ម៉ាស៊ីនត្រជាក់ LG Dual Cool ស៊េរីថ្មីឆ្នាំ 2018 សន្សំសំចៃថាមពលអគ្គិសនីកាន់តែច្រើននិងមិនប៉ះពាល់ដល់បរិស្ថាន
រាជធានីភ្នំពេញ ៖ នៅថ្ងៃពុធ ទី28 ខែកុម្ភៈ ឆ្នាំ2018 នេះ ក្រុមហ៊ុន ជីហ្គៀ (G…
រាជធានីភ្នំពេញ ៖ នៅថ្ងៃពុធ ទី28 ខែកុម្ភៈ ឆ្នាំ2018 នេះ ក្រុមហ៊ុន ជីហ្គៀ (G…
រាជធានីភ្នំពេញ ៖ នៅថ្ងៃពុធ ទី28 ខែកុម្ភៈ ឆ្នាំ2018 នេះ ក្រុមហ៊ុន ជីហ្គៀ (G Gear) និងក្រុមហ៊ុន LG Electronics ប្រារព្ធពិធីសម្ពោធផលិតផលម៉ាស៊ីនត្រជាក់ LG Dual Cool ស៊េរីថ្មី ឆ្នាំ 2018 របស់ខ្លួនដែលបំពាក់នូវមុខងារថ្មីៗជាច្រើន ដើម្បីបំពេញនូវតំរូវការអតិថិជនប្រើប្រាស់ ដោយកម្មវិធីនេះបានធ្វើឡើងនៅសណ្ឋាគារកាំបូឌីយ៉ាណា ដែលមានវត្ថមានអញ្ជើញចូលរួមពីភ្ញៀវកិត្តិយស ដៃគូរអាជីវកម្ម និងអ្នកសារព័ត៌មានជាច្រើន ប្រមាណជាង ២០០ នាក់។
ក្រុមហ៊ុន LG អេឡិចត្រូនិចបាននាំមកនៅម៉ាស៊ីនត្រជាក់ស៊េរីថ្មី ឆ្នាំ 2018 របស់ខ្លួនក្នុងប្រទេសកម្ពុជាហើយ ហើយម៉ាស៊ីនត្រជាក់ LG Dual Cool ស៊េរីថ្មីនេះបានអមមកនៅជាមួយនៅបច្ចេកវិទ្យាថ្មីៗជាច្រើនដ៏អស្ចារ្យដែលរួមមាន ៖
• សន្សំសំចៃថាមពលអគ្គិសនីបាន ៧០%
ជាមួយនិងបច្ចេកវិទ្យា Dual Cool របស់ LG លោកអ្នកអាចសន្សំសំចៃការចំនាយទៅលើអគ្គិសនីរហូតដល់ទៅ ៧០% បើប្រៀបធៀបទៅនិងម៉ាស៊ីនត្រជាក់ធម្មតាដែលគ្មាន dual កុំប្រេសស័រ ដោយសារតែ Inverter កុំប្រេសស័រពីរ តែងតែផ្លាស់ប្តូរនិងបទបែនល្បឿនបានល្អ ដើម្បីរក្សាកម្រិតសីតុណ្ហភាពដែលលោកអ្នកចងបាន។
• ត្រជាក់លឿនជាងមុន ៤០%
កុំប្រេសស័រពីរ (Dual Inverter Compressor) របស់ LG ជួយអោយម៉ាស៊ីនត្រជាក់អាចដំណើរការកាន់តែឆាប់ត្រជាក់ជាងមុនរហូតដល់ ៤០% នេះដោយសារតែ Dual Inverter Compressor មានសមត្ថភាពខ្ពស់ក្នុងការបន្ថែមល្បឿន និងសាយភាយខ្យល់ត្រជាក់បានលឿនជាងមុន។
• គុណភាពខ្ពស់ ប្រើប្រាស់បានយូរអង្វែង (កុំប្រេសស័រធានា ១០ ឆ្នាំ)
កុំប្រេសស័រពីរ (Dual Inverter Compressor) របស់ LG មានគុណភាពល្អ ការប្រើប្រាស់បានយូរអង្វែង ហើយអ្វីដែលពិសេសនោះ គឺទទួលបានការធានារហូតដល់ ១០ ឆ្នាំមុនគេបង្អស់ និងពុំធ្លាប់មានពីមុនមក។ LG Dual Cool បានបន្ថែមនូវទុយោស្ពាន់ និងកញ្ច្រែងស្ពាន់ដែលមានគុណភាព គ្មានការកាន់ច្រេះ ដែលជាហេតុធ្វើអោយម៉ាស៊ីនពុំឆាប់ពុកខូច។
• កាន់តែមានភាពងាយស្រួលជាងមុន
LG Dual Cool បានបំពាក់បន្ថែមនូវ Wifi Control សម្រាកដាក់ដំណើរការ smart ThinQ, មានបន្ថែមនូវប្រព័ន្ធត្រួតពិនិត្យសីតុណ្ហភាព។ កាត់បន្ថយសម្លេងរំខាន និងមានប្រព័ន្ធ Comfort Air សម្រាប់រក្សាសីតុណ្ហភាពអោយមានលំនឹង។ លើសពីនេះក៏មានបន្ថែមនូវមុខងារ Healthcare ការពារបាក់តេរី និងលម្អងធូលីផងដែរ។
• កាន់តែមានផាសុខភាពក្នុងការប្រើប្រាស់
Plasmaster lonizer plus ដែលមាននៅក្នុងម៉ាស៊ីនត្រជាក់ LG Dual Cool បានសាបព្រួសអ៊ីយ៉ុងជាងបីលាន ដើម្បីកំចាត់មេរោគអាក្រក់ មិនមែនតែខ្យល់ដែលចូលទៅក្នុងម៉ាស៊ីនត្រជាក់តែប៉ណ្ណោះទេ ប៉ុន្តែសារធាតុទាំងអស់ដែលនៅជុំវិញបន្ទប់អ្នក។ ចម្រោះធូលីបានល្អ លំហូរខ្យល់ សំលេងរំខានតិច និងស្រទាប់ដ៏រឹងមាំនៅលើផ្ទៃរបស់ខ្លួន ដែលស្រូបយក លុបបំបាត់មេរោគដែលបង្កគ្រោះថ្នាក់ និងផ្តល់មកវិញនូវខ្យល់ស្រស់ស្អាត។ បូករួមជាមួយអ៊ីយ៉ុង ដែលជួយបង្កើនជាតិសំណើមដល់ស្បែក បានកាន់តែល្អជាងម៉ាស៊ីនត្រជាក់ធម្មតាបានដល់ទៅ ១៥% ។
• ឧស្ម័នហ្គាសថ្មី R32 ឧស្ម័នដែលមិនប៉ះពាល់ដល់បរិស្ថាន
ថាមពលឧស្ម័នហ្គាស R32 វាមានសម្ពាធខ្លាំងដែលធ្វើអោយត្រជាក់កាន់តែខ្លាំង និងមានប្រសិទ្ធភាពខ្ពស់ បើប្រៀបធៀបទៅនិងឧស្ម័នហ្គាស R22 និង R410A។ R32 វាគឺជាឧស្ម័នហ្គាសម៉ាស៊ីនត្រជាក់ដែលជួយថែរក្សាបរិស្ថាន និងការពារការបំពុលបរិស្ថានដោយការប្រើប្រាស់ថាមពលអោយកាន់តែមានប្រសិទ្ធភាព។ លោកអ្នកមិនចាំបាច់ព្រួយបារម្ភពីការប៉ះពាល់បរិស្ថានទៀតឡើយនៅពេលដែលប្រើប្រាស់វា។
នាឱកាសនោះ លោកឧកញ្ញា សុខ ពិសិដ្ឋ នាយកប្រតិបត្តិក្រុមហ៊ុន ជីហ្គៀ (G Gear) បានមានប្រសាសន៍ថា៖ «ទាំងក្រុមហ៊ុន LG ក៏ដូចជាក្រុមហ៊ុន ជីហ្គៀ (G Gear) ផងដែរ យើងតែងតែគិតគូរដល់ដៃគូអាជីវកម្មលក់បន្ដរបស់យើង យើងតែងតែមានវគ្គសិក្សា និងការជួបជុំជាមួយដៃគូអាជីវកម្មរបស់យើង ដើម្បីបំពេញបន្ថែមនូវជំនាញសមត្ថភាពក្នុងការយល់ដឹងអោយកាន់តែច្បាស់អំពីផលិតផល និងការបង្កើនសមត្ថភាពការលក់អោយកាន់តែមានភាពរីកចំរើន ដូចជាកាលពីចុងឆ្នាំ 2017 កន្លងទៅនេះ យើងបានរៀបចំវគ្គបំពាក់បំប៉ន់ដល់ក្រុមជាង អ្នកជំនាញតំឡើងម៉ាស៊ីនត្រជាក់ជាង ៣០០ នាក់ នៅតាមបណ្ដាលខេត្ត និងរាជធានីភ្នំពេញ ដើម្បីអោយពួកគាត់កាន់តែមានជំនាញច្បាល់លាស់ និងមានការបំរើសេវាកម្មជួលជុលប្រកបដោយគុណភាព និងស្តង់ដាខ្ពស់»។
លោក Sung Suk Kim អគ្គនាយកក្រុមហ៊ុន LG ប្រចាំប្រទេសកម្ពុជា ក៏បានមានប្រសាសន៍ដែរថា៖ «ក្រុមហ៊ុន LG ព្យាយាមផ្តល់ជូននូវគំនិតច្នៃប្រឌិត និងបច្ចេកវិទ្យាថ្មីៗ ដើម្បីបំពាក់លើផលិតផលរបស់ខ្លួន ដើម្បីអោយអ្នកប្រើប្រាស់ទាំងអស់កាន់តែងាយស្រួលនៅក្នុងសម័យកាលដ៏ទំនើបនេះ។ ក្នុងពេលនេះដែរក្រុមហ៊ុន LG ក៏ចង់ធ្វើអោយស្របជាមួយនិងអង្គការបរិស្ថានអន្តរជាតិ ដើម្បីកាត់បន្ថយផលប៉ះពាល់ដោយសារផ្សែងពុលនៅលើផែនដីនេះ ដូច្នេះហើយទើបយើងបាននាំមកនូវម៉ាស៊ីនត្រជាក់ដែលប្រើប្រាស់ឧស្ម័នហ្គាស R32 ដែលមិនធ្វើអោយប៉ះពាល់ដល់បរិស្ថាន និងអាចជួយការពារផែនដីនេះ កាន់តែមានសុវត្ថិភាពជាងប្រភេទឧស្ម័នហ្គាស 410A »។
អតិថិជនទាំងអស់អាចអញ្ជើញមកទស្សនានៅការដាក់តាំងបង្ហាញម៉ាស៊ីនត្រជាក់ LG Dual Cool ស៊េរីថ្មីនេះបាននៅគ្រប់ហាងលក់គ្រឿងអេឡិចត្រូនិចដែលជាអ្នកចែកចាយលក់បន្តរបស់ក្រុមហ៊ុន G Gear និងហាង LG BrandShop គ្រប់សាខាទាំងអស់ ។
ទំនាក់ទំនងបន្ថែម ទូរសព្ទលេខ 023 888 299 http://ggear.com.kh/air-conditioners/
ចែករំលែកព័តមាននេះ