រាជធានីភ្នំពេញ ៖ ស្ត្រីមានសតិមិនប្រក្រតីម្នាក់ អាយុ២៧ឆ្នាំ និងមានផ្ទៃពោះគ្រប់ខែ បានឈឺពោះសម្រាលកូនតាមផ្លូវ បង្កឲ្យមានការភ្ញាក់ផ្អើលដល់ប្រជាពលរដ្ឋនិងសមត្ថកិច្ចមូលដ្ឋានកាលពីវេលាម៉ោង១និង៣០នាទីរំលងអធ្រាត្រឈានចូលថ្ងៃទី២៧ ខែកុម្ភៈ នៅចំណុចផ្សារ៧មករាផ្នែកខាងត្បូង កែងផ្លូវលេខ៦១៤និងផ្លូវលេខ២៨៩…
រាជធានីភ្នំពេញ ៖ ស្ត្រីមានសតិមិនប្រក្រតីម្នាក់ អាយុ២៧ឆ្នាំ និងមានផ្ទៃពោះគ្រប់ខែ បានឈឺពោះសម្រាលកូនតាមផ្លូវ បង្កឲ្យមានការភ្ញាក់ផ្អើលដល់ប្រជាពលរដ្ឋនិងសមត្ថកិច្ចមូលដ្ឋានកាលពីវេលាម៉ោង១និង៣០នាទីរំលងអធ្រាត្រឈានចូលថ្ងៃទី២៧ ខែកុម្ភៈ នៅចំណុចផ្សារ៧មករាផ្នែកខាងត្បូង កែងផ្លូវលេខ៦១៤និងផ្លូវលេខ២៨៩ ស្ថិតក្នុងសង្កាត់បឹកកក់ទី២ ខណ្ឌទួលគោក ។
ប្រភពព័ត៌មានឲ្យដឹងថា នាវេលារំលងអធ្រាត្រនោះ គេឃើញស្ត្រីរូបនេះដើរទៅដើរមកនិងស្រែកត្អូញថាឈឺពោះ ថែមទាំងមានសភាពដូចជាបែកទឹកភ្លោះទៀតផង តែមិនទាន់សម្រាលកូននៅឡើយទេ ។ ភា្លមៗនោះ អ្នករស់នៅក្បែរចំណុចខាងលើ បានទាក់ទងទៅសមត្ថកិច្ចមូលដ្ឋានឱ្យចុះមកកាន់ចំណុចខាងលើ ។
ប្រភពដដែលបន្តថា ស្ត្រីមានសតិមិនប្រក្រតីដែលមានផ្ទៃពោះនេះ គេតែងឃើញដើរដេកតាមសំយាបផ្ទះគេនៅម្តុំនោះរយៈពេលជាងមួយខែមកហើយ ហើយក៏មិនដែលឃើញមានក្រុមគ្រួសារឬបងប្អូនណាមកសួរនាំឡើយ ។
នៅពេលសមត្ថកិច្ចមូលដ្ឋានមកដល់ ក៏បានទាក់ទងហៅរថយន្តសាមុយរបស់មន្ទីរពេទ្យកាល់ម៉ែត មកដឹកស្ត្រីរូបនេះទៅសម្រាលកូន ។ ពិតជាអាណោចអាធ័មពន់ពេកណាស់សម្រាប់ស្ត្រីដែលមានសតិមិនប្រក្រតីហើយពពោះទៀតនោះ គឺគួរឱ្យខ្លោចផ្សាក្នុងចិត្តណាស់។ មិនមាននរណាដឹងប្រវត្តិស្ត្រីរូបនេះទេថា តើមានប្តីឬក៏ត្រូវគេឆបោកបែបណាទេ ទើបមានផ្ទៃពោះបែបនេះ ៕
ចែករំលែកព័តមាននេះ