សហរដ្ឋអាមេរិក ៖ សង្គ្រាមពាណិជ្ជកម្មអាចផ្ទុះក្នុងពេលឆាប់ៗឬ? ក្រោយពីប្រធានាធិបតីអាមេរិក លោកដូណាល់ ត្រាំ ប្រកាសថា នឹងវាយប្រហារដោយយកពន្ធខ្ពស់បំផុតលើការនាំចូលដែកថែប និងអាលុយមីញ៉ូមមកកាន់សហរដ្ឋអាមេរិក ប្រធានគណៈកម្មាធិការអឺរ៉ុបអះអាងនាថ្ងៃទី១…
សហរដ្ឋអាមេរិក ៖ សង្គ្រាមពាណិជ្ជកម្មអាចផ្ទុះក្នុងពេលឆាប់ៗឬ? ក្រោយពីប្រធានាធិបតីអាមេរិក លោកដូណាល់ ត្រាំ ប្រកាសថា នឹងវាយប្រហារដោយយកពន្ធខ្ពស់បំផុតលើការនាំចូលដែកថែប និងអាលុយមីញ៉ូមមកកាន់សហរដ្ឋអាមេរិក ប្រធានគណៈកម្មាធិការអឺរ៉ុបអះអាងនាថ្ងៃទី១ មីនា ថា សហភាពអឺរ៉ុបនឹងបញ្ចេញប្រតិកម្មតបវិញយ៉ាងម៉ឺងម៉ាត់ និងដោយសមាមាត្រដើម្បីការពារផលប្រយោជន៍របស់ខ្លួន ។
ក្នុងសេចក្តីប្រកាសព័ត៌មានមួយប្រមុខប្រតិបត្តិអឺរ៉ុបថ្លែងថា យើងមានការសោកស្តាយយ៉ាងខ្លាំងចំពោះការសម្រេចចិត្តនេះរបស់អាមេរិក ។ លោកបន្តថា គណៈកម្មាធិការអឺរ៉ុបនាប៉ុន្មានថ្ងៃខាងមុខនេះនឹងដាក់សំណើមួយតបតវិញប្រឆាំងសហរដ្ឋអាមេរិកយោងទៅតាមបែបបទរបស់អង្គពាណិជ្ជកម្មពិភពលោក WTO ដើម្បីធ្វើឱ្យសភាពការណ៍មានតុល្យភាពឡើងវិញ ។
ពេលជួបនៅឯសេតវិមានជាមួយបណ្តាអ្នកផលិតដែកថែប និងអាលុយមីញ៉ូមអាមេរិក លោកត្រាំ អះអាងថា ពន្ធថ្មីៗអាចប្រកាសនាសប្តាហ៍ខាងមុខនេះ ។ លោកគូសបញ្ជាក់ថា ពន្ធនេះនឹងអនុវត្តសម្រាប់រយៈពេលយូរអង្វែង ។ លោកលើកពីពន្ធគយ២៥% សម្រាប់ដែកថែប និង១០%សម្រាប់អាលុយមីនីញ៉ូម តែពុំបញ្ជាក់ចំឈ្មោះប្រទេសអឺរ៉ុបទាំងឡាយដែលត្រូវបង់ឡើយ ។
ប្រធានគណៈកម្មាធិការអឺរ៉ុប លោក JEAN CLAUDE JUNCKER និយាយថា ការផ្តួច
ផ្តើមគំនិតអាមេរិកនេះហាក់ដូចជាអន្តរាគមន៍ជាក់ស្តែងមួយដើម្បីការពារឧស្សាហកម្មក្នុងស្រុកអាមេរិក ហើយពុំមែនផ្តោតលើបញ្ហាទាក់ទិនដល់សន្តិសុខជាតិឡើយ ។ លោកថា ដោយពុំផ្តល់ការជួយទ្រទ្រង់ការសម្រេចនេះគ្រាន់តែធ្វើឱ្យអ្វីៗកាន់តែធ្ងន់ធ្ងរប៉ុណ្ណោះ។ យើងពុំឱបដៃនៅស្ងៀមឡើយ ពេលដែលឧស្សាហកម្មយើងរងការវាយប្រហារដោយវិធានការអយុត្តិធម៌បែបនេះ ៕
ចែករំលែកព័តមាននេះ