គូស្នេហ៍វ័យចំណាស់ទើបរៀបការ ក្រោយស្រឡាញ់គ្នាអស់៧៥ឆ្នាំ
អង់គ្លេស ៖ តាមប្រភពព័ត៌មាន Metro បានឲ្យដឹងថា គូស្នេហ៍មួយគូទើបតែរៀបការជាមួយគ្នា ក្រោយពេលផ្តើមស្នេហ៍៧៥ឆ្នាំ។ ស្នេហាក្នុងវ័យកុមាររវាងលោកតា George Coffin…
អង់គ្លេស ៖ តាមប្រភពព័ត៌មាន Metro បានឲ្យដឹងថា គូស្នេហ៍មួយគូទើបតែរៀបការជាមួយគ្នា ក្រោយពេលផ្តើមស្នេហ៍៧៥ឆ្នាំ។ ស្នេហាក្នុងវ័យកុមាររវាងលោកតា George Coffin…
អង់គ្លេស ៖ តាមប្រភពព័ត៌មាន Metro បានឲ្យដឹងថា គូស្នេហ៍មួយគូទើបតែរៀបការជាមួយគ្នា ក្រោយពេលផ្តើមស្នេហ៍៧៥ឆ្នាំ។
ស្នេហាក្នុងវ័យកុមាររវាងលោកតា George Coffin និង លោកយាយ Irene Lanning ចាប់ផ្តើមតាំងពីពួកគាត់មានអាយុ១៤ឆ្នាំ។ នៅពេលនេះ អ្នកទាំងពីរមានវ័យ៨៩ឆ្នាំទៅហើយ។ អស់ពេល៧៥ឆ្នាំហើយ ដែលពួកគេទើបតែសម្រេចចិត្តរៀបការជាមួយគ្នា។
តាមការពិតទៅពួកគេបានរៀបការជាមួយនឹងប្តីប្រពន្ធរៀងខ្លួនរួចមកហើយ។ នេះក៏ព្រោះតែ កាលពីតូចពួកគេបានបែកពីគ្នាដោយសារតែផ្លាស់ទីលំនៅ។ ចិត្តស្រឡាញ់នៅតែមាន តែធ្វើយ៉ាងម៉េចបើមិនដឹងជាទៅដល់ទីណា។ នេះហើយគឺជាស្នេហ៍វ័យកុមារ។
ថ្ងៃមួយ ពួកគេបានជួបគ្នាម្តងទៀត ក្នុងពិធីបុណ្យសពរបស់មិត្តភក្តិ។ ពេលជួបគ្នានេះដែរ ពួកគេទាំងពីរមិននៅជាប់ពាក់ព័ន្ធជាមួយប្តីប្រពន្ធទៀតឡើយ។ ដោយសារតែបែបនេះហើយ ទើបភ្លើងស្នេហ៍ចាស់ឆេះឡើងជាថ្មី។ ក្រោយពេល៦ខែតាំងពីបានជួបគ្នាជាថ្មី លោកតា George បានសុំលោកយាយ Irene រៀបការ។
គួរបញ្ជាក់ផងដែរថា អ្នកទាំងពីរសុទ្ធតែមានចៅរៀងៗខ្លួនហើយ នៅថ្ងៃរៀបការ។ ខាងលោកតា George មានចៅ៨នាក់។ ឯខាងលោកយាយ Irene មានចៅ៤នាក់។ នេះពិតជាមិនស្មានដល់មែន ដែលបានជួបគ្នាម្តងទៀតហើយនៅមានចិត្តស្រឡាញ់ដដែល៕
ចែករំលែកព័តមាននេះ