ក្នុងអំឡុងពេលជាច្រើនឆ្នាំកន្លងមក ភាពស៊ាំនៃរាងកាយប្រឆាំងនឹងជំងឺផ្សេងៗបានចុះខ្សោយនៅបណ្ដាប្រទេសអភិវឌ្ឍន៍ ធ្វើឱ្យមានការរីករាលដាលជំងឺសើស្បែក អាការរលាក និងជំងឺហឺតរាតត្បាតពាសពេញផ្ទៃប្រទេស ។
តាមការសិក្សាស្រាវជ្រាវរបស់លោក ហ្គាយ ឌីលេសភីស នាយកផ្នែកស្រាវជ្រាវភាពស៊ាំនៃរាងកាយនៃមហាវិទ្យាល័យម៉ុង ត្រេអាល់ ប្រទេសកាណាដា បញ្ជាក់ថា អាការចុះទន់ខ្សោយភាពស៊ាំនៃរាងកាយ បានរីករាលដាលដែលបណ្ដាលមកពីការធ្វើអនាម័យខ្លាំងហួសហេតុពេក ។ ភាពស៊ាំនៃរាងកាយមានលក្ខណៈចុះខ្សោយ អាចបណ្ដាលមកពីមូលហេតុផ្សេងៗដូចជាមនុស្សក្នុងក្រុមគ្រួសារធ្លាប់កើតជំងឺនេះ សារធាតុពុលក្នុងអាកាសធាតុ អាហារពាក់កណ្ដាល សំរេចភាពតប់ប្រមល់ ការជក់បារី និងការកំណត់ខ្លួនមិនឱ្យឡូកឡំជាមួយបាក់តេរីក៏ អាចជាមូលហេតុមួយដែរ ។ លោកឌីលេសភីស បានបញ្ជាក់ថា “ស្ថានភាពបរិស្ថានកាន់តែមានសុវត្ថិភាពនោះ កុមារកាន់តែមានភាពប្រថុយប្រថានកាន់តែច្រើនទៅនឹងភាពស៊ាំនៃរាងកាយចុះទន់ខ្សោយកាន់តែខ្លាំង” ។
គួររំលឹកថា ក្នុងឆ្នាំ១៩៨០ ប្រជាជនបស្ចិមប្រទេសកើតមានភាពស៊ាំនៃរាងកាយចុះខ្សោយតែ១០% ប៉ុណ្ណោះ ប៉ុន្ដែបច្ចុប្បន្ន បានកើនឡើងដល់ទៅ៣០% និងនៅក្នុងឆ្នាំនេះ (២០១០) កុមារម្នាក់ក្នុងចំណោម១០នាក់កើតជំងឺហឺតដោយសារភាពស៊ាំនៃរាងកាយចុះខ្សោយមកពីពួកគេរស់នៅក្នុងស្ថានភាពអនាម័យខ្លាំងហួសហេតុពេក ៕
ចែករំលែកព័តមាននេះ