អ្នកប្រហែលជាធ្លាប់លឺហើយចំពោះភាពធ្ងន់របស់ជំងឺផ្តាសាយ ហើយវាក៏ជាជំងឺមួយដែលមនុស្សគ្រប់គ្នាមិនអាចចៀសផុតផងដែរ ដោយមានអ្នកខ្លះអាចកើតជំងឺនេះពីរបីដងឯណោះក្នុងមួយឆ្នាំ ។ យ៉ាងណាមិញ របបអាហារនិងរបៀបរស់នៅផ្តល់សុខភាពល្អដើរតួនាទីដ៏ធំមួយសម្រាប់ជួយឲ្យជំងឺនេះជាកាន់តែលឿន ។ ក្នុងនោះ ជីវជាតិដ៏ សំខាន់ៗដូចជា…
អ្នកប្រហែលជាធ្លាប់លឺហើយចំពោះភាពធ្ងន់របស់ជំងឺផ្តាសាយ ហើយវាក៏ជាជំងឺមួយដែលមនុស្សគ្រប់គ្នាមិនអាចចៀសផុតផងដែរ ដោយមានអ្នកខ្លះអាចកើតជំងឺនេះពីរបីដងឯណោះក្នុងមួយឆ្នាំ ។ យ៉ាងណាមិញ របបអាហារនិងរបៀបរស់នៅផ្តល់សុខភាពល្អដើរតួនាទីដ៏ធំមួយសម្រាប់ជួយឲ្យជំងឺនេះជាកាន់តែលឿន ។ ក្នុងនោះ ជីវជាតិដ៏ សំខាន់ៗដូចជា ជាតិដែក ស័ង្កសី និងសេឡេញ៉ូម ព្រមទាំងសារធាតុ Flavonoids ដែលមានប្រភពពីរុក្ខជាតិគឺជាផ្នែកមួយដ៏សំខាន់មួយ ដើម្បីជំរុញដល់ប្រព័ន្ធភាពកាន់តែខ្លាំង ។
អាហារបួនប្រភេទ ដែលអាចជួយបង្កើនមុខងារប្រព័ន្ធភាពស៊ាំមនុស្សយើង ហើយក៏ជួយឲ្យជំងឺផ្តាសាយឆាប់ជាទៅវិញដែរ៖
តែ
តែគឺជាប្រភពអង់ទីអុកស៊ីដង់ប្រភេទ Flavonoids ដ៏ច្រើនបំផុត ដែលត្រូវបានគេរកឃើញថា ជួយបង្កើនមុខងារប្រព័ន្ធភាពស៊ាំរបស់មនុស្សយើង ។ ការសិក្សាមួយបានរកឃើញថា សារធាតុជាច្រើនក្នុងតែនឹងជួយជំរុញដល់ប្រព័ន្ធភាពស៊ាំយកឈ្នះការឈ្លានពានរបស់បាក់តេរី វីរុស និងមេរោគផ្សិត ។ ចូរជ្រើសរើសតែបៃតង តែខ្មៅ ឬតែអូឡុង ។
ឫសឈើ ឬគ្រឿងផ្សំធ្វើម្ហូប
ប្រភេទឫសឈើ គឺជារបស់មួយប្រភេទដែលមានកំហាប់ខ្ពស់នៃប្រភពអង់ទីអូកស៊ីដង់សម្រាប់ធ្វើម្ហូបជាដើម ហើយភាគច្រើនគឺជាប្រភពនៃរុក្ខជាតិដែលត្រូវបានគេដឹងថា ជួយប្រឆាំងនឹងវីរុស ការរលាក និងបង្កើនមុខងារប្រព័ន្ធភាពស៊ាំ ។
ប៊ើរីពណ៌ខៀវ
ការស្រាវជ្រាវបានបង្ហាញថា ផ្លែប៊ើរីពណ៌ខៀវមានអង់ទីអុកស៊ីដង់ប្រឆាំងនឹងជំងឺខ្ពស់បំផុត។ ផ្លែប៊ើរី តូចៗទាំងនេះផ្ទុកទៅដោយសារធាតុ Quercetin ដែលជា Flavonoids និងដើរតួនាទីជាសារធាតុប្រឆាំងអាលែកហ្ស៊ី និងប្រឆាំងការរលាក ព្រមទាំងជួយការពារជំងឺបេះដូង និងមហារីកទៀត ។ អ្នកស្រាវជ្រាវបានប៉ាន់ស្មានឃើញថា ឥទ្ធិពលប្រឆាំងអាលែកហ្ស៊ីរបស់ផ្លែឈើមួយនេះ ប្រហែលជាជួយបន្ថយរោគសញ្ញាដែលជាប់ទាក់ទងនឹងការអាលែកហ្ស៊ីដូចជា ការហៀរសម្បោរ និងហៀរទឹកភ្នែកបាន ។
យ៉ាអួ
យ៉ាអួរផ្ទុកទៅដោយបាក់តេរីមានជីវិត និងសកម្មដែលអាចជួយដល់បាក់តេរី ល្អៗក្នុងរាងកាយបាន ។ ត្រឹមយ៉ាអួមួយពែងដែលមានជាតិកាល់ស្យូមគឺអាចផ្តល់នូវតម្រូវការជាតិស័ង្កសី២០ភាគរយទៅហើយ ដែលវាជាជាតិរ៉ែដ៏សំខាន់មួយសម្រាប់ប្រព័ន្ធភាពស៊ាំសុខភាពល្អ ។ ចូរចាប់ផ្តើមថ្ងៃថ្មីជាមួយនឹងការញ៉ាំយ៉ាអួមួួយពែង។ ក្រៅពីនេះវានឹងជួយឲ្យអ្នកគេងលក់កាន់តែស្រួល ។ ប្រព័ន្ធភាពស៊ាំ និងរាងកាយអាចជួសជុសរាល់ការខូចខាត ព្រមទាំងស្រួលបួលឡើងវិញក្នុងពេលគេងបានច្រើន ។ ការគេងគួរតែធ្វើយ៉ាងណាឲ្យបាន៧ម៉ោងក្នុងមួយយប់ តែបើបាន៨ទៅ៨ម៉ោងកាន់តែល្អ ៕
ចែករំលែកព័តមាននេះ