើគ្រាប់មីន និងគ្រាប់មិនទាន់ផ្ទុះ ។ ខ្ញុំផ្ញើសារជូនលោកឯកអគ្គរដ្ឋទូត សូមកុំធ្វើចរិតដូច លោកអតីតឯកអគ្គរដ្ឋទូតមុន ពេលដែលព្រះមហាក្សត្រកំពុងទទួលភ្ញៀវ ខ្លួនបែរជាលើកដៃហើយឲ្យ CNC ចាក់ផ្សារហូតដើម្បីឲ្យឃើញឥរិយាបថ ។ ខ្ញុំសូមបញ្ជាក់ឡើងវិញ សម្រាប់ប្រជជនកម្ពុជា ដោយសារឯកអគ្គរដ្ឋទូតសហរដ្ឋអាមេរិកនិយាយខុសការពិត ខ្ញុំមានភារកិច្ចដើម្បីនិយាយទៅកាន់ប្រជាពលរដ្ឋកម្ពុជា បំភ្លឺប្រជាពលរដ្ឋកម្ពុជា ដើម្បីនឹងកែតម្រូវថា អត់មានជំនួយកាត់ទេ ។ កាត់ជំនួយនេះ សរសេរដោយឯកអគ្គរដ្ឋទូតតែប៉ុណ្ណោះ ។ សង្ឃឺមថា លោកឯកអគ្គរដ្ឋទូតនឹងចេញការបំភ្លឺរបស់ទូត ព្រោះត្រូវហ៊ានស៊ីហ៊ានសង បើភ័ន្តច្រឡំត្រូវហ៊ានថាភ័ន្តច្រឡំ! កាត់ជំនួយផេះអី បើមួយកាក់ក៏គ្មានដែរ ៕»
ចែករំលែកព័តមាននេះ