នារីម្នាក់កំព្រាឪពុកម្តាយ រស់ជាមួយជីដូនអាយុ៨០ឆ្នាំ តែនាងលាក់ជីដូនលួចប្រកបរបរលក់ខ្លួន ។ ថ្ងៃមួយប៉ូលិសសម្រុកចូលក្រសោបមនុស្សក្នុងផ្ទះបន ហើយឱ្យស្រីៗទាំងអស់ឈរតម្រង់ជួរចាំឱ្យគេកត់ឈ្មោះ, កត់ទីលំនៅ និងឱ្យផ្តិតមេដៃ ។
ពេលនោះជីដូនអាយុ៨០ឆ្នាំ បាត់ចៅស្រីយូរពេកក៏ដើររក លុះឃើញចៅស្រីកំពុងឈរក្នុងជួរជាមួយគេ គាត់ម្នីម្នាសួរ ៖
-ចៅធ្វើអីនៅទីនេះ ?
-ខ្ញុំកំពុងតម្រង់ជួរចាំទទួលអំណោយក្រូច ។ គេឱ្យក្រូចម្នាក់មួយថង់ ។ យាយទៅផ្ទះមុនចុះ បន្តិចទៀតខ្ញុំទៅតាមក្រោយយកក្រូចជូនយាយពិសា ។
លោកយាយឮចៅថា គេចែកអំណោយក្រូចក៏នឹកចង់បានដែរ ។ គាត់ដើរទៅឈរនៅចុងជួរដោយមិនឱ្យចៅស្រីឃើញ ។ ពេលនោះប៉ូលិសកត់ឈ្មោះស្រីៗគ្រប់គ្នា រួចស្រាប់តែក្រឡេកឃើញយាយចាស់ម្នាក់ទៀតក៏បើកភ្នែកធំៗសួរ ៈ
-យី លោកយាយអាច…បានដូចគេដែរឬ?
លោកយាយឆ្លើយតាមរបៀបហូបក្រូច ៈ
-បានតើ! បកសម្រករួច ខ្ញុំជញ្ជក់ៗជញ្ជក់ៗទាល់តែអស់ ។
ចែករំលែកព័តមាននេះ